Sahal Moallim Isse Primary And Secondary school Baidoa-Somalia

Waxaa maanta loo sameeyay Qur’aan Akhris Marxuumad , Alle ha u naxariistee, oo ka mid ahayd ardayda Fasalka 12-aad (Form 4). Qur’aanka Akhriska waxaa ka soo qayb galay maamulka dugsiga, macallimiinta iyo ardaydii ay isku fasalka ahaayeen, kuwaas oo Alle uga baryay inuu marxuumadda ku mannaysto naxariistiisa, qabrigeedana u waasiciyo, Janatul Firdowsana ka waraabiyo.

Geerida marxuumaddu waxay murugo iyo tiiraanyo ku reebtay dhammaan bahda waxbarashada, gaar ahaan macallimiinteedii iyo saaxiibbadeedii ay wadaaga ahaayeen safarkii waxbarashada. Waxaan Alle SWT uga baryeynaa inuu samir iyo iimaan ka siiyo qoyskeeda, ehelkeeda iyo dhammaan intii ay ka baxday.
Alle ha u naxariisto Marxuumad Nafiso Abdi Dahir, Janatul Firdowsana haka waraabiyo. Aamiin Ya Rabbal Caalamiin.

Maanta waxa si rasmi ah inoogu bilowday Imtixaanka Final-ka ee Sanad-dugsiyeedka 2025–2026, kaas oo ah mid lagu qiimaynayo dadaalkii, kartidii iyo aqoontii ay ardaydu sannadka oo dhan soo barteen.
Maamulka dugsigu wuxuu dhammaan ardayda u rajaynayaa guul iyo natiijooyin farxad leh. Waa maalin muhiim ah oo u baahan kalsooni, diyaar-garow iyo dadaal dheeraad ah. Waxaan ku dhiirrigelinaynaa ardayda inay si deggenaan, daacadnimo iyo feejignaan leh u galaan imtixaanka, iyagoo ku kalsoon aqoontooda iyo dadaalkooda.
Imtixaanku ma aha oo keliya tijaabo lagu cabbirayo waxbarashada, balse waa fursad lagu muujinayo kartida iyo horumarka uu ardaygu gaaray. Sidaas darteed, waxaan rajaynaynaa in ardaydeennu ay soo bandhigaan waxqabad wanaagsan oo ka tarjumaya dadaalkii ay sameeyeen.

Innaa Lillaahi Wa Innaa Ilayhi Raajicuun.

Maamulka, macallimiinta, shaqaalaha iyo dhammaan ardayda dugsigu waxay tacsi tiiraanyo leh u dirayaan qoyska, qaraabada iyo asxaabta ay ka baxday ardayad , oo ka mid ahayd ardayda Fasalka 12-aad (Form 4) ee sanadkan isu diyaarinaysay inay u fariisato Imtixaanka Qaranka.
Geerideedu waxay na gelisay murugo iyo tiiraanyo weyn, maadaama ay ahayd arday dadaal badan, akhlaaq wanaagsan leh, isla markaana rajaynaysay inay gaadho himilooyinkeeda waxbarasho. Qaddarta Alle lama celin karo, waxaana ku qanacsanahay in wax kasta ay ku dhacaan amarka iyo qadarka Eebbe.
Waxaan Alle SWT uga baryaynaa inuu marxuumadda u naxariisto, dambigeedana dhaafo, qabrigeedana u waasiciyo, Janatul Firdowsana ka waraabiyo. Sidoo kale, waxaan Ilaahay uga baryaynaa qoyskeeda, ehelkeeda, saaxiibbadeedii, macallimiinteedii iyo dhammaan bahda dugsiga inuu ka siiyo samir iyo iimaan.

Hambalyo Hambalyo ardayda Form 3 ee Moallim Isse Primary And Secondary school Baidoa-Somalia Iskuwaas oo ku guuleystay tartanka Sports Finalka sanad dugsiyeedka 2025–2026. 🏆⚽🎉

Hambalyo Fasalka 9aad A ee iskuulka Sahal Moallim Isse Primary And Secondary school Baidoa-Somalia kuwaas oo ku guuleystay Tartanka Aqooneedka sanad dugsiyeedka 2025–2026. 🏆📚🎉

📢 OGEYSIIS
Waxaa la ogeysiinayaa dhammaan ardayda iyo bahda in uu qabsoomayo Final-ka Tartan Aqooneedka sanad dugsiyeedka 2025–2026.
🏆 Form One A VS Form Two
📅 25 May 2026
⏰ 08:00 AM
📍 Sahal Moallim Isse Primary And Secondary school Baidoa-Somalia

Sawiro-
Qeybta 4aad.

Shahaada siinta Maamulka iyo Macallimiinta iskuulka Sahal Macalin Ciise.
Arlaadi Media