Midawga Ardayda Jaamacadda Ummadda Ilays

𝐌𝐚𝐡𝐚𝐝𝐧𝐚𝐪 𝐢𝐲𝐨 𝐁𝐨𝐠𝐚𝐚𝐝𝐢𝐧
Jaamacadda Ilays waxay si weyn ugu mahadcelinaysaa una bogaadinaysaa 𝐋𝐮𝐮𝐥𝐚 𝐀. 𝐁𝐢𝐥𝐥𝐞, dadaalka hagar la’aanta ah iyo adeegga mutadawacnimo ee ay bulshada ugu fidisay, gaar ahaan waxbaridda carruurta aan helin fursado waxbarasho.

Iyadoo lagu aqoonsanayo kaalinta qiimaha leh ee ay ka qaadatay horumarinta bulshada iyo dhiirrigelinta waxbarashada, Jaamacaddu waxay ku maamuustay 𝐝𝐞𝐞𝐪 𝐰𝐚𝐱𝐛𝐚𝐫𝐚𝐬𝐡𝐨 𝐨𝐨 𝐛𝐮𝐮𝐱𝐝𝐚 (𝐅𝐮𝐥𝐥 𝐒𝐜𝐡𝐨𝐥𝐚𝐫𝐬𝐡𝐢𝐩)
inta ay ku guda jirto waxbarashadeeda Jaamacadda Ilays.

Sidoo kale, Jaamacadda Ilays waxay ku howlan tahay raadinta fursad shaqo oo ku habboon Luula A. Bille, si loo taageero loona dhiirrigeliyo shaqsiyaadka bulshada ugu adeega aqoontooda, dadaalkooda iyo daacadnimadooda.

Jaamacadda Ilays waxay rumaysan tahay in aqoonsiga iyo garab istaagga dadka bulshada u adeegaa ay yihiin tallaabo muhiim ah oo lagu dhisayo bulsho aqoon iyo horumar ku tallaabsata.

𝐐𝐀𝐀𝐃𝐀𝐒𝐇𝐀𝐃𝐀 𝐅𝐀𝐒𝐀𝐋𝐋𝐎 𝐂𝐔𝐒𝐔𝐁 𝐗𝐈𝐋𝐋𝐈𝐆𝐀 𝐅𝐀𝐒𝐀𝐗𝐀.

Barnaamijka Luuqadda Ingiriisiga ee Jaamacadda Ilays(INU English Program) wuxuu ku wargelinayaa dhammaan bulshada in si rasmi ah loo bilaabay diiwaangelinta fasallo cusub oo heerarka kala duwan ah: 𝐀𝟏, 𝐀𝟐, 𝐁𝟏 𝐢𝐲𝐨 𝐁𝟐.

Haddii aad ka mid tahay dadka doonaya inay si waxtar leh uga faa’iideystaan xilliga fasaxa, isla markaana kor u qaadaan aqoontooda iyo xirfadahooda Afka Ingiriisiga, tani waa fursad muhiim ah oo kugu habboon.

Barnaamijku wuxuu si gaar ah diiradda u saarayaa horumarinta afarta xirfadood ee aasaasiga ah ee luuqadda: Hadalki, Qoraalka, Akhriska iyo Dhegaysiga, iyadoo la adeegsanayo manhaj casri ah iyo hab waxbarasho tayo sare leh.

Sidoo kale, waxaa la ogaysiinayaa dhammaan ardaydii h**e isu diiwaangelisay in habeen danbe oo ku beegan 𝟒-𝐭𝐚 𝐋𝐮𝐮𝐥𝐲𝐨, 𝟐𝟎𝟐𝟔, la qaban doono kulan uu ujeedadiisu tahay in arday kasta lagu asteeyo fasalka ku habboon heerkiisa iyo awooddiisa waxbarasho.

Ilays National University

Waxaa si guul leh u qabsoomay habeenimadii xalay munaasabadda xil-wareejinta Guddoomiyaha Midawga Ardayda Jaamacadda Ummadda Ilays.

Munaasabaddan oo ahayd mid si heer sare ah loo soo agaasimay ayaa waxaa kasoo qayb galay madaxda jaamacadda, maamulka kulliyadaha, macallimiin, masuuliyiin kala duwan, marti-sharaf iyo arday tiro badan.

Munaasabadda waxaa si rasmi ah xilka ugu wareejiyay guddoomiyihii h**e ee Midawga Ardayda, halka uu xilka si rasmi ah ula wareegay guddoomiyaha cusub ee Midawga Ardayda Jaamacadda Ummadda Ilays iyo ku-xigeenkiisa.

Masuuliyiintii iyo marti-sharaftii ka hadashay munaasabadda ayaa bogaadiyay shaqadii iyo dadaalkii ay qabteen madaxdii h**e, iyagoo sidoo kale hambalyo iyo dardaaran u jeediyay hoggaanka cusub si ay u gutaan waajibaadka culus ee loo igmaday.

Ugu dambayn, Midawga Ardayda Jaamacadda Ummadda Ilays wuxuu u mahadcelinayaa dhammaan madaxda, marti-sharafta, macallimiinta iyo ardaydii kasoo qayb gashay munaasabaddan muhiimka ah, kana qayb qaatay guusha iyo quruxda xafladda.

Qayb kamida sawirrada doorashada midawga ardayda jaamacdda ummadda ilays

Hambalyo Hoggaanka Cusub ee INUSA 2026

Waxaa hambalyo iyo bogaadin mudan Guddoomiyaha cusub ee Golaha Fulinta Midowga Ardayda Jaamacadda Ummadda Ilays (INUSA) mudane Abdixakiim abdinaaair mohamud , iyo Guddoomiye Ku-xigeenka cusub Marwo Umul Khayr Ali yusuf, kuwaas oo ku guulaystay doorashadii caawa qabsoontay.

Sidoo kale bogaadin gaar ah waxaa mudan Cabdiwaahid oo muujiyay tartan qurxoon laakin aysan guushu raacin. Guushani waxay ka tarjumaysaa kalsoonida iyo taageerada ay ardaydu u muujiyeen hoggaanka cusub.

Waxaan idiin rajaynaynaa hoggaan wanaagsan, wadajir, daacadnimo, iyo inaad si hufan ugu adeegtaan ardayda Jaamacadda Ummadda Ilays.

Hambalyo dhammaan ardayda, guddiga doorashada, iyo cid kastoo ka qaybqaadatay inay doorashadu ku dhacdo jawi nabdoon, caddaalad ah, oo xasilloon.

Alle ha idiin fududeeyo masuuliyadda cusub.

📢 Waxaa caawa qabsoomasa doorashada Golaha Fulinta Midowga Ardayda Jaamacadda Ummadda Ilays (INUSA) 2026.

Doorashada ayey ardaydu ku dooranayan gudoomiyaha iyo guddoomiye ku-xigeenka midawga ardayda jaamacadda ummadda ilays. Waxayna musharrixiintu kusoo bandhigayaan aragtiyaha iyo qorshayaasha u taagan ee ay u qabanayaan ardayda iyo jaamacadda , waxaana la rajaynayaa inay ku dhacdo jawi hufan, caddaalad ah oo Xasilloon.

Waxaa lagu martiqaadayaa ardayda Jaamacadda Ummadda Ilays iyo qaybaha kala duwan ee bulshada inay kasoo qayb galaan doorasha caawa si ay ula socdaan hannaanka doorashada iyo barnaamijyada musharrixiinta.

📍 Goobta: Rays Hotel
🕡 Waqtiga: Caawa 6:30 PM
📅 Taariikhda: 15-05-2026