Thok Nath Daily Lesson

ƔƆƆN!
Riali̱ riet ɛmɔ i̱kä ɛ gɔaa.
👇🏼👇🏼👇🏼👇🏼👇🏼👇🏼👇🏼👇🏼
"kɔt ci̱ thɔ̱l wäär a ɣɔw"

***** LÄÄR MI̱ PAY TUƆCK.*****

.---- Wuni̱ wec kä Warrap kä Bär-Ɛl-Gdhääl, cikɛ kuak köör ti̱ muɔth-muɔɔth guëth raar kɛ ɣöö bi kɛ nyiëëny kɛ män.
Kɛ kɔr ni̱ni̱ të ci̱ wä, ci wut mi̱ cɔali̱ Agaany wäŋ nyaadɛ yiɛ̈th kɛ rieepni̱ tumä, kɛ ɣöö /cɛ wuni bi̱ lɛ guic kɛ ɣöö ɛ jɛn i nyaadɛ ɛ ler.
Pan kä jɛ, ci wut mi cɔali̱ Lual ciekdɛ yiɛth ni bur-nyi̱i̱thdɛ kɛ mut, kɛ ɣöö ci̱ ciek wee /thiɛlɛ kuän mi̱ cɛ thal.
Kä i̱ nɔ, ci̱ Tearz Ayuen ji̱ duel Kuɔth thiec cet kɛ duel Kuɔth Ja̱a̱ŋni̱ min cɔali̱ Immanuɛl (Emmanuel Jieng Church) ɛn ɣöö dee kɛ pal kɛ kui̱c wutni̱ Warrap kɛ ɣöö /ci̱ kɛn ti̱ muɔth-muɔɔth bi tɛr ni ko̱o̱ri̱ ciëëŋni̱.
Ci̱ Ayuɛn ruac ɛmɔ jäkä naath rɛy jɔam kɛ ɣöö bi ji ŋäthä diaal pal kɛ kui̱c wuni̱ Warrap.

*****LÄÄR MI̱ PAY TUƆƆK.**** Ca köök kuakni̱ ti̱ jiɛn kä Pi̱bo̱r ro̱o̱l Jäbɛ päth ɛ ŋuɛ̈tni̱ Ja̱a̱ŋni̱ Boor rɛy cieŋ mi̱ cɔali̱ Pakau kä rɛy wec kä Jo̱ŋley. Ca lat ɛn ɣöö ca ram kɛl näk kɛ ram kɛl mi̱ ca moc kɛ buɔ̱t kä ci̱ tha̱a̱ŋ nath pi̱r dɔɔr rɛy ruɔ̱ɔ̱p. Kä i̱ nɔ bä, ca ɣɔ̱kkiɛn ti̱ jiɛn-da̱ŋ-dhieec (50) ti̱ te rɛy thurbiɛɛl mi̱ di̱i̱t kuäk ɛ kɛn ŋuɛ̈tni̱ mäcni̱ tɔ̱tɔ̱. Nɛy tin ca rɔ̱ bar kueckɛ guääth in cikɛ wä thi̱n.

***** CA KƆN DIAAL ŊUAŊ*****

Ca kɔn diaal ŋuaŋ ɛ ji gɔal Böth Puɔ̱k Baluaŋ kɛnɛ ji gɔal Bol Löth Gɔ̱k kɛ kuic kuën gankiɛn da̱ŋ rɛw, Puɔ̱k Böth Puɔ̱k Baluaŋ kɛnɛ Cudiɛr Bol Lo̱th Gɔk.
Kuɛn wargak ɛ te pinyɛ.
👇👇👇👇👇👇👇👇👇👇👇👇

****LÄÄR KƐ KUI̱C KÖÖR THUDA̱N***

Ji̱ Thɔath Thuda̱n ti̱ ŋuan tin ci̱ rɔ̱ bar kɛ kui̱c köör kä Thuda̱n ci̱kɛ ben cuɔ̱ŋ kä Räŋ kɛnɛ Palo̱c.
Män kɛnɛ gaat kɛ nɛy diaal tin ca rɔ bar kɛ kui̱c köör kä Thuda̱n cuc kɛn ɛlɔ̱ŋ kä Räŋ. /Thiɛlɛ mi̱ camkɛ kɛnɛ pi̱w kɛ gua̱a̱th tɔ̱ɔ̱cä amäni tin kɔ̱ŋ kɛ kui̱c teekä. Riwdiɛn jiɛn kɛ ni̱ kä Kartum kɛ ciökkiɛn, bä kɛn ben kɔt däärɔ kɛ thurbiɛɛli̱.
Ca lat bä ɛn ɣöö, ŋot naath kɛ ben kä Räŋ ɛlɔ̱ŋ tin put kä Thuda̱n.
Ci̱ röl ti ŋuan wi̱cmuɔ̱n kɛliw nɛɛykiɛn tin tekä Thuda̱n lor kɛ ria̱th nhial, duŋdɛ ɣöö ŋot Thɔath Thuda̱n /thiɛlɛ mi̱ cɛ ni car kɛ kuic nɛɛyni kɛ ti ci̱ cuit rɛy rikä köör in tekä Thuda̱n.

***** RAM KƐL KÄ MUKTÄP LA̱T ŊUƆTNI̱ KÄ JUBA CƐ KUA̱R KUMƐ BƐL.****

Läät kä muktäp la̱t ŋuɔ̱tni̱ mi̱ di̱i̱t kä Juba ni̱ Jiɛmi̱th Lual min lät kɛ kui̱c wec in cɔali Warrap, cɛ kua̱r kumɛ tin di̱t bɛl kɛ ɣöö puut kɛni̱ ciëëŋ mankiɛn kɛnɛ watkiɛn rɛy rikä min tekä Thuda̱n.
Hon. Lual cɛ lat ɛn ɣöö, kua̱r kumɛ tin di̱t puut kɛni̱ watkiɛn bäny kɛn ji̱ Thɔath Thuda̱n tin /thiɛl lua̱ŋ kä /thiɛl yiöw piny. Cɛ lat ɛn ɣöö, /ci kua̱r kumɛ nɛy ti̱ cuc dee ba̱ny piny ɛ ba nööŋ ni̱ watkiɛn.
Cɛ lat bä ɛn ɣöö ba nɛy tɔ̱tɔ̱ thiec kɛ ɣöö mɔ lät kɛnɛ mɛ /cɛ gɔaa.

KƐƐL MEDIA
Wargak Lääri̱ kɛThok Nath Wi̱cmuɔ̱n Kɛliw.
Thok Nath Newspaper worldwide

Tukni Kiɛn

1. Kuäär ni Kir cɛ Duɔ̱ɔ̱p Kam Juba kɛnɛ Terekeka Lɛp, Duɔ̱ɔ̱p in Di̱i̱t in wee ni̱ kä Rumbek

kɛ Thookdu mee Dap kɛ ji.

KƐƐL MEDIA

KƐƐL MEDIA
Wargak Lääri̱ Thok Nath Wi̱cmuɔ̱n Kɛliw.
Thok Nath Newspaper worldwide

Tukni Kiɛn

1. Kuäär ni Kir ci̱kɛ Jek kɛnɛ Kuäär Tɛ̈t ni Mäk kä Muktäpdɛ kä Juba.

2. SSPDF cɛ Dec Gatwec SPLA-IO Kitguaŋ Luëk i /Cuarɛ Ji̱ wëc Tɛ̈t Näk kiɛ Banɛ Nyiëny.

kɛ Thookdu mee Dap kɛ ji.

KƐƐL MEDIA