Midowga Ardayda Kulliyada Dhaqaalaha iyo Maamulka GIU

𝙏𝙖𝙖𝙧𝙞𝙞𝙠𝙝 𝙗𝙖𝙖 𝙦𝙤𝙧𝙢𝙖𝙮𝙨𝙖!.
Waxa aad oogu faraxsanahy inaan qayb ka ahay ardayda wax kabarata Jaamacadda Caalamiga ee Gedo( Gedo International University )

Dhawr qodob oo muhiima baynu ka baranaynaa loolankii adkaa ee na dhexmaray aniga iyo Walaalkey Abdiqafar Cumar Bulle

1. 𝙄𝙣 𝙖𝙧𝙙𝙖𝙮𝙙𝙪 𝙙𝙖𝙧𝙚𝙚𝙢𝙖𝙖𝙣 𝙭𝙤𝙧𝙞𝙮𝙖𝙙;
ardaydu waxa ay awood buuxdo u leeyihiin ineey ciddii ay doonaan
ay siiyaan codkooda, sidoo kalana cid gaara oo faragalin ku samaynaysa ma jirto, maxaa yeelay doorashadu waxa ay gaar u tahay ardayda.

2. 𝗠𝗮𝗮𝗺𝘂𝗹𝗸𝗮 𝗱𝗲𝗱𝗮𝗮𝗹𝗸𝗮 𝗮𝘆 𝗴𝗮𝗹𝗶𝘆𝗲𝗲𝗻 𝗾𝗮𝗯𝘀𝗼𝗼𝗺𝗶𝗱𝗱𝗮 𝗱𝗼𝗼𝗿𝗮𝘀𝗵𝗮𝗱𝗮;
maamulka waan ooga mahadcelinayaa ineey u jaan gooyaan maalin gaara si ay u qansoonto doorasho xor ah isla markaana ay ardayda rabitaankooda u tixgaliyaan oo aysan soo faragalin.

3. 𝐆𝐮𝐝𝐝𝐢𝐠𝐚 𝐅𝐚𝐫𝐬𝐚𝐦𝐚𝐝𝐚 𝐝𝐨𝐨𝐫𝐚𝐬𝐡𝐚𝐝𝐚;
Way mahadsanyihiin dhamaan qaybaha uu ka koobnaa guddiga qabanaayay qabsoomidda doorasho qof iyo cod ah oo ay dhamaan ardayda codeynayeen.

Waxaan si gaara oogu mahadcelinayaa saaxiibkeey/ustaad AbdiAziz Mubarak oo ahaa gudoomiyaha guddiga doorashada iyo dhammaan xubnaha uu ka koobnaa guddiga farsamada oo waqti adag galiyay si ay u qabtaan doorasho qof iyo cod ah.

4. 𝗠𝗮𝗮𝗺𝘂𝗹𝗸𝗮 𝗝𝗮𝗮𝗺𝗮𝗰𝗮𝗱𝗱𝗮 𝗼𝗼 𝗮𝗮𝗻 𝘀𝗼𝗼 𝗳𝗮𝗿𝗮𝗴𝗮𝗹𝗶𝗻 𝗱𝗼𝗼𝗿𝗮𝘀𝗵𝗮𝗱𝗮 𝗮𝗺𝗮 𝗰𝗶𝗱 𝗴𝗮𝗮𝗿𝗮 𝘀𝗶𝗶𝗻 𝗹𝗶𝗯𝗶𝗻𝘁𝗮;
waxan u caddaynayaa bulsha waynta ku dhaqan degmada Beled-Xaawo ineeysan jirin wax faragalin ah ama musumaasuq dhanka maamulka Jaamacadda ah oo ay banaanka ka istaageen qabsoomidda doorashada, badalkeeda ay sameeyeen taageerid buuxdo si ay doorashada u suuro gasho.

5. 𝙄𝙣𝙚𝙚𝙮𝙨𝙖𝙣 𝙟𝙞𝙧𝙞𝙣 𝙬𝙖𝙭 𝙭𝙞𝙛𝙖𝙖𝙡𝙩𝙖𝙣 𝙠𝙖 𝙙𝙝𝙚𝙭𝙚𝙚𝙮𝙖 𝙡𝙖𝙗𝙖𝙙𝙖 𝙢𝙪𝙨𝙝𝙖𝙧𝙖𝙭; muuqaalkani waxa uu caddayn buuxdo u yahay ka fogaanshaha afkaarta guracan ee ay dadku aaminsanyihiin, oo waxa aan si buuxdo u cadeeyay in doorashadu ahayd loolan yar oo kamida hayaanka waxbarashada iyo horumarka nololeed ee labada Musharax ay sameeyeen maadaama ay diyaar u noqdeen iskuna soo sharaxeen ineey qabtaan mas'uuliyad culus balse gar laba nin k**a wada qoslisee, ay hal qof guushu ku raacday, waxaan si kal iyo laab ah oogu hambalyeeyay walaalkeey Abdiqafar oo ku guulaystay Gudoomiyaha cusub ee Midowga ardayda Jaamacadda Caalamiga ee Gedo, sidoo kalana aysan naga dhaxeen xifaaltan ama dagaal shakhsiyadeed, oo aan tusaale wanaagsan u noqon doono jiilka naga dambeeya ee jaamacaddu kusoo biiri doono haduu alle idmo.

6. 𝗛𝗼𝗿𝘂𝗺𝗮𝗿𝗸𝗮 𝗝𝗮𝗮𝗺𝗮𝗰𝗮𝗱𝗱𝗮 𝗖𝗮𝗮𝗹𝗮𝗺𝗶𝗴𝗮 𝗲𝗲 𝗚𝗲𝗱𝗼;
doorashadani waxa ay si wayn ay sawir ooga bixinaysaa kororka ardayda Jaamacadda Caalamiga ee Gedo sidoo kalana xagga isticmaalka baraha bulshada oo aad usii horumaray oo ay ardayda aad usoo badanayaan sanadahaan dambe taasi oo farxad galinaysa cid kasta oo wanaagga jecel iyo horey usocodoa waxbarashada gobolka iyo tan degmadani aynu ku noolnahay.

qusaysa bulshada u dhalatay gobolkaan iyo ardayda kasoo baxda dugsiyada Sare ee degmada Beled-Xaawo:

Waxa aan kula talin lahaa ganacsatada, maalqabeenada, cuqaasha, odoyaasha, ganacsatada, culimada, qurba joogta u dhalatay gobolkaan iyo cid kasta oo jecel wanaagga iyo horumarka bulshada iyo waxbarashada Ineey soo garab istaagaan Jaamacadda Caalamiga ee Gedo maadaama ay tahay Jaamacadda Kaliya ama tan oogu doorka roon ee gobolka ka shaqeeyso, sidoo kalana ay maalgashi buuxdo u sameeyaan si ay ubadkooda u helaan waxbarasho lamida tan caalamka ay ubadkooda haystaan.

Sidoo kale waxa aan aad oola yaabanahay shirkadaha Hormuud Telecom iyo Somtel oo marnaba aanan garab istaag buuxdo u muujin dhalinarada degmadani aynu ku noolnahay oo xitaa aysan jirin sidaan filaayo ayna u badantahay 5 arday oo siiyeen Full Scholarship( halka ay gobollada kale siiyaan ardaydooda, halka ay degmada Beled-Xaawo tahay degmada oogu haboon ee waxbarasho free ah ay ardaydooda helaaa maadaama ay isugu yimaadeen dhamaan ardayda gobolka degmooyinkiisa kala duwan.

dambayn waxa aan u mahadcelinaynaa maamulka, macallimiintayda qiimaha badan iyo ardayda waxkabarta jaamacadda Caalamiga ee Gedo, sidoo kale shaqaalaha Jaamacadda oo aygana har iyo habeen heegan oogu jiro sidii ay jaamacaddu u hormari lahayd, kana shaqaynaya gudaheeda iyo bannaankeeda.

Si gaara waxa aan oogu mahadcelinayaa ustaadkayga Ahna hormuudka kulliyadayda Dhaqaalaha iyo maamulka( Faculty Of Economics And Management Science -GIU ) Ustaad Abdiwali Hassan Elmi oo xaqiiqdii sameeyay dedaal xoogan si ay kulliyadda usoo noolaato rajadeeda ilaa uu soo gaarsiiyay heer ah ineey u tartanto xilka oogu sareeyo ee Gudoomiyaha Midowga ardayda Jaamacadda Caalamiga ee Gedo, waxa aan aad oogu faraxsanahy inay na dhex marto wada shaqayn iyo waxbaris, guulo badan baan kuu rajaynaynaa idamka alle.

Aan ka wada shaqayno saaxiibayaal horumarka iyo kobaca waxbarashada iyo horumarka bulshada guud ahaan wadankeena Somaliya guulaysta dhamaantiin.

Hadeey kusoo gaarto fariintayda sii gudbi walaal, mahadsanid.

W/Q:- Gudoomiyaha Midowga Ardayda kulliyadda dhaqaalaha iyo maamulka GIU Abdullahi Baardheere.