ASSAF

Xaaskeyga ayaa heshay taleefankeyga, waxa ayna tirtirtay (Delete gareysay) lambarka gabadha uu xiriirka shukaansi igala dhaxeeyo ee lagu magacaabo Naomi, kadibna lambarkeeda ayeey iigu qortay (save gareysay ) magaca saaxiibteey ee Naomi.

Ma ogeyn in uu qof u sheegay xaaskeyga arrimaha shukaansi ee naga dhaxeeya aniga iyo Naomi.

Intaas kadib waxaan helay farriin qoraal iiga timid Naomi oo ay igu weydisaneyso/ dalbaneyso lacag dhan 2,000 naira (Nera waa lacagta dalka Nigeria 🇳🇬) kadib aniga oo aad u deg-degaya ayaan xaaskeyga u tagay beenna u sheegaya ayaan ku iri waxaan u baahanahay lacag 2,000 naira ah weliba si deg-deg ah ayaan ugu baahanahay.

Walaalkeey oo aad u xanuunsan in uu lacagtaas si dhaqsa ah ugu baahan-yahay ayaana u sheegay xaaskeyga.

Markiiba wey i siisay lacagti aan xaaskeyga ka codsaday waxaana ula cararay inaan ku diro akoon lambarki (account number) ay farriin qoraalka iigu soo dirty saaxiibtey Naomi.

Maalin shaqo oo dheer kadib gurigeygi ayaan kusoo noqday, aniga oo jawi nasasho ku jira ayaan is iri tolow gacalisadaadi Naomi ma heshay lacagti aad u maanta u dirtay.

Farriin qoraal ayaan markiiba u diray aniga oo weydinaya in ay lacagtii heshay iyo in kale, waxayse jawaabteedu aheyd fadlan isoo wac!

Maba sii fadhine intaan ordday ayaan bannaka guriga gadaashiisa ah tagay si aan gacalisadeyda u waco.

Shib iska dheh!

Waad qiyaasi kartaa wajigeyga argaggaxa leh marki aan taleefanka ka dhex maqlay codka xaaskeyga aniga oo sugaya codka gacalisadeyda Naomi!

Seddex (3) maalin ka hor oo ay dhacdadani i qabsatay ilaa hadda bannaanka guriga ayaan taaganahay, mana aqaan si aan gurigeygi ugu laabto.

Fadlan ila tali……!

Fathi Mohamed Ahmed