ABSID MEDIA

Ra’iisul Wasaaraha Soomaaliya 🇸🇴 ayaa ku boorriyay shacabka ku nool Muqdisho inay hormuud ka noqdaan horumarinta iyo barwaaqaynta caasimadda. Baaqan ayaa imanaya xilli magaalada ay ka socoto koboc dhisme oo ballaaran, kaas oo dib-u-habayn ku sameynaya kaabayaasha dhaqaalaha isla markaana wax ka beddelaya muuqaalkii guud ee skyline-ka magaalada.

Madaxweynaha Turkiga, Recep Tayyip Erdoğan, ayaa toddobaadkan booqan doona Masar 🇪🇬 iyo Sacuudi Carabiya, sida uu shaaciyay madaxa warfaafinta madaxtooyada. Booqashada Sacuudiga ayaa dhici doonta Talaadada, halka tan Masarna ay noqon doonto Arbacada.

Weeraryahanka reer Nigeria 🇳🇬 Ademola Lookman ayaa ku biiray kooxda Isbaanishka ee Atletico Madrid, kaddib heshiis uu kula wareegay uga yimid naadiga Atalanta ee horyaalka Talyaaniga (Serie A).

Wararka Ciyaaraha.

Hay’adda Sirdoonka Dibadda ee Ruushka (SVR) ayaa ku eedeysay Madaxweynaha Faransiiska, Emmanuel Macron, inuu oggolaaday hawlgallo sirdoon oo lagu sheegay inay ujeeddadoodu tahay ciribtirka hoggaamiyayaal ay ku tilmaantay “kuwa aan loo baahnayn” ee ku sugan qaaradda Afrika.

Madaxweyne Trump 🇺🇸 ayaa sheegay inuu ka fiirsanayo inuu dacwad ku soo oogo martigeliyaha xafladda Grammy-ga, Trevor Noah, kaddib markii uu ka carooday kaftanno iyo hadallo uu Noah ka jeediyay intii ay socotay xafladdu. Trump ayaa dhaliilay qaabka uu u martigeliyay, isagoo yiri: “Waxaan u arkaa mid aad u liita,” isla markaana ku dooday in hadalladaasi ay ka gudbeen xadka kaftanka, kuna noqdeen weerar toos ah.

Wararka Caalamka.

Koonfur Suudaan 🇸🇸 ayaa wajahday dib-u-dhac cusub kaddib markii koox fallaago ah ay ka baxday heshiis nabadeed oo la saxiixay sannadkii h**e. Isniintii, hoggaamiyaha SPLM/A-IO Kit-Gwang, Simon Gatwech Dual, ayaa ku dhawaaqay ka bixitaanka Heshiiska Nabadda ee Port Sudan, isaga oo ku eedeeyay dowladda ku xadgudubka heshiiska iyo weerarro dib u billowday.

Mareykanka ayaa iska diiday dalabkii Iiraan ee la xiriiray wadahadallada lagu ballansanaa Jimcaha inay ka dhacaan dalka Cumaan, iyadoo saraakiisha Mareykanka ay sheegeen inuu Mareykanka si cad ugu sheegay Iiraan inuusan aqbali doonin in wadahadallada laga beddelo Ankara oo loo wareejiyo Cumaan, sida ay baahisay warbaahinta Axios.

Intaa oo kaliya ma aha Mareykanka wuxuu siiyay Iiraan , kaliya labo ikhtiyaar ; in wadahadallada ay u dhacaan sidii h**ey loo qorsheeyay ama gabi ahaanba in la joojiyo, isla markiiba Iiraan ayaa ka soo jawaabtay , sida ay Axios ka soo xigatay saraakiil Mareykan ah , waxayna Iiraan si cad u tiro ; “ Haddaba gabi ahaanba joojiya.”

Fiiro gaar ah;

Tani waxay micnaheedu tahay in wadahadalladii toddobaadkan la baajiyay.

DEGDEG: Warbaahinta Libya ayaa faafisay in Sayf al Qaddaafi oo ah wiilka u dhalay Madaxweynihii h**e Mucammar Qaddaafi lagu dilay iska-horimaadyo ka dhacay galbeedka Liibiya.

Telefishinka “Libya Al-Hadath” ayaa soo xigtay Cabdullaahi Cismaan, wakiilka Saif al-Islam Qaddaafi ee wada-hadallada siyaasadeed, kaas oo xaqiijiyay geerida wiilka Qaddaafi, balse faahfaahin k**a bixin duruufaha ama sababaha dhacdada.

Global Real GDP (PPP) Growth Forecast 2026: Top 10 Contributors.

1. China🇨🇳: 2025 Real GDP $41.0T, 2026 Real GDP Growth 4.2%, Share of Global Real GDP Growth 26.6%.
2. India🇮🇳: 2025 Real GDP $17.7T, 2026 Real GDP Growth 6.2%, Share of Global Real GDP Growth 17.0%.
3. United States🇺🇸: 2025 Real GDP $30.6T, 2026 Real GDP Growth 2.1%, Share of Global Real GDP Growth 9.9%.
4. Indonesia🇮🇩: 2025 Real GDP $5.0T, 2026 Real GDP Growth 4.9%, Share of Global Real GDP Growth 3.8%.
5. Türkiye🇹🇷: 2025 Real GDP $3.8T, 2026 Real GDP Growth 3.7%, Share of Global Real GDP Growth 2.2%.
6. Saudi Arabia🇸🇦: 2025 Real GDP $2.7T, 2026 Real GDP Growth 4.0%, Share of Global Real GDP Growth 1.7%.
7. Egypt🇪🇬: 2025 Real GDP $2.4T, 2026 Real GDP Growth 4.5%, Share of Global Real GDP Growth 1.7%.
8. Vietnam🇻🇳: 2025 Real GDP $1.8T, 2026 Real GDP Growth 5.6%, Share of Global Real GDP Growth 1.6%.
9. Brazil🇧🇷: 2025 Real GDP $5.0T, 2026 Real GDP Growth 1.9%, Share of Global Real GDP Growth 1.5%.
10. Nigeria🇳🇬: 2025 Real GDP $2.3T, 2026 Real GDP Growth 4.2%, Share of Global Real GDP Growth 1.5%.

-Total Share of 2026 Global Real GDP Growth (top 10 countries): 67.5%.

Madaxweynaha Burkina Faso 🇧🇫, Kabtan Ibraahim Traoré, ayaa ku wareejiyay 2,000 mooto oo nooca Yento ah Booliiska Qaranka, si loo xoojiyo dhaq-dhaqaaqa, loo dhimo waqtiga jawaabta, isla markaana askartu ay si fudud u gaari karaan goobaha adag ee aan si sahlan loo gaari karin.

Guddoomiyaha Guddiga Midowga Afrika, Maxamuud Cali Yuusuf, iyo Xoghayaha Arrimaha Dibadda ee UK, Yvette Cooper, ayaa Isniintii ku baaqay xabbad-joojin iyo hakad bani’aadamnimo oo laga hirgeliyo Suudaan, xilli ay kulan ku yeesheen xarunta Midowga Afrika ee Addis Ababa.
Waxay sidoo kale ka wada hadleen iskaashiga gobolka Saaxil, taageerada hawlgallada Midowga Afrika ee Soomaaliya, iyo xoojinta xiriirka Afrika iyo UK ee dhinacyada caafimaadka, waxbarashada, iyo amniga.