Midowgé Ardeydé Koonfurgalbeed Soomaaliya

WAR-SAXAAFADEED

Baydhabo | 27 Maarso 2026

Midowgé Ardeydé Koonfurgalbeed Soomaaliya ayaa shalay kulan muhiim ah ku yeeshay magaalada Baydhabo, kaas oo looga hadlay arrimo la xiriira horumarinta waxbarashada iyo doorka ardayda.

Kulanka waxaa warbixin ka soo jeediyay Guddiga Waxbarashada, iyaga oo ka hadlay tartankii bisha Ramadaan ee loo qabtay iskuullada, kaas oo si wanaagsan u qabsoomay islamarkaana dhiirrigelin u noqday ardayda.

Sidoo kale, kulanka waxaa lagu falanqeeyay u diyaar-garowga tababbarradii uu ururka uu qaban jirey ardayda fasallada 8-aad iyo 4-aad (ee dugsiga sare) si loo xoojiyo tayada waxbarashada iyo guusha imtixaanaadka.

Ugu dambeyn, Midowga Ardeyda KGS ayaa ballanqaaday inuu sii wadi doono dadaallada lagu horumarinayo waxbarashada iyo taageerada ardayda.

DHAMMAAD

Communication & Media Officer
Abdullahi Ahmed Morio
Midowga Ardayda KGS

Diinsoor
26 March 2026
Guddoomiyaha Midowga Ardeyda degmada Diinsoor Mohamed siid Cali ayaa kulankii ugu horreeyey la qaatay guddigiisa, kaas oo diiradda lagu saaray dardargelinta howlaha ururka, xoojinta wada shaqeynta iyo horumarinta danaha ardeyda.

Midowgé Ardeydé Koonfurgalbeed Soomaaliya wuxuu hambalyada Ciidul Fidriga la wadaagayaa dhammaan ummadda Muslimiinta, gaar ahaan ardayda iyo bulshada Koonfur Galbeed. Waxaan idiin rajeynaynaa Ciid farxad, nabad iyo barwaaqo leh. Ciid Mubaarak!

Libaaxyadii iskuulka Sahal Moallim Isse Primary And Secondary school Baidoa-Somalia oo iskuulkooda si xarrago leh ugala affuray maamulkooda iyo macallimiintooda.

Ka Midowgé Ardeydé Koonfurgalbeed Soomaaliya ahaan, waxa aannu rabnaa in boorkaas annagana mar ku affurno, maalinta iidda ahna ku iideysanno, sawirro ku gal-galno, ma inoo oggoshihiin? 😎

Intii aannu ka shaqaynaynnay oo dusha iska saarnay arrimaha ardeyda, sawirkani waa sawirkii ugu saamaynta iyo macnaha badnaa, waa bixiyay hummaag nololeed, sawir farxadeed, taswiir walaalnimo, sawir ismarxabbayn, iyo sawir wadajir.

Abaalmarinta kaalinta 2aad ee Tartanka Iskuullada Megaalada Baydhabo, waxa ku guuleystay iskuulka Al-Ain Primary and Secondary School, Baidoa-Somalia.

Guushan aad gaarteen libaaxyaal, waa astaan muujinaysa dadaal, aqoon, abaabulnaan, iyo wada shaqeyn kooxeed. Ardayda iyo macallimiintooda waxay muujiyeen karti iyo diyaar-garow sare oo ugu dambeyn u horseedday inay gaaraan heerkan maamusan. Hambalyo boqollaal jeer dhammaan bahda Al-Ain.

Midowgé Ardeydé Koonfurgalbeed Soomaaliya, xubnihiisa isku duuban, oo uu ugu horreeyo Moktar Abokar Osman, waxa uu sidoo kale u mahadcelinayaan dhammaan shirkadaha taageeray tartankan aqooneed ee dhiirrigelinaya aqoonta, una taabbageliya tartanno iyo waxqabad wax-ku-ool leh, mahadsanidiin.

DHAMMAAD

Communication & Media Officer
Abdullahi Ahmed Morio
Midowga Ardayda KGS

Abaalmarinta kaalinta 1aad ee Tartanka Iskuullada Megaalada Baydhabo, waxa ku guuleystay Sahal Moallim Isse Primary And Secondary school Baidoa-Somalia.

Guushan aad gaarteen libaaxyaal, waa astaan muujinaysa dadaal, aqoon, iyo wada shaqeyn kooxeed. Ardayda iyo macallimiintooda waxay muujiyeen karti iyo diyaar-garow sare oo ugu dambeyn u horseedday inay gaaraan heerkan sharafka leh. Hambalyo boqollaal jeer.

Midowgé Ardeydé Koonfurgalbeed Soomaaliya, waxa uu sidoo kale u mahadcelinayaa dhammaan shirkadaha taageeray tartankan aqooneed ee dhiirrigelinaya aqoonta, una taabbageliya tartanno iyo waxqabad wax-ku-ool leh, mahadsanidiin.

DHAMMAAD

Communication & Media Officer
Abdullahi Ahmed Morio
Midowga Ardayda KGS