Somali Youth Education Initiative - SYEA

19/04/2026

Aragtideena ku aaddan dhismaha dhalinyarada Soomaaliyeed, waxaan diiradda saareynaa:
• Horumarinta dhalinyarada
• Waxbarasho wax ku ool ah
• Saameyn bulsho oo dhab ah

Maalmaha soo socda, waxaan si joogto ah idinkula wadaagi doonaa waxyaabo qiimo leh oo fudud oo lagu taageerayo ardayda iyo dhalinyarada.

Waxaan sidoo kale rabnaa inaan idinka maqalno:
Waa Maxay caqabadda ugu weyn ee haysata dhalinyarada Soomaaliyeed maanta?

Follow garee SYEA si aad ula socoto.

20/03/2026

𝐂𝐢𝐢𝐝 𝐖𝐚𝐧𝐚𝐚𝐠𝐬𝐚𝐧 𝐝𝐡𝐚𝐦𝐦𝐚𝐚𝐧 𝐌𝐮𝐬𝐥𝐢𝐦𝐢𝐢𝐧𝐭𝐚, 𝐠𝐚𝐚𝐫 𝐚𝐡𝐚𝐚𝐧 𝐛𝐮𝐥𝐬𝐡𝐚𝐝𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝. 🌙🎉

Waxaan hambalyo diirran u diraynaa dhammaan Muslimiinta, gaar ahaan ummadda Soomaaliyeed, munaasabadda barakeysan ee Ciidul-Fidriga.

كل عام وانتم بخير
تقبل الله منا ومنكم صالح الاعمال

21/02/2026

Ma ahayn kulan caadi ah.
Waxuu ahaa bilow dhaqdhaqaaq.

15-kii bishan, dhallinyaro, aqoonyahanno iyo masuuliyiin ayaa isugu yimid madal dood wadaag ah.

Waxaa laga dooday caqabadaha jira.
Waxaa la falanqeeyay farqiga u dhexeeya waxbarashada iyo suuqa shaqada.
Waxaa la xoojiyay doorka dhallinyarada ee hoggaaminta isbeddelka.

SYEA waxay aaminsan yihiin:
Dhallinyaradu ma aha hogaamiyayaalka mustaqbalka oo keliya ee
waa hoggaamiyeyaasha maanta.

Safarku wuu bilaabmay.

20/02/2026

Ramadan Mubarak 🌙
SYEA waxay idiin rajaynayaan bil farxad iyo barako leh!

19/02/2026

17/02/2026

Somali Youth Education Initiative (SYEA)

15-kii bishan, SYEA waxay si rasmi ah u qabatay kulan wada-tashi ah oo ku saabsanaa Hoggaaminta Dhallinyarada iyo Mustaqbalka Waxbarashada Soomaaliya.

Kulanka waxaa ka soo qeyb galay aqoonyahanno, masuuliyiin iyo wakiillo ka socday jaamacado kala duwan.

Professor Hassan Sheikh Ali Nor ayaa kulanka ka jeediyay khudbad qiimo leh
oo ku saabsan:
“Xaaladda Waxbarashada Soomaaliya: Fursado & Caqabado.”

Intii uu socday kulanka waxaa si qoto dheer looga dooday:
• Caqabadaha hortaagan waxbarashada dalka (tayada, helitaanka, maalgashiga.
• Farqiga u dhexeeya waxbarashada iyo suuqa shaqada.
• Doorka dhallinyarada ee isbeddelka iyo hoggaaminta mustaqbalka.

Kulankani wuxuu ahaa bilow wada-tashi muhiim ah oo SYEA ku xoojineyso kaalinta dhallinyarada ee horumarinta waxbarashada dalka.

Waxaan si gaar ah ugu mahadcelineynaa dhammaan martidii, ka qeybgalayaashii, iyo cid kasta oo nagu garab istaagtay.

Tani waa bilow safar dheer oo ku wajahan isbeddel dhab ah.

15/02/2026

Waxaan la socod siineynaa bahda waxbarashada in SYEA qaban doonana kulan dood wadaag ah oo ku saabsan “ Doodda Hoggaaminta Dhallinyaradda & Waxbarashadda”

Goobta: Hawa Tako Hotel
Goorta: 3:00pm
Taariikh: Axad, 15 February 2026