Uniso Fomas student association

🌙✨ Ciidul Adxaa Mubaarak ✨🌙

Waxaan hambalyo iyo bogaadin u dirayaa dhammaan ardayda, howlwadeennada, macallimiinta, iyo maamulka Faculty of Medicine and Surgery.

Sidoo kale waxaan hambalyo u dirayaa dhammaan Muslimiinta iyo guud ahaan shacabka Soomaaliyeed meel kasta oo ay joogaan.

Alle ha naga aqbalo acmaasha wanaagsan, ciidanna ha nooga dhigo mid nabad, caafimaad, barwaaqo iyo farxad ku dhammaata.

𝐌𝐚𝐚𝐥𝐢𝐧𝐭𝐚 𝐖𝐚𝐜𝐲𝐢𝐠𝐞𝐥𝐢𝐧𝐭𝐚 𝐂𝐮𝐝𝐮𝐫𝐤𝐚 𝐃𝐡𝐢𝐢𝐠𝐤𝐚𝐫𝐤𝐚

Iyadoo la xusayo Maalinta Wacyigelinta Cudurka Dhiigkarka ee ay asteeysay Hay’adda Caafimaadka Adduunka (WHO) 17-ka May,

Kulliyadda Daawada iyo Qaliinka Guud ee Jaamacadda Soomaaliya (UNISO) ayaa qabatay kulan tababar iyo wacyigelin ah oo lagu kordhinayo fahamka cudurka dhiigkarka, oo loo yaqaan “dilaa aamusan”.

Tababarka ayaa diiradda lagu saaray:
..Habka saxda ah ee loo cabbiro cadaadiska dhiigga
..Sida baaritaanka dhiigkarka loogu sameeyo si sax ah guriga

Wacyigelinta waxaa soo jeediyay 𝐃𝐫. 𝐄𝐬𝐦𝐚𝐢𝐥 𝐇𝐮𝐬𝐞𝐢𝐧 𝐅𝐞𝐲𝐭𝐞, waxaana kasoo qayb galay maamulka iyo macallimiinta kulliyadda, oo uu hormuud u ahaa 𝐏𝐫𝐨𝐟. 𝐃𝐫. 𝐌𝐨𝐡𝐚𝐦𝐞𝐝 𝐀𝐦𝐢𝐧.

Ka hortagga dhiigkarka wuxuu ka bilaabmaa wacyi iyo baaritaan joogto ah.

Shalay oo ahayd Sabti, 25/4/2026, waxaa xarunta OGR ee Jaamacadda UNISO ka qabsoomay xaflad si heer sare ah loo soo agaasimay oo loogu dabaaldegayay World Laboratory Week

Waxaan hambalyo iyo bogaadin u dirayaa dhammaan ardaydii ka shaqeysay abaabulka iyo qabanqaabada xafladdan quruxda badan. Dadaalkiinna, kartidiinna iyo wadajirka aad muujiseen waa mid mudan in la amaano

Guul iyo horumar ayaan idiin rajeynayaa mar walba

Maanta oo ku beegan 7-da April, waa Maalinta Caafimaadka Adduunka

Anagoo ah Midowga Medicine and Surgery, waxaan hambalyo iyo bogaadin u diraynaa dhammaan bulshada caalamka, gaar ahaan dhakhaatiirta, kalkaaliyeyaasha, iyo dhammaan bahda caafimaadka ee u heellan badbaadinta nafaha iyo horumarinta daryeelka caafimaad.

Maalintan waxay ina xusuusinaysaa muhiimadda caafimaadka iyo doorka weyn ee ay ku leedahay horumarka bulshada. Waxaan ku boorrinaynaa qof walba inuu ka shaqeeyo ilaalinta caafimaadkiisa iyo kan dadka ku xeeran.

Caafimaadku waa tiirka nolosha aan wada ilaashanno.

Hambalyo Maalinta Caafimaadka Adduunka

Maamulka Kuliyadda Daaweynta iyo Qalliinka Guud ee Jaamacadda Soomaaliya (UNISO)

Manta oo talaado ah booqasho ku tagay De Martino Hospital, oo ka mid ah isbitaallada ay ardaydu ku qaataan internship-ka.

Booqashadu waxay xoojisay wada-shaqeynta Jaamacadda iyo Isbitaalka, si loo hubiyo in ardaydu helaan tababar tayo leh oo kor u qaada
Xirfaddooda iyo adeegga ay u hayaan bulshada

MIDOWGA ARDAYDA DAAWADA & QALINKA – Jaamacadda Soomaaliya – UNISO

Waxaan hambalyo iyo bogaadin u diraynaa ardayda ku guuleystay Imtixaanka Takhasuska Caafimaadka (Medical Residency Entrance Exam – MREE) 2026, oo lagu qabtay Isbitaalka weyn ee Erdoğan (Ex-Digfeer), kaas oo ay ka qeybgaleen 457 dhaqtar.

Guuleystayaasha sharafta leh waa:
Dr. Anas Abdi Fiqi — Kaalinta 1aad
Dr. Ahmed Abdirizak Isse
Dr. Mohamed Farah Warsame

Dhakhaatiirtan qiimaha leh waxay ka mid yihiin qalin-jebiyeyaasha Kulliyadda Daaweynta iyo Qalliinka Guud (Faculty of Medicine & Surgery) ee UNISO, taasoo mar kale muujisay tayada waxbarasho iyo dadaalka ardaydeeda.
Guushan waa mid sharaf u ah jaamacadda, macallimiinta, waalidiinta, iyo guud ahaan bahda caafimaadka Soomaaliyeed. Waxay tusaale u yihiin dadaal, karti, iyo himilo sare.

Waxaan idiin rajaynaynaa guul iyo horumar joogto
ah safarkiinna takhasuska caafimaadka.

Prof-Dr. Mohamed Amin Abdulkarim Nur , Hormuudka Kulliyadda Dawada iyo Qaliimada Guud (Faculty of Medicine & Surgery),Iyo Lataliyaha Dhanka Caafimaadka Ee Gudoomiyaha Jaamacadda Prof-Dr.Yassin Ahmed Nur ayaa saaka subaxanimo booqasho ku maray qaar ka mid ah isbitaalada ardayda ay ku maraan internshipka.

Isbitaalka Madiina Hospital oo ka mid ah Isbitaaladaas ayaa waxaa ku soo dhaweeyey gudomiye kuxigenka ururka dhaqatiirta somaliyeed Dr. Mohamed Carabeey Iyo Madaxa Caafimaadka Dr. Abdulkadir Gaalkacayo , Waxa ayna kawada hadleen sidii loo sii xoojin lahaay xiriirka kawada dhaxeeya Isbitaalka Iyo Jaamcada (UNISO) .

Maanta oo ay taariikhdu tahay 10 December 2025, waxa si rasmi ah loo dhagax dhigay dhismaha cusub ee Jaamacadda Soomaaliya (UNISO).

Tallaabadan cusub waxay ka tarjumaysaa horumarinta waxbarashada sare ee dalka, gaar ahaan dhinaca caafimaadka, si loo helo jiil xirfad u leh adeegga bulshada.

Kulliyadda Medicine-ku waxay u aragtaa dhismahan cusub mid fure u ah tayeynta waxbarashada, kor u qaadista waxbarasho oo casri ah.

Waxaan u mahadcelineynaa dhammaan ka qeyb-galayaasha iyo maamulka Jaamacadda Soomaaliya oo dadaal weyn geliyay hirgelinta mashruucan muhiimka ah.

UNISO — Mustaqbalka caafimaadka Soomaaliya.

Bismillah.
Maanta oo Khamiis ah, 4/12/2025, waxaa xarunta OGR Campus noogu qabsoomay seminar aad u muhiim ah oo cinwaankiisu ahaa:

“Digital Collection Using KoboCollect and Data Analysis Using Stata – Hands-on Practice.”

Waxaannu baranay sidii si casri ah xogta loo ururin lahaa loona falanqeyn lahaa, anagoo ku shaqeynayna hab-dhaqan ku saleysan khibrad toos ah (practical).
Seminaarku wuxuu naga kororsiiyey xirfado muhiim u ah shaqada cilmi-baarista iyo maamulka xogta.

Mahadsanid dhammaan ka qeybgaleyaasha iyo qaban-qaabiyeyaasha!

Waxaan ku faraxsanahay inaan idinku casuuno seminaarka gaar ah ee Thesis Book-ga, kaas oo loogu talagalay ardayda sanadkii ugu dambeeyay iyo kuwa danaynaya hab-qorista cilmi-baarisyada