Dugsiga Hoose Dhexe Ee Badey

Ardayda Dugsiga Hoose /Dhexe Ee Xaafada Badey Ee Degmada Eyl ayaa Ufariistay Imtixaanka Ugu Dambeeya Ee Sanad Dugsiyeedka 2025/2026

Waxaa si heer sare ah noogu qabsomay xafladda qalinjabinta ardayda Fasalka 8-aad ee Dugsiga Hoose Dhexe Badey, dufcaddii 44-aad Ee Degmada Eyl

Xafladdan oo ahayd mid si qurux badan loo agaasimay ayaa waxaa nagalaso qayb galay maamulka iskuulka, macallimiin, masuuliyiin ka tirsan degmada, waalidiin, marti sharaf iyo qeybaha kala duwan ee bulshada.

Masuuliyiintii iyo marti sharaftii goobta ka hadlay ayaa hambalyo iyo dhiirrigelin u diray ardayda qalinjabisay, iyagoo ku ammaanay dadaalka ay muujiyeen muddadii ay waxbarashada ku jireen. Sidoo kale waxay bogaadiyeen doorka ay maamulka iyo macallimiintu ku leeyihiin horumarinta waxbarashada iyo tarbiyadda ardayda.

Maamulka Dugsiga Hoose Dhexe Badey ayaa dhankooda uga mahadceliyay dhammaan marti sharaftii kasoo qayb gashay munaasabadda, iyagoo sheegay in sanad walba ay ka go’an tahay tayeynta waxbarashada iyo dhiirrigelinta ardayda.

Guddoomiye ku xigeenka degmada Eyl oo munaasabadda ka hadlay ayaa ardayda kula dardaarmay inay sii laba jibbaaraan waxbarashadooda, islamarkaana ay noqdaan jiil wax ku biiriya horumarka bulshada iyo dalka.

Ugu dambeyn, munaasabadda ayaa kusoo dhammaatay jawi farxad leh iyo sawirro xusuus reeb ah oo ay wada qaateen ardayda qalinjabisay, macallimiinta iyo marti sharafta kasoo qayb gashay.

Hambalyo iyo bogaadin

Dugsiga H/Dhexe ee Badey waxaa maalintii labaad si habsami leh uga socda imtixaan bileedka 2aad ee Dugsiga.
Aniga oo ku hadalka afka maamulka iyo macalimiinta waxaa Hambalyo iyo duco u dirayaa dhammaan ardayda imtixaanka u fariisatay in alle u fududeeyo sidoo kale Waxaan u rajaynaynaa natiijoyin quruxbadan oo farxad galiyah cid allaale cidii gacan ka gaysatay dhisidda mustaqbalka ubadka soo koraya oo ay ugu mudan yihiin WW&TS , MAAMULKA IYO WAALIDIINTA oo dowr weyn ka qayb qaatay dib uhabaynta dugsiga.

Allah mahadleh