Almusbah Schools

Waa kuwan ciyaaryahanno ka tirsan oo si firfircoon uga qeybgalay kulamo isboorti oo ay soo qabanqaabisay Degmada Wadajir ee Gobolka Banaadir.

Waxay si heer sare ah u muujiyeen xirfad, karti iyo isku-duubni, iyagoo kubadda si qurux badan ugu hubsaday shabaqa, taasoo muujinaysa dadaalka iyo tayada sare ee ay dugsigu ku barbaariyo ardaydiisa.

wuxuu mar walba garab istaagaa horumarinta isboortiga iyo kobcinta hibada ardayda, si ay mustaqbalka uga noqdaan ciyaaryahanno waxtar u leh naftooda iyo bulshada.

Hambalyo Hambalyo Hambalyo

Waxaan hambalyo u diraynaa dhammaan macallimiinta Soomaaliyeed, meel kasta oo ay dunida ka joogaan. Alle ha idinka abaalmariyo juhdiga, dulqaadka iyo dadaalka aad ugu adeegtaan ubadka Soomaaliyeed.

In kasta oo aad ku shaqeysaan xaalado adag oo aan mararka qaar la idin siin abaalgudkii aad istaahisheeseen, haddana k**a daashaan u heellanaanta horumarinta mustaqbalka jiilka soo koraya. Taasi waa mid ka marag kacaysa adkeysigiinna, kartidiinna iyo u hibeynta shaqada macallinnimada.

Waxaan Eebbe uga baryeynaa inuu dadaalkiinna idinka abaalmariyo aduun iyo aakhiraba, kuna gallado ajar iyo xasanaad aan dhammaaneyn.

Mahadsanidiin.

Kormeer waxbarasho.

Soo dhaweyntii musharax Zakarie Muse Elmi

Booqasho Qiimo Leh

Maanta waxaa Almusbah Schools booqasho ku yimid; Mudane Zakarie Muse Elmi oo ka socda Xisbiga Cadaaladda iyo Wadajirka , kana mid ah musharrixiinta u taagan Golaha Deegaanka, una dhaq-dhaqaaqa waddada adeegga bulshada.

Mudane Sakariye, oo ka mid ah dhalinyarada hanka dheer, waxa uu bahda Al-Musbaax iyo guud ahaan shacabka ku nool Degmada Wadajir ka codsaday inay siiyaan codkooda, maadaama uu u taagan yahay u adeegidda iyo horumarinta bulshada.

Sidoo kale, waxa uu caddeeyay inuu mudnaanta siin doono:

Ilaalinta xuquuqda bulshada

Horumarinta deegaanka

Tayeynta waxbarashada

Adeegyada caafimaadka

Dhiirrigelinta xirfadaha waxtarka u leh bulshada

Ugu dambayntii, Mudane Sakariye wuxuu yidhi:
“Dalka waxaa dhisa kuwa maanta wax barta, berrina wax beddela. Adinkuna waxaad tihiin kuwaas.”

Guuleeyso mudane.

WACYIGELIN.

🌱 Aabbaha maanta u taagan masuuliyadda, berri adiga ayuu kaa doonayaa inaad taagnaato.

Aabbahaa waxa uu maalin kasta u shaqeeyaa si uu u guto waajibaadka reerka, isagoo la tacaalaya culaysyo dhaqaale oo badan sida:- waxbarashadaada, biilka reerka, kirada, kaalmeynta masaakiinta iyo adeegyada kale.

Waxa uu u dulqaataa dhib kasta si adiga aad wax u baratid, una gaartid nolol ka wanaagsan tan uu maanta ku sugan yahay isaga. Bal kawaran qof kuugu dadaalayo sidii aad isaga uga nolol wanaagsanan leheyd?!

Haddii aad maanta dadaasho oo si dhab ah wax u barato, berri adiga ayaa noqon doona hiilka waalidkaa iyo bulshadaada.
Laakiin haddii aad dayacdo fursadda maanta ku hortaalla, berri adiga iyo waalidkaaba waad dayacmi doontaan.

Ardayow, guushaada waa farxadda waalidkaa.
Almusbah Schools
Qodax Nuh

🇸🇴 12-ka October – Maalinta Calanka Soomaaliyeed

Calanka buluugga ah iyo xiddigta cad waa astaanta midnimada, nabadda iyo qaranimada Soomaaliyeed.

Calankeennu wuxuu ka tarjumayaa halgankii, xornimadii iyo isku duubnidii ay ummadda Soomaaliyeed u soo martay dhismaha qarankeena.

Calanku waa calaamad mideysa dhammaan shacabka Soomaaliyeed, meel kasta oo ay joogaan, kana tarjumaysa sharafka iyo gobannimada qarankeena.