Dayaxa Primary and intermediate school

Maamulka iyo barayaasha dugsigu wax ay halkan uga hambaliyaynayaan, Macallin Updirahman Jaamac Cali oo ka qallin jebinaya jaamacada Gollis. Macallin, Allah hakugu anfaco cilmiga aad baratay.

Dugsigu waxa uu farac labaad oo dugsiga hoose ah kaaga furay, qaybta sare ee dugsiga sare.

10-kaalmood ee ugu sarreeya Gobolka 5 arday ayuu dugsigu ku yeeshay halka dugsigu uu kaalinta 3aad ka galay 10-ka dugsi dhexe ee ugu sarreeya Gobolka Sanaag.

Maashallaah.

HAMBALYO & BOGAADIN

Maamulka iyo macallimiinta Dugsiga H/Dhexe ee Dayaxa, waxay hambalyo iyo bogaadin u dirayaan ardayda natiijooyinka sare ka keenay imtixaanka shahaadiga ah, kuwaas oo muujiyay dadaal, karti iyo hufnaan waxbarasho. Sidoo kale, waxaannu bogaadin gaar ah u diraynaa waalidiinta doorka weyn ka qaatay guusha ardayda.

Natiijooyinka dugsiga 600 ayay ka wada sarreeyaan. Maashallaah.

Dib u furitaanka dugsigu wax uu ku beegan yahay maalinta sabtida 02/08/2025.

Salaasa, 24. 06. 2025

Ubaxii aan jeclaynow asalaama calaykum.

Maanta waa maalin ka duwan maalmaha kale. Waa maalin xusuus mudan oo idiin furaysa albaab cusub. Waa maalin aad soo afmeerteen waxbarashadii dugsiga dhexe. Waa maalintii idiinku danbaysay ee idinka oo isku dhan aad hal fasal oo keliya wada fadhiisataan. Maanta waxa idiin baaqi ahaan doona xasuusaha aad la soo qaadateen, saaxiibbadiin aad isku iskuulka ahaydeen iyo macallimiintiinnii dugsiga. Xasuuso markii dugsiga lagu keenay, waxa aad ahayd arday yar oo yaaban oo cabsi ka muuqato oo aan garanayn, akhris iyo qoraal midna. Allah uga mahadceliya wax kasta kadibna, waalidka iyo macallimiintiina. Intaa kadib, waxa aan idiin dardaarayaa in aannay idin saamayn dhaqanada aan wanaagsanayn ee aad kala kulmi doontaan, kuwo badan oo magaca arday/ardayad dugsi sare aad ka sinnaan doontaan laakiin, dhaqan ahaan aad idiinka duwanaan doona. Wax badan oo la yaabteenna waad aragteen intii imtixaanku socday yay idin saamayn. Ugu danbayn, baraha bulshada noqda kuwo ka adeegsada dhanka toggan si aad wax badan u faa'iidaan. Ha noqonina kuwo dhanka taban u adeegsada si aydaan u noqon duul anbaday. Waannu idin jecel nahay'e guulaysta idamka Allah.

Ugu danbayn, koobkii kubadda cagta ee u dhaxeeyey fasallada dhexe ee dugsiga Dayaxa waa uu dhammaaday guushuna wax ay raacday fasalka 8aad.

Extra curriculum:

Koobka kubadda cagta ee dugsiga Dayaxa.

"Jidh firfircoon, maskax feejigan, kalsooni nafeed, dulqaad iyo ixtiraam ayaa laga faa'iidaa ciyaarta kubadda cagta".

Bare Xuseen Macallin Cabdiraxmaan, waa ruug cadaa door weyn ku leh barbaarinta iyo koboca maskaxeed ee ardayda dugsiga. Barakow ustaad.