نماذج مذاكرات لكل المواد

و تدلل يا كايدهم خليهم ينجلطو😀😀😀

وحده عامله فيديو عم تنتقد واحد لأنو كب قشر موز بالطريق لأنها بتحب بلدها و بتحب يكون شوارع بلدها نضيفه و حضاريه لأنها تربت صح #المفاجأة كانت معظم التعليقات تهاجمها و تتنمر عليها و تسيء لها.
#نستنتج هناك نسبة كبيرة تمارس الغلط و تدافع عن الغلط.

بقلكم شغلة؟
اكتشفت و استنتجت انو يلي كان يقول كان صحن البيض 7000 و كيلو الفروج ب 15000 و لتر الزيت 8000 هاد كان شببح و عفيش و نصاب و محتال لأن هو اصلا ما كان يدفع حقهم كان ييجي عالمحل ياخد التياب و الأكل ببلاش و اذا حكي كلمه صاحب المحل بيكتبوا تقرير
مشان هيك عم يكتبوا اسعار من عشرين سنه اول كان الراتب 5000

من تعليقك بعرفك و بعرف ثقافتك

أخي الكريم أختي الكريمة
أول بكتب منشور و لا يوجد فيه أي إساءة لك فذوقيا إما أن تعلق بأدب او لا تعلق.
أول بغلط معك اغلط معي. أنا ما عم انشر شغلات مسيئة بحق أي إنسان محترم و شريف و وطني. أما إن كنت شبيح و عفيش حقك تزعل لأني بكون قاصدك.

أما تعلق و تكتب كلمات فيها إهانة شخصية و إساءة فمن الضروري رد عليك بنفس الأسلوب حتى تحس باحساسي. لان في عالم اذا ما زعجتها ما بتتعلم.
و عندما تتكرر الإساءة بعمل حظر.

#ملاحظة معظم من يسيء بالتعليقات لم يعلق ايجابا على عشرات المنشورات التي كنت اطالب بها برواتب للفقراء و المحتاجين و توفير فرص عمل. و زيادة رواتب المتقاعدين.

لكن يظهر في عالم كانت عايشه عالتشبيح و التعفيش و النصب والاحتيال و الفوقية و النكد والحسد و انقطع رزقها.

أحد الأخوة المتابعين كتب قال هيك كانت الاسعار قبل التحرير. معقول أنا منفصل عن الواقع لهلدرجه أنا مخرف😃🤭

كانت أسعار السلع الأساسية كالتالي منذ عامين
أتحدى من يكذبني

١- سكر عشرين ألف الكيلو
٢- رز الكيلو عشرين ألف طبعا رز عادي
٣- برغل عشرين ألف
٤- عدس عشرين ألف
٥- لتر زيت اونا 40 ألف و بيدون الزيت الأخضر مليون و نص اشتريتو
٦- صحن البيض 75 الف
٧- كيلو البطاطا 15 ألف
٨- الدفتر عشرة الاف
٩- لتر البنزين و المازوت 23 ألف بالحر و ما بتلاقي
١٠- السيارة كيا كانت 200 مليون اليوم 50 مليون
١١- البصل معقول ننسى بصل اسماء الأسد الفاسقة 65 ألف و عالبطاقة
١٢- الشاي الكيلو 200 ألف
١٣- القهوة ظرف صغير 45 ألف
١٤- كيلو الفروج 105 الاف والله

#والراتب فقط 300 ألف
#ملاحظة1 جميع هذه المواد كانت معونات للشعب و كانوا يبيعونا ياها.

#ملاحظة2
كنت تعطل يوميتك و انت ناطر عالطابور لتشتري ربطة الخبز أو لتجيب جرة الغاز أو تنتظر يومين حتى تعبي بنزين
#ولووووووو
معقول ننسى طوابير السيارات
أقسم بالله العظيم كان اذا حدا بدو يروح عالمشفى ما يلاقي سيارة لان ما في بنزين.

#ملاحظة4 لا تنسوا كانت المعونات تسوس و ما يعطوها للشعب
#ملاحظة 5 كنت تضل واقف ساعات طويلة بالشوارع ناطر سرفيس و بالاخير شوفير السرفيس يذلكم و يهينكم و هو شقفة وسخ ازعر

#اخجلوا
معقول نسيتوا كيف حرقوا أشجار الساحل و قتلوا الأبقار باللقاحات الفاسدة من حوالي سبع سنوات
#شوووووو
#نسيتوووووو
أنا لا والله ما نسيت ولا راح انسى

؟؟

كان راتبي زمن #النجس يكفيني يومين والله على ما أقول شهيد و طبعا شراء حاجات أساسية فقط. اليوم يكفيني الحد الأدنى نصف شهر.

#أستنتج الحمد لله و الشكر لله أنا كمدرس اليوم أفضل بكثييير من المدرس زمن #النجس.

#ولذلك
شكرا من القلب

#ملاحظة رجاء ما حدا يحكي بمواضيع أخرى. أنا أتكلم فقط عن المعلمين. ما حدا يدخلني بهموم غيري. الله يفرج عالجميع

ضمن الإمكانيات الحالية و الظروف التي تمر بها المنطقة عموما و سورية خصوصا اعتقد الزيادة مقبولة. و الحمد لله و الشكر لله.

حتى تكتمل سعادتنا نتمنى منح راتب لكل أسرة سورية فقيرة محتاجة ليس لديها أي مصدر للدخل. يعني راتب مليونين ليرة اقل تقدير.

و شكرا من القلب
و الطمع ما حلو

بيان مشترك بين وزارة المالية ووزارة التربية والتعليم
حول اللوائح التنفيذية للزيادة النوعية للعاملين في قطاع التربية والتعليم في سورية