Mogadishu University جامعة مقديشو

Bahda Jaamacadda Muqdisho waxa ay hambalyo aan lasoo koobi karin u dirayaan Guddoomiyaha cusub ee Jaamacadda Jamhuuriya, Eng. Cabdirisaaq Warsame Cabdulle.

Waxaan Guddoomiyaha cusub u rajaynaynaa in Alle uu ku guuleeyo xilka iyo mas’uuliyadda culus ee loo igmaday. Waxaan sidoo kale u rajaynaynaa guul iyo hormar joogto ah Jaamacadda Jamhuuriya.

Guddoomiyaha Jaamacadda Muqdisho, Dr. Ibraahim Maxamed Mursal, ayaa kalmad dhiirrigelin ah ka jeediyay kulan aqoon kororsi ah oo ay soo qabanqaabisay Kulliyadda Duulista Rayidka ee Jaamacadda Muqdisho. Aqoon kororsiga waxaa soo jeediyay Eng. Axmed Kirish, oo ah Agaasimaha Hay’adda Horumarinta Muqdisho ( New Mogadishu Development Corporation - NMDC )

Kulankan ayaa diiradda lagu saaray horumarinta kaabeyaasha duulista iyo qorshayaasha la xiriira Garoonka Cusub ee Muqdisho, waxaana ka faa’iidaystay ardayda kulliyadda, kuwaas oo fursad u helay inay kororsadaan aqoontooda isla markaana su’aalo ku weydiiyaan khabiirka casharka bixinayay.

Maamulka iyo macallimiinta kulliyadda Daaweynta iyo Qalliimada Jaamacadda Muqdisho ayaa ka qeyb galay munaasabad sagootin ah oo ay soo agaasimeen ardayda sannadka xiga u gudbi doono sannadka lixaad, isla markaana bilaabi doona barnaamijka Internshipka.

Jaamacadda Muqdisho oo kaashaneysa Machadka Heritage ayaa si wadajir ah u qabtay muxaadaro cinwaankeedu ahaa: “Muwaadinnimada Soomaaliya: Xuquuqda, Waajibaadka iyo Heshiiska Bulshada.” Muxaadarada waxaa soo jeediyey Agaasime Ku-Xigeenka Machadka Heritage, Dr. Cabdirashiid Cismaaciil.

Ururka Ardayda Jaamacadda Muqdisho -UMUS. oo xusaya Maalinta Caalamiga ah ee Dhiig-ku-deeqista ayaa qaar kamid ah xubnaha Ururku waxa ay booqasho ku tageen Xarunta Bangiga Dhiigga Qaranka Soomaaliyeed, iyagoo ku deeqay dhiig isla markaana muujiyey taageeradooda ku aaddan kor u qaadista wacyigelinta bulshada ee muhiimadda dhiig-ku-deeqista iyo doorka ay ku leedahay badbaadinta nolosha dadka u baahan.

Hambalyo Mohamed Hassan Guhaad oo ka mid ah sawirqaadayaasha Jaamacadda Muqdisho oo toddobaadkan ay isugu soo aadday laba guul oo waaweyn.

Guushiisa kaalinta 1-aad ee tartanka sawirqaadista, oo ay qabanqaabisay Midowga Yurub Soomaaliya (EU Som) iyo difaacashada buuggiisa qallinjebinta ee takhasuska saxaafadda (Journalism & Communication) ee Jaamacadda Muqdisho.

Hambalyo markale!

A delegation from Mogadishu University, led by the Vice President for Administration and Finance, Mr. Ismaail Omar Mohamed, together with the Dean of the Faculty of Medicine, Dr. Mohamed Ahmed, visited Kampala International University (KIU) to strengthen cooperation between the two institutions in research and other areas of mutual interest.

The discussions focused on postgraduate medical training, joint research, and academic exchanges.

Hambalyo Diirran ayaan la wadaageynaa takhasuska Saxaafadda iyo Warbaahinta Jaamacadda Muqdisho oo maanta difaacday buugga qallinjebinta Jaamacadda.