09/03/2026
Hay’adda Iqra Foundation oo ka shaqeysa arrimaha samafalka iyo waxbarashada ayaa deeq raashin ah gaarsiisay in ka badan 300 qoys oo dan yar ah kuwa oo ku nool degmada Guriceel iyo deegaannada ku teedsan.
Qoysaskan maanta deeqda raashinka ah la gaarsiiyay ayaa isugu jiray kuwa ay saameysay abaaruhu iyo kuwa danyar ah.
Deeqdan waxa iska aruuriyay walaalo muxsiniin ah, iyaga oo u soo wakiishay gaarsiinta deeqdan dadka loogu talagalay Hay’adda Mu'assasada Iqra Foundation - Orphanages' Education
14/09/2025
Caawinta agoonta waa deyn aad nolosha uga bixin doonto maalinta aan hanti wax tarayn.
03/09/2025
Sawiiro: Dugsiga Maxamuud Sabriye, oo ka mid ah dugsiyada ku yaalla degmada Guriceel ee gobolka Galgaduud, kana mid ah kuwa ay gacanta ku hayso Mu'assasada Iqra Foundation - Orphanages' Education ayaa lagu qabtay bandhig taariikheed.
Bandhiggan oo uu soo qabanqaabiyey Mustaf Warsame Sabriye, oo ah qoraa iyo aqoonyahan Soomaaliyeed, ayaa lagu soo bandhigay taariikhda iyo waayihii guddoomiyihii ugu horreeyay ee Guriceel, Maxamuud Sabriye.
Guddoomiye Maxamuud Sabriye waxa uu ahaa halyeey iyo hoggaamiye caan ku ahaa daacadnimo iyo wax taarka kuwa u bahan hiilka Waxaa farxad weyn u ahayd Iqra Foundation inay dugsiga ku magacawdo Maxamuud Sabriye.
Dhamaad.
10/07/2025
Sawirro:
Wafdi ballaaran oo uu hoggaaminayo Maareeyaha Tiyaatarka Qaranka Abwaan Guure, ayna weheliyaan Guddoomiyaha Jaamacadda Soomaaliya DR Hassan Sayid, Guddoomiyaha Hay’adda Mu'assasada Iqra Foundation - Orphanages' Education Axmed Xasan Cali, iyo mas’uuliyiin kale, ayaa maanta si weyn loogu soo dhaweeyay degmada Guriceel ee Gobolka Galgaduud.
Waxaana mas’uuliyiintaas Guriceel kusoo dhaweeyay Maamulka Degmada Guriceel, Guddoomiye Ku-xigeenka Amniga iyo Samafalka degmada Ceelbuur, Maxamuud Ciise Galaadi iyo Dadweyne farabadan.
Mas’uuliyiintaan ayaa markii la soo dhaweeyay kadib booqday dugsiga hoose/dhexe ee Maxamuud Sabriye ee degmada Guriceel, kaasoo ay hirgelisay Hay’adda Iqra, iyagoo ku ammaanay Hay’adda Iqra Foundation hirgelinta dugsigan.
08/12/2023
Hadafka ugu wayn ee uu mu'minku u noolyahay waa raali gelinta Eebbe (Sw). Dhammaan ahdaafta kale ee aan nolosha ka leennahay, waxay u adeegaan hadafka wayn ee aynnu u noollahay. Shahaadada aad jaamacadda ka qaadanayso, guurka aad guursanayso, shaqada wanaagsan ee aad ka shaqaynayso, shirkadda aad furanayso, xilka aad bulshada u qabanayso, dhammaantood waa inay kuu noqdaan ahdaaf yaryar oo kuu sii dhawaynaya hadafka wayn ee aad nolosha ka leedahay, haddii kale, wuxuun bay noqonaysaa in hadafkaagii yaraa ee dunawiga ahaa uu kaa hor istaago kii waynaa ee aad u noolayd.
— Mubarak Hadi
10/07/2025
25/08/2023