𝑵𝒂𝒕𝒊𝒐𝒏𝒂𝒍 𝑻𝒆𝒂𝒄𝒉𝒆𝒓 𝑻𝒓𝒂𝒊𝒏𝒊𝒏𝒈 𝑪𝒐𝒍𝒍𝒆𝒈𝒆 𝑵𝑻𝑻𝑪

𝐂𝐢𝐢𝐝 𝐦𝐮𝐛𝐚𝐚𝐫𝐚𝐤:
Wasiirka Wasaaradda Waxbarashada, Barbaarinta iyo Sayniska JSL, Prof.Ismaaciil Ducaale Yuusuf,
oo ku hadlaya magaciisa iyo ka bahda waxbarashadu, waxa uu munaasibadda Ciidal-Adxa Awgeed Hambalyo u dirayaa dhammaan shacabka Somaliland iyo guud ahaan ba muslimiinta adduunka oo dhan.

Waxaanu Eebbe innooga baryayaa, in uu sannadkan sannadkiisa kale inagu gaadhsiiyo Caafimaad-qab, Cibaado suubban iyo badhaadhe.

Aamiin Aamiin Aamiin.
تقبل الله منا ومنكم صالح الأعمال وكل عامٍ

𝑵𝒂𝒕𝒊𝒐𝒏𝒂𝒍 𝑻𝒆𝒂𝒄𝒉𝒆𝒓 𝑻𝒓𝒂𝒊𝒏𝒊𝒏𝒈 𝑪𝒐𝒍𝒍𝒆𝒈𝒆 𝑵𝑻𝑻𝑪 𝑩𝒐𝒈𝒈𝒂 𝑹𝒂𝒔𝒎𝒊𝒈𝒂 𝑨𝒉 𝑬𝒆 𝑴𝒂𝒄𝒉𝒂𝒅𝒌𝒂 𝑻𝒐𝒃𝒂𝒃𝒂𝒓𝒌𝒂 𝑴𝒂𝒄𝒍𝒍𝒊𝒎𝒊𝒊𝒏𝒕𝒂 𝑸𝒂𝒓𝒂𝒏𝒌𝒂 𝑱𝑺𝑳

𝐖𝐚𝐬𝐢𝐢𝐫𝐤𝐚 𝐖𝐚𝐱𝐛𝐚𝐫𝐚𝐬𝐡𝐚𝐝𝐚 𝐉𝐒𝐋 𝐎𝐨 𝐌𝐚𝐚𝐧𝐭𝐚 𝐅𝐮𝐫𝐚𝐲 𝐒𝐡𝐢𝐫𝐤𝐚 𝐃𝐢𝐛 𝐔 𝐄𝐞𝐠𝐢𝐬𝐭𝐚 𝐐𝐨𝐫𝐬𝐡𝐚𝐡𝐚 𝐌𝐚𝐬𝐡𝐚𝐚𝐫𝐢𝐢𝐜𝐝𝐚 𝐖𝐚𝐱𝐛𝐚𝐫𝐚𝐬𝐡𝐚𝐝𝐚.

Wasiirka Wasaaradda Waxbarashada, Barbaarinta & Sayniska JSL, Prof.Ismaaciil Ducaale Yuusuf, ayaa si rasmi ah u furay shir muhiim ah oo dib u eegis iyo qiimayn lagu samaynayo qorshaha Mashaariicda Waxbarashada Wasaaradda Waxbarashada JSL.

Wasiirka Wasaaradda Waxbarashada, Wasiir ku-xigeenka, Agaasimaha Guud, agaasime waaxeedyada kala duwan, Guddoomiyayaasha waxbarashada ee heer gobol, degmo iyo qaar ka mid ah bah-wadaagta waxbarashada ee mashruuca "Global Partnership for Education FPE", ayay masuuliyiintu inta uu socdo ku qiimayn doonaan waxa ka hirgalay qorshayaashii h**e eeMashaariicda waxbarashada ee u astaysnaa in laga hirgeliyo dalka iyo waxa aan la gaadhin weli fulintooda iyo dib u eegista haddii ay wax caqabo ahi jireen.

Shirkan oo socon doona muddo laba maalmood ah, ayey qabsoomidiisa ay si wada jir ah u soo qabanqaabiyeen Wasaaradda Waxbarashada iyo hay'adda Save the Children, waxaana diiradda lagu saarayaa sidii dib-u-eegis loogu samayn lahaa qorshihii h**e ee mashaariicda waxbarashada, waxaana si weyn loogu lafa-guri doonaa oo la iskula eegi doonaa sidii loo dejin lahaa qorshaha kan xiga.

Wasiirka Wasaaradda Waxbarashada JSL Prof.Ismaaciil Ducaale Yuusuf oo si rasmi ah u furay ayaa sharaxaad kooban ka bixiyey Ujeeddada guud ee shirkani, waxaanu yidhi:-
"Ujeedada shirku waa in la helo hannaan daah-furan oo lagu falanqeeyo qorshayaasha waxbarashada, isla markaana si hufan loogu qiimaynayo mashruuca GPE, iyadoo si gaar ah loo dul istaagayo guulaha la gaadhay iyo meelaha weli u baahan in awooda la saaro si loo hirgeliyo qorshihii degsanaa.

Wasiirka ayaa sheegay, in Arrintani muhiim u tahay xaqiijinta isla-xisaabtan dhab ah iyo kor u qaadidda tayada qorshaynta waxbarashada dalka.

Waxaanu ka soo qayb-galayaasha kula dardaarmay, in ay si dhab ah u lafa-guraan himillooyinka shirkan loo qabtay.

https://www.facebook.com/profile.php?id=61579283163021

𝑵𝒂𝒕𝒊𝒐𝒏𝒂𝒍 𝑻𝒆𝒂𝒄𝒉𝒆𝒓 𝑻𝒓𝒂𝒊𝒏𝒊𝒏𝒈 𝑪𝒐𝒍𝒍𝒆𝒈𝒆 𝑵𝑻𝑻𝑪 𝑩𝒐𝒈𝒈𝒂 𝑹𝒂𝒔𝒎𝒊𝒈𝒂 𝑨𝒉 𝑬𝒆 𝑴𝒂𝒄𝒉𝒂𝒅𝒌𝒂 𝑻𝒐𝒃𝒂𝒃𝒂𝒓𝒌𝒂 𝑴𝒂𝒄𝒍𝒍𝒊𝒎𝒊𝒊𝒏𝒕𝒂 𝑸𝒂𝒓𝒂𝒏𝒌𝒂 𝑱𝑺𝑳

Wasiirka Wasaaradda waxbarashada Prof.Ismaaciil Ducaale Yuusuf oo ay weheliyeen Wasiiru-Dawlihii h**e ee Wasaaradda Waxbarashada Maxamed Yuusuf Ibraahim (Faacuul) iyo Agaasimaha guud ee Wasaaradda Waxbarashada Cabdiraxmaan Xuseen Xirsi, ayaa maanta furay kulan hawleed lagaga arrinsanaayey sidii waxbarashadu ula jaanqaadi lahayd isbeddelka cimilada.

Ujeeddada kulanka ayaa ahayd sidii loo horumarin lahaa habbabka xog-ururinta, falanqaynta, diyaarinta weel-xogeed dhammaystiran & iswaafajinta siyaasaddaha waxbarashada iyo isbeddelka cimiladda, si loo kobciyo waxbarasho la jaan-qaadi karta caqabadaha ka dhasha isbeddelka cimiladda.

Kulankan ayaa qayb ka ah mashruuca lagu magacaabo “Climate Smart Education System Initiative (CSESI)”, kaas oo laga hirgelinayo gudaha Somaliland.

Mashruucan oo laga maal-geliyey mashruuca "Global Partnership for Education (GPE), kaas ay fulinayaan hay'adda SCI oo kaashanaysa Wasaaradda Waxbarashada.

Masuuliyiintii ka hadlay kulankan ayaa muujiyey, in horumarinta nidaamyada xogta iyo caddayntu ay muhiim u tahay tayeynta waxbarashada & go’aan-qaadasho sax ah.

Sidoo kale, waaxay madaxdu sheegeen, in iskaashi iyo qorsheyn mideysan ay fure u tahay, hirgelinta waxbarasho la jaan-qaadi karta isbeddelka cimiladda.

𝐖𝐚𝐫𝐛𝐢𝐱𝐢𝐧𝐭𝐚 𝐇𝐚𝐛𝐫𝐚𝐚𝐜𝐚 𝐌𝐚𝐚𝐦𝐮𝐥 𝐃𝐚𝐚𝐝𝐞𝐣𝐢𝐧𝐭𝐚 𝐖𝐚𝐱𝐛𝐚𝐫𝐚𝐬𝐡𝐚𝐝𝐚 𝐀𝐚𝐬𝐚𝐚𝐬𝐢𝐠𝐚 𝐚𝐡:

Wasiirka Wasaaradda Waxbarashada, Barbaarinta iyo Sayniska JSL, Prof.Ismaaciil Ducaale Yuusuf, oo maanta ka qayb-galay shirka Golaha Wasiirrada Jammhuuriyadda Somaliland oo uu Shir-gudoominayey Madaxweynaha JSL Cabdiraxmaan Maxamed Cabdillaahi (Cirro), ayaa halkaa ka soo jeediyey;-
"𝙒𝙖𝙧𝙗𝙞𝙭𝙞𝙣𝙩𝙖 𝙃𝙖𝙗-𝙧𝙖𝙖𝙘𝙖 𝙈𝙖𝙖𝙢𝙪𝙡 𝘿𝙖𝙖𝙙𝙙𝙚𝙟𝙞𝙣𝙩𝙖 𝙒𝙖𝙭𝙗𝙖𝙧𝙖𝙨𝙝𝙖𝙙𝙖 𝘼𝙖𝙨'𝙖𝙖𝙨𝙞𝙜𝙖 𝙖𝙝".

Wasiirka Wasaaradda Waxbarashada JSL, Prof.Ismaaciil Ducaale Yuusuf ayaa Golaha Wasiirrada iyo madaxweynaha halkaa ku siiyey warbixin mug leh oo ku saabsan "Habraaca Maamul daaddejinta Waxbarashada Aasaasiga ah", waxaanu wasiirku si weyn u faah'faahiyey qorshaha lagu xoojinayo ka qayb-galka heerrarka hoose ee maamulka Waxbarashada.

Sidoo kale, Wasiirku waxa uu sheegay in Habraaca Maamul Daaddejinta Waxbarashada Aasaasiga ah, ay ujeeddadiisu tahay in la dejiyo Hannaan Maamul-daaddejineed oo si cad u qeexaya qaabka wada shaqaynta iyo masuuliyadaha ay kala yeelanayaan Wasaaradda Waxbarashada, Wasaaradda Dawladaha Hoose, Goleyaasha Deegaanka iyo Xafiiska Waxbarashada ee heer Degmo, gaar ahaana Degmooyinka loo daaddejiyey Waxbarashada Aas'aasiga ah.

Geesta kale, Wasiirku waxa uu tilmaamay in hirgelinta nidaamkan ay kor u qaadi doonto tayada Waxbarashada Aasaasiga ah, isla markaana ay fududayn doonto gaadhsiinta adeegyo waxbarasho oo ay u siman yihiin dhammaan ardayda Jamhuuriyadda Somaliland.

Dhanka kale, Wasiirku waxa uu xusay in habraacani uu dhiirrigelinayo wada-shaqayn dhow oo u dhexaysa Wasaaradda, maamullada hoose iyo bulshada, taas oo ka qayb-qaadanaysa horumarinta Waxbarashada iyo daboolidda baahiyaha gaarka ah ee deegaannada.