Wax ka barashada dhaqanka iyo hal-abuurada soomaliyeed.

Saxariirka nolashiyo
surmi iyo dhibaatada
subaxdaan utaagnaa
adaa saydhay gacantoo
sahwiyayna arinkee
samir daranidaayeeye
saakana cagtaydiyo
waxaad soo joogsatay
hoostayda sow maaha
samir daranidaayeeye
sulufka iyo colaadaha
kala seexo magaalka
qayrkaa sidan maaha
umana soo dhawaadaan
samir yeeloo adiguna
subaxii yimaadaba
arimaha sifeeyoo
subxaankana kaashoo
samir yeelo waligaa.

Nimay gaajo haysaa guri yimi duleedkii sodoh garasho dheeroo gabadheeda qabaybaa dhito godalo sheenlayd ugu gaysay goobtii isna gudoon yidhi laysu guud mar toyashada caanaha gadhoodhay inay guuro guuraha weelka geerarkiisiyo gunta badi isku tago waa gad lagu yaqaaney.

Dhigashada aqoontaa ku dhaafisa asaagaa kaa dhigta qof nooloo dheefsan kara aduunyada dhacsan kara xaqiisoo dadku ay dhagaystaan.

Xikmada iyo ujeedada xaraf raaca maansada xirfada iyo waxbarashada xuquuq waalid garashada xaqa macalin gudashada xubi hooyo hanashada xasilooni ku raadsada.

Miyaan kula labayn karaa marna kula masali karaa midii naftayda deeqdaay marwo gaariyaad tahay marna laga maarmayn miisaanka heesaha markaan xulaayaan kugu soo mirkacaa marwooy marwooy kugu soo mirkacaa.
Maalin taynu kulanaan ka murugoodaa daraadaa midhii bislaadaa laga midhaa geedkee bal maxaan kugu masalaa kii maankiyo niyadayda deeqow marna kaama maarmee midigtayda qabso macaanow waan kuu muhanayaaye.