Dugsiga Maxamuud Xarbi

24/09/2026

Maamulka, Macallimiinta, Shaqaalaha, Ardayda, iyo dhammaan Bahda Xarbi Dugsiga Maxamuud Xarbi, waxay hambalyo iyo bogaadin u dirayaan Ustaad Mohamed Nunow Abdulle oo ah xibin katirsan Maamulka dugsiga oo si guul leh u dhammaystay Heerka Labaad ee Waxbarashada Sare (Master’s Degree – MBA).

Guushaan waxay ka tarjumaysaa dadaal, aqoon-kororsi, himilo iyo horumar aqooneed oo joogto ah. Waxaan kuu rajaynaynaa in aqoonta iyo khibradda aad kororsatay ay noqdaan kuwo wax-ku-ool u ah naftaada, bulshada iyo jiilka soo koraya.

Hambalyo Ustaad Maxamed Nuunow Cabdulle, waxaan kuu rajaynaynaa guulo aqooneed iyo horumar joogto ah Inshaa Allah.

13/09/2026

13/09/2026

XAFALADDA MAAMUUSKA IYO MAHADCELINTA.

Dugsiga Maxamuud Xarbi waxaa lagu qabtay munaasabad lagu maamuusay laguna dhiirrigeliyey Sumayo Xasan Abshir, oo kaalinta 1aad ka gashay Imtixaanka Shahaadiga Fasalka 8aad ee Gobolka Banaadir, sannad-dugsiyeedka 2025–2026.

Munaasabadda waxaa soo qabanqaabiyey Ardayda Dufcadda 18aad, iyadoo sidoo kale lagu sagootinayey Dufcadda 18aad. Waxaa ka qeybgalay Agaasimaha Dugsiyada Agaasinka Waxbarashada Gobolka Banaadir, Guddoomiyaha Naadiga Nakadma, maamulka dugsiga, macallimiin, waalidiin, arday iyo marti-sharaf.

Intii ay munaasabadda socotay, Sumayo Xasan Abshir waxaa la guddoonsiiyey Shahaado Sharaf, taas oo loogu talagalay hambalyo, bogaadin iyo dhiirrigelin.

Sidoo kale, Shahaadooyin Sharaf ayaa lagu guddoonsiiyey Maamulaha Dugsiga Maxamuud Xarbi iyo mid ka mid ah macallimiinta dugsiga, iyadoo lagu maamuusay dadaalkooda iyo kaalinta ay ka qaataan waxbarashada iyo horumarka ardayda.

Waxaa sidoo kale munaasabadda lagu maamuusay Maamo Ugaso Foundation, oo la guddoonsiiyey Shahaado Sharaf iyadoo lagu mutaystay kaalinteeda muhiimka ah ee daryeelka iyo xanaaneenta carruurta danyarta ah iyo kuwa duruufaha adag ku nool.

Maamulka Dugsiga Maxamuud Xarbi wuxuu hambalyo iyo bogaadin u dirayaa Sumayo Xasan Abshir, isagoo sidoo kale uga mahadcelinaya Dufcadda 18aad dadaalka iyo kaalinta muuqata ee ay ka qaateen qabsoomidda munaasabaddan qiimaha leh.

Hambalyo Sumayo! Guushaadu waa sharaf, dhiirrigelin iyo tusaale wanaagsan oo ay ku faanaan Dugsiga Maxamuud Xarbi.

03/09/2026

Maamulka Dugsiga Maxamuud Xarbi wuxuu dhammaan ardayda xusuusinayaa inay si buuxda ugu hoggaansamaan xeerarka iyo nidaamka dugsiga, kana fogaadaan waxyaabaha mamnuuca ah ee ku xusan poster-ka.

Anshax wanaagsan• Nidaam wanaagsan• Waxbarasho Tayo Leh.

Xeerka dugsiga waa masuuliyad qof walba saaran.

03/09/2026

DIB-U-FURISTA DUGSIGA

Maamulka Dugsiga Maxamuud Xarbi wuxuu ogeysiinayaa dhammaan ardayda, waalidiinta iyo howl-wadeennada Dugsiga in dib loo furayo Madrasada, lana bilaabayo duruusta Sanad Dugsiyeedka 2026–2027.

📅 Sabti, 5 Sebtembar 2026.

Waxaan dhammaan bahda Dugsiga ugu rajaynaynaa sanad waxbarasho oo guul, horumar iyo barwaaqo leh.

Ku soo dhowaada sanad cusub oo aqoon iyo mustaqbal leh!

02/09/2026

HABRAACA LABISKA MIDEYSAN EE ARDAYDA

Maamulka Dugsiga Maxamuud Xarbi wuxuu ogeysiinayaa dhammaan ardayda in la raaco habraaca labiska mideysan (Uniform) ee dugsiga, si loo ilaaliyo nidaamka, anshaxa iyo muuqaalka wanaagsan ee ardayda.

Dhamaan ardayda waxaa laga doonayaa inay si joogto ah u xirtaan labiska dugsiga ee loo asteeyey, iyagoo ilaalinaya nadaafaddiisa iyo habsami-u-xirashadiisa.

Nidaam, Anshax & Waxbarasho Tayo Leh.

🏫 Dugsiga Maxamuud Xarbi
📚 Aqoon, Akhlaaq iyo Mustaqbal.

30/08/2026

📢 OGEYSIIS MUHIIM AH

Maamulka Dugsiga Maxamuud Xarbi wuxuu ogeysiinayaa dhammaan waalidiinta iyo bulshada Soomaaliyeed in ay furan tahay isdiiwaangelinta Sanad-Dugsiyeedka 2026–2027. 🎓📚

Dugsigu wuxuu ku dadaalayaa inuu ardayda siiyo waxbarasho tayo leh, akhlaaq wanaagsan, nidaam hufan iyo deegaan ammaan ah.

🎯 Fasallada: Fasalka 1aad ilaa Fasalka 7aad, iyo Form One ilaa Form Three
📍 Goobta: Warta Nabadda, Muqdisho
📞 Nala soo xiriir: 654710 ama +252 615 410 334

🌱 Waxbarasho • Akhlaaq • Himilo • Mustaqbal

👉 IS-DIIWAANGELI HADDA — MUSTAQBALKAAGA HALKAN KA DHISO!

21/08/2026

Dugsiga Maxamuud Xarbi 1️⃣–0️⃣ Aqoon Bile School.

⚽ Goolka guusha: Cabdiraxmaan VIP

Alxamdulillaah, guul muhiim ah ayaan gaarney. Waxaa noo haray hal kulan oo kaliya, kaas oo aan ciyaareyno berri.

Guul oo keliya ayaa inoo xaqiijinaysa soo bixitaanka, Insha Allah!

Waxaan rajeynaynaa guul iyo natiijo farxad leh. 🤲

20/08/2026

⚽ Kulankii 2-aad ee Tartanka. 🏆

Waxaan u diyaar garownay kulanka 2-aad ee tartanka SOMALI SCHOOLS CHAMPIONSHIP,
waxaana garoonka ku ballansan School Kulmis 🆚 Dugsiga Maxamuud Xarbi.

📅 Khamiis, 20 Agoosto 2026
⏰ 3:00 Galabnimo
🏟️ Stadium Muqdisho

Kulankan waxaan rajaynaynaa inaan guul ka gaarno, Insha Allah. 💪⚽

18/08/2026

Guul muhiim ah ayaa laga gaaray kulankii maanta, iyadoo Dugsiga Maxamuud Xarbi 1️⃣–0️⃣ kaga adkaaday SOS School.

Goolka guusha waxaa dhaliyay Cabdiwali Leo, lambarka 1️⃣0️⃣ ee iskuulka.

Hambalyo kooxda iyo dhammaan bahda Maxamuud Xarbi.