Xafiiska Waxbarashada Degmada Hargeysa

Gudoomiyaha Waxbarashada Degmada Hargeysa Marwo Aamina Casayr Magan oo ay weheliyaan guddida qaban-qaabada munaasibadaha 18-ka May ee Dawladda Hoose ee Hargeysa ayaa maanta ka qayb galay isla markaana la dabaal degay qaar kamid ah dugsiyada hoose/dhexe ee magaalada, kuwaas oo si weyn loogu xusay munaasibadda qaran ee 18-ka May.

Munaasibaddan ayaa ahayd mid ay ardaydu kusoo bandhigeen bandhigyo kala duwan oo muujinaya waddaniyad, halgan iyo qiimaha ay maalintani u leedahay shacabka Somaliland, iyadoo maamulka waxbarashaduna dhiirrigelin u muujiyey ardayda iyo macallimiinta ka qayb qaatay diyaarinta munaasibaddan.

, Abaalmarinta tartan aqooneedkq sannad dugsiyeedka 2025/2026 ee Dugsiga Hoose/Dhexe ee Sheekh Yuusuf Al-kowneyn

Waxaa maanta ka qabsoomay magaalada Hargeysa shirka bille ah ee maamulayaasha dugsiyada ay dawladdu maamusho ee hoose/dhexe, kaas oo si joogto ah u dhaca bishiiba hal mar.

Shirkan ayaa diiradda lagu saaray xog-warran guud oo ku saabsan xaaladda dugsiyada, waxyaabaha u qabsoomay muddadii u dambaysay, iyo sidoo kale caqabadaha jira ee u baahan xal degdeg ah.

Maamulayaasha ayaa mid mid uga warbixiyay horumarka ay sameeyeen dugsiyadooda iyo arrimaha u baahan in la xoojiyo.
Sidoo kale, waxaa la isla qaatay in la dardargeliyo dadaallada lagu horumarinayo tayada waxbarashada, isla markaana la iska kaashado sidii xal waara loogu heli lahaa caqabadaha jira.

Shirkan waxaa hoggaaminayay Guddoomiyaha Waxbarashada Degmada Hargeysa, Marwo Aamina Casayr Magan, oo ku boorrisay maamulayaasha in ay xoojiyaan wada-shaqaynta iyo la socodka joogtada ah ee waxqabadka dugsiyada.

Ugu dambayn, shirka ayaa ku soo dhammaaday is-afgarad iyo talooyin wax-ku-ool ah oo kor loogu qaadayo hannaanka waxbarashada dugsiyada hoose/dhexe ee magaalada Hargeysa.

Guddoomiyaha Waxbarashada Degmada Hargeysa iyo Xafiiska Waxbarashada Dawladda Hoose ee Hargeysa ayaa maanta kormeeray qaar ka mid ah dugsiyada hoose/dhexe ee magaalada Hargeysa, halkaas oo uu ka socdo imtixaankii yaraa ee sannadlaha ahaa ee ardayda.

Imtixaankaasi waa mid sannad kasta la qabto xilligan oo kale, isagoo muhiimad gaar ah u leh qiimaynta heerka waxbarasho ee ardayda dugsiyada hoose/dhexe.

Shirkii billaha ahaa ee maamulayaasha dugsiyada hoose-dhexe ee degmada Hargeysa ayaa saaka si rasmi ah uga qabsoomay xarunta xafiiska waxbarashada degmada. Shirka waxaa si toos ah u hoggaaminaysay Guddoomiyaha Xafiiska Waxbarashada Degmada Hargeysa, Marwo Aamina Casayr Magan.

Shirkan oo ah mid joogto ah ayaa diiradda lagu saaray arrimo la xiriira horumarinta tayada waxbarashada, xoojinta nidaamka maamulka dugsiyada, iyo is-weydaarsiga warbixinnada waxqabadka bishii tagtay.

Guddoomiyaha ayaa uga mahadcelisay maamulayaasha doorkooda firfircoon ee ay kaga qayb qaadanayaan horumarinta waxbarashada, waxayna tilmaantay muhiimadda wada shaqaynta iyo ilaalinta hufnaanta maamulka dugsiyada.

Maamulayaashu waxay fursad u heleen inay fikradahooda iyo tallooyinkooda la wadaagaan maamulka sare, taas oo lagu dhisayo qorshe wadajir ah oo wax-ku-ool ah.

Maanta waxa si rasmi ah u soo xirmay ololihii shanta maalmood socday ee lagu wacyigelinayay ardayda dugsiyada hoose iyo dhexe ee magaalada Hargeysa, kaas oo ujeedkiisu ahaa in lagu baraarujiyo muhiimadda farsamada gacanta iyo doorka ay ku leedahay mustaqbalka ardayda iyo horumarka dalka.

Marwo Aamina Casayr Magan, Guddoomiyaha Xafiiska Waxbarashada Degmada Hargeysa, oo ololahan hormuud u ahayd dhammaan maalmaha uu socday, ayaa maanta la hadashay ardayda iyadoo ku boorrisay:

“Inaad xirfad leedahay waa inaad awood u leedahay inaad noloshaada gacan ku dhisato. Waxbarashadu ma aha keliya buug, waa in ay la jaanqaaddaa shaqo iyo farsamo.”

Ololahan waxa uu abuuray niyad-wanaag, xiise iyo fikir cusub oo arday badan ku dhiirrigelinaya in ay xirfad ku dhistaan mustaqbalkooda.

Marwo Aamina Casayr Magan, Guddoomiyaha Xafiiska Waxbarashada Degmada Hargeysa, ayaa maalinkii Afaraad dhiirigelin iyo wacyigelin si toos ah ula wadaagtay ardayda, iyadoo ku adkaysay muhiimadda ay farsamadu u leedahay noloshooda mustaqbalka iyo horumarka guud ee dalka.

Ardaydu waxay muujiyeen xiise iyo su’aalo la xiriira xirfadaha ay jeclaan lahaayeen in ay mustaqbalka bartaan

Ujeeddadu waa in jiilka cusub lagu barbaariyo xirfado ay ku shaqaysan karaan, si ay uga mid noqdaan bulshada hal-abuurka iyo horumarka horseeda.

Marwo Aamina Casayr Magan, Guddoomiyaha Xafiiska Waxbarashada Degmada Hargeysa, ayaa maalinkii Saddexaad si rasmi ah uga qeyb qaadatay ololaha wacyigelinta muhiimadda farsamada gacanta, iyadoo dhiirigelin u jeedisay ardayda magaalada Hargeysa.

Ololahan ayaa qayb ka ah dadaallada lagu xoojinayo aqoonta xirfadeed ee ardayda si loo abuuro jiil karti u leh horumarinta naftooda iyo dalkoodaba.