The Library Project - Kosova

📚 Leximi së bashku është magjik!

Kemi kënaqësinë të ndajmë me ju këtë broshurë të mrekullueshme për leximin me zë të lartë me fëmijët tuaj të vegjël. Kjo broshurë ofron këshilla praktike për zhvillimin e gjuhës dhe dashurisë për leximin në fëmijërinë e hershme - sepse çdo fëmijë meriton të rritet me dashurinë e librave. 🌟

👩‍🏫 Rreth autores

Emira Zyrafete Lloshaj Emira Zyrafete Loshaj është mësuese dhe eksperte në zhvillimin shumëgjuhësor në fëmijërinë e hershme. Me përvojë mësimdhënieje që nga viti 1993 në Kosovë dhe Suedi, ajo ka punuar në të gjitha nivelet e arsimit - nga kopshti deri në universitet.

Emira është gjithashtu përkthyese e librave për fëmijë, trajnuese e prindërve dhe bashkëpunëtore e ngushtë e The Library Project Kosova që nga fillimi i projektit.

Kjo broshurë është fryt i pasionit të saj të thellë për leximin dhe zhvillimin gjuhësor të fëmijëve. 📚

Këto broshura u zhvilluan nga Emira Zyrafete Lloshaj në kuadër të projektit “Forcimi i cilësisë së shërbimeve të edukimit të fëmijërisë së hershme në Institucionet e EFH-së dhe stimulimit të hershëm në shtëpi për fëmijët e vegjël në Kosovë”, te implementuar nga Qendra për Shërbime Humane dhe Zhvillim dhe The Library Project Kosova.

REAGIM

KOMF: Fëmijët nuk janë mjet për promovim politik të subjekteve politike

Përkundër thirrjeve të KOMF për të mos përfshirë dhe shfrytëzuar fëmijët në aktivitetet e fushatës zgjedhore, subjektet politike po vazhdojnë t’i përfshijnë fëmijët në aktivitete politike.

KOMF rithekson se përfshirja dhe shfrytëzimi i fëmijëve për qëllime politike përbën shkelje të të drejtave të fëmijëve, cenon dinjitetin dhe mirëqenien e tyre, si dhe është në kundërshtim me parimin e interesit më të mirë të fëmijës.

KOMF i bën thirrje Komisionit Qendror të Zgjedhjeve të monitorojë në mënyrë aktive aktivitetet e subjekteve politike dhe, në çdo rast kur konstatohet përfshirja ose shfrytëzimi i fëmijëve në fushatë zgjedhore, të ndërmarrë masat përkatëse në përputhje me legjislacionin në fuqi.