Eng: Mohamed Nuur Bashar

Guul wacan

Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa magacaabay Agaasimayaasha Guud ee Wasaaraddaha Waxbarashada iyo Dhallinyarada iyo Ciyaaraha.

Wasaaradda Waxbarashada Iyo Tacliinta Sare ee DG Hirshabeele

WAR-SAXAAFADEED
UJEEDO: SHAACINTA WAQTIGA IMTIXAANKA FASALKA 8AAD EE SANAD-DUGSIYEEDKA 2024–2025

Wasaaradda Waxbarashada iyo Tacliinta Sare ee Dowladda Hirshabelle waxa ay si rasmi ah u shaacinaysaa in Imtixaanka Shahaadiga ah ee Fasalka 8aad, sanad-dugsiyeedka 2024–2025, uu bilaaban doono maalinta Sabtida ah ee 21-ka Juun 2025, isla markaana uu socon doono ilaa 24-ka Juun 2025.

Imtixaankan oo ah kii lixaad ee mideysan oo ay Wasaaraddu qaadayso, ayaa looga gol leeyahay in lagu xoojiyo tayada waxbarashada iyo in la mideeyo nidaamka Imtixaanka dhammaan dugsiyada ku yaalla gobollada iyo degmooyinka Dowladda Hirshabelle.

Wasaaraddu waxa ay faraysaa dhammaan dugsiyada leh fasalka 8aad in ay si buuxda ugu diyaar garoobaan qabsoomidda Imtixaanka, ayna ardayda wacyigeliyaan si ay si wanaagsan isugu diyaariyaan. Sidoo kale, Maamullada Dugsiyada iyo Macallimiinta waxaa lagu boorinayaa in ay xaqiijiyaan dhameystirka manhajka, si ardaydu u helaan waqti ku filan oo ay dib ugu eegaan casharrada, uguna diyaar garoobaan Imtixaanka si heerkiisu sareeyo.

Wasaaradda Waxbarashada iyo Tacliinta Sare ee Hirshabelle waxa ay ku dhiirrigelinaysaa wada-shaqeyn iyo is-faham buuxa si Imtixaanku ugu qabsoomo jawi hufan oo nabdoon.

—DHAMMAAD—

Mohamud Ali Ahmed
Agaasimaha Waaxda Imtixaanaadka iyo Shahaadooyinka Wasaaradda Waxbarashada iyo Tacliinta Sare Dowladda Hirshabelle,

Mohamed Abdullahi Farmaajo

Shacabka Soomaaliyeed waxaan la wadaagayaa inay ka feejignaadaan dacaayadaha raqiiska ah ee argagixisadu ay ku doonayaan in ay ku sumcad dilaan ciidamadeenna geesiyaasha ah, kagana been sheegayaan waaqaca dhabta ah ee ka jira Soomaaliya. In ciidanka qaranku ay magaalooyin tab iyo xeel dagaal uga soo baxaan macneheedu maaha in laga adkaaday, sidaas darteed waxaan shacabka Soomaaliyeed ugu baaqayaa in ay ciidanka qaranka la garab istaagaan hiil iyo hoo intaba, taas oo keeni karta in ciidanku ka guulaystaan cadowga.

Waxaa hubaal ah in ayada oo ciidanka la dhisayo haddana laga guulaysan karo kooxaha nabad-diidka ah, sidii h**e u dhacday sannadihii 2018 ilaa 2020-kii oo ayada oo ciidanka dhismihiisa lagu dhex jiro, haddana ay noo suurta gashay inaan argagixisada ka xorayno magaalooyin badan oo ay ka mid yihiin Marka, Jannaalle, Ow-Dheegle, Bariirre, Sabiid iyo Caanoole.

Hoggaanka dalka, heer Federaal iyo heer Dowlad Goboleed, waxaan ugu baaqayaa in ay mudnaanta koowaad siiyaan danta guud, xaqiijinta xasillooni siyaasadeed, adkaynta midnimada, wadajirka iyo madallaynta dastuur iyo doorasho wada-oggol ah, taas oo lagu gaari karo dhammaystirka dowlad-dhiska dalka.

Saaxiibbada caalamka ee sida hagar la’aanta ah uga qayb qaadanaya soo kabashada dalka, dhismaha Ciidamada Qaranka iyo dagaalka ka dhanka ah argagixisada waxaan ku dhiirri-gelinayaa in ay xoojiyaan taageeradooda iyo garab-istaagga shacabka iyo dowladda Soomaaliyeed.

Sheeko Dhiirrigelin Ah: "Fardoowso iyo Geedkii Riyada"

Fardoowso waa gabar yar oo ka timid tuulo yar oo abaari hayso. Qof walba wuu ka yaabay riyadeeda — waxay doonaysay inay noqoto injineer caan ah oo dhisa ceelal biyood. Dad badan ayaa ku qoslay markii ay sheegtay hammigeeda.

Laakiin Fardoowso way iska dhagaysatay qosolkooda, waxbarashadeedana way u hurtay dadaal badan. Maalin maalmaha ka mid ah, iyadoo qalin jebinaysa, waxay ahayd qofkii ugu sareeyay jaamacaddeeda.

Maalin kadib, waxay dib ugu laabatay tuuladii, waxayna dhistay ceelkii ugu horreeyay ee biyo nadiif ah dadka siiya!

Markaas bay dadkii la qoslayey ku dheheen:
"Fardoowso, adiga riyadaadii ma noqon sheeko, waxay noqotay nolol!"

> Cashar: Ha u ogolaan dadka inay riyadaada ka quustaan. Riyadaadu waa adiga. Dadaal iyo samir baa dhab ahaan ka dhiga.

SHEEKO GAABAN
Wiil iyo awowgiis ayaa meel wada fadhiyeen, ayagoo wada sheekeysanaya ayaa waxaa kasoo horbaxay wiilka macalinkiisa dugsiga, awoowe ayaa wuxuu yiri, wiilkeygiyow dhuumo macalinka dugsiya ayaa soo socdee, wiilki wuxuu ku yiri awoowe waa inaad adiga dhuumataa sawabtoo ah awoowgee ayaa dhintay baan ku soo fasax qaaday