مُنتقِي المِنح - Scholarships Pickr

السلام عليكم ورحمة الله وبركاته 🫡💙

بعد البوست النزلناه امبارح، لاحظنا إنو في عدد كبير منكم مهتم بخيار الدراسة على النفقة الخاصة، خصوصاً لو كانت الدولة آمنة ومناسبة للبنات 🌍✨

عشان كدا دايرين نسمع رأيكم 👀

شنو الدول الحابين نوفر ليكم معلومات عنها وننزل ليكم تفاصيل الدراسة فيها؟

اكتبوا لينا اقتراحاتكم في التعليقات، ونحن حنشتغل على توفير التفاصيل المهمة والتعاون مع الجهات والمكاتب المناسبة ليها بإذن الله 💙

مشاركتكم بتساعدنا نعرف شنو الوجهات البتهمكم فعلاً ونركز عليها الفترة الجاية ✈️

اللهم احفظ السودان وأهله 🇸🇩💙

السلام عليكم ورحمة الله وبركاته 🫡💙

بعد قرار إغلاق المراكز الخارجية للجامعات السودانية، بقى في عدد كبير من الطلاب قدام خيارات وقرارات مهمة بخصوص مستقبلهم الدراسي.

عشان كدا دايرين نسمع منكم:

لو كنت من الطلاب المتأثرين بالقرار، شنو حتكون خطوتك الجاية؟

🎓 البحث عن منحة دراسية
🇸🇩 العودة للدراسة في السودان
🌍 الدراسة على النفقة الخاصة في دولة أخرى
⏳ ولا لسه ما حسمت قرارك؟

وكمان لو اخترت دولة تانية، اكتب لينا الوجهة البتفكر فيها 👇

خلونا نستفيد من تجارب وآراء بعض، ويمكن النقاش يساعد زملاء كتار محتارين في اتخاذ القرار.

اللهم احفظ السودان 🇸🇩💙

السلام عليكم ورحمة الله وبركاته 🫡💙

وجهتنا الليلة 🇷🇴✨

منحة الوكالة الرومانية للاستثمار والتجارة الخارجية.

⏰ قبل ما نبدأ، المنحة حتقفل بعد 5 أيام فقط، وتحديداً يوم 12 يونيو الساعة 14:00 بتوقيت رومانيا، عشان كدا لو ناوي تقدم ما تأجل تجهيز أوراقك.

👱🏻‍♀️ شنو مميزات المنحة؟ وليه أقدم عليها؟

▪️ تغطية الرسوم الدراسية.
▪️ سنة تحضيرية لتعلم اللغة الرومانية.
▪️ توفير السكن.
▪️ توفير التأمين الطبي.
▪️ تخفيضات على وسائل النقل للطلاب.
▪️ خصومات على الوجبات الطلابية.

🔥 المنحة بتوفر 40 مقعد فقط، لذلك المنافسة حتكون عالية جداً.

🙍🏻‍♂️ هل المنحة فاتحة للماستر؟

نعم، المنحة متاحة لجميع المراحل الدراسية:
🎓 البكالوريوس
🎓 الماجستير
🎓 الدكتوراه

👱🏻‍♂️ شنو التخصصات المتاحة؟

جميع التخصصات متاحة ما عدا:
❌ الطب البشري
❌ طب الأسنان
❌ الصيدلة
❌ العلاج الطبيعي
❌ التمريض

🙋🏻‍♂️ شنو المستندات المطلوبة؟

▪️ تعبئة نماذج Annex 1 و Annex 2 و Annex 3.
▪️ التوقيع على تعهد المنحة.
▪️ بطاقة الهوية باللغة الإنجليزية.
▪️ صورة شخصية.
▪️ شهادة طبية.
▪️ صورة من أول صفحتين في جواز السفر الساري.
▪️ خطاب دافع (ضمن نموذج التقديم).
▪️ سيرة ذاتية بالطريقة الأوروبية (Europass CV).
▪️ آخر مؤهل دراسي مترجم وموثق.

📌 ويمكن التقديم إذا لم تتخرج بعد، بشرط وجود ما يثبت أن شهادتك ستكون متاحة في شهر يوليو.

▪️ خطاب توصية من إحدى الجهات التالية:

1️⃣ الممثل الاقتصادي الروماني (BPCE).
2️⃣ سفارة رومانيا في بلدك.
3️⃣ جهات اقتصادية أو تجارية لها علاقات مع رومانيا، على أن يتم اعتمادها من الممثل الاقتصادي الروماني.
4️⃣ المنظمات والجمعيات التي لديها علاقات ثنائية مع رومانيا.

🦉 وكعادتنا في منتقى المنح، جمعنا ليكم أهم التفاصيل والمتطلبات في مكان واحد عشان نوفر عليكم وقت البحث.

🔥 رابط التقديم حنخليهو ليكم في التعليقات.

اللهم احفظ السودان 🇸🇩💙

السلام عليكم ورحمة الله وبركاته 🫡💙

الفترة الأخيرة كنا بنتكلم عن منح وفرص في دول عربية مختلفة ✨

لكن الليلة عندنا رايكم شنو نغير الوجهة شوية ✈️ و نسافر المرة دي أوروبا؟ 🔥

خلوكم قريبين و اكتبو لينا لو مهتمين 👀✨

اللهم احفظ السودان 🇸🇩💙

السلام عليكم ورحمة الله وبركاته 🫡💙

قبل ما تستبعد نفسك من المنح بسبب معدلك، شوف الصور أول 👀✨

ويمكن تكتشف إنو فرصتك أقرب مما كنت متخيل 🇮🇶🔥

كتير من الناس بتسأل عن نسب القبول في منحة ادرس في العراق، عشان كدا جمعنا ليكم نسب البكالوريوس والدراسات العليا في مكان واحد.

🦉 والآن سؤالنا ليكم:

لو إتيحت ليك فرصة الدراسة في العراق، شنو التخصص الحتختارو؟ 🇮🇶✨

اكتب تخصصك في التعليقات ونشوف أكتر تخصص عليه إقبال وسط متابعي منتقى المنح 👇🔥

اللهم احفظ السودان 🇸🇩💙

السلام عليكم ورحمة الله وبركاته 🫡💙

الليلة فرصتنا للدراسة في ماليزيا، وتحديداً للطلاب السودانيين 🇲🇾✨

إذا ناوي تقدم للدراسة في ماليزيا، فما تفوت منحة الجالية السودانية للدراسة في جامعة بخاري 🎓

📌 شروط المنحة:

▪️ العمر من 18 إلى 20 سنة.
▪️ الحد الأدنى للشهادة السودانية 70%.
▪️ أن لا يتجاوز الدخل الشهري للأسرة 300 دولار.

📌 المطلوب:

تعبئة نموذج الاستبيان بدقة و النموذج ساهل و بسيط و ما بياخذ منكم دقايق.

⏳ آخر موعد للتقديم: 06 يونيو 2026 و في النموذج مكتوب يوم 10 يونيو بس للضمان قدمو بدري

🦉إذا مهتم بالتقديم اكتب لينا "مهتم" في التعليقات أو راسلنا، وحنرسل ليك رابط التقديم مباشرة 💙

اللهم احفظ السودان 🇸🇩💙

السلام عليكم ورحمة الله وبركاته 🫡💙

طلاب المنحة الداخلية، جهزوا أوراقكم 👀✨

التقديم الثاني في منحة ادرس في السعودية للطلاب الداخليين حيفتح يوم 25 يونيو 2026 ويستمر لحدي 10 يوليو 2026 📅🇸🇦

لسه قدامكم فرصة ترتبوا مستنداتكم وتراجعوا خياراتكم وتكونوا جاهزين أول ما يفتح التقديم 🔥

وخلوكم متابعين الصفحة، لأنو حننزل شروحات وتنبيهات مهمة حتساعدكم في التقديم بإذن الله 💙🦉

اللهم احفظ السودان 🇸🇩

السلام عليكم ورحمة الله وبركاته 🫡💙

ناس كتيرة ركزت مع منحة السعودية و نسيت إنو في فرصة قوية جداً لسه فاتحة 👀😂

وكما بنقول: "ادرس في العراق... منحة لا تستحق الفراق" 🔥🇮🇶

📌 منحة أدرس في العراق

📍 شنو أنواع المنحة؟ وشنو شروطها؟ 🤔

🔹 التمويل الكامل يشمل الرسوم الدراسية والسكن.

🔻 للبكالوريوس:
التخصصات الطبية: العمر لا يتجاوز 25 سنة.
باقي التخصصات: العمر لا يتجاوز 30 سنة
🔻 للدراسات العليا:
الماجستير: العمر لا يتجاوز 45 سنة.
الدكتوراه: العمر لا يتجاوز 50 سنة.

🔹 التمويل الجزئي يشمل جزءاً من الرسوم الدراسية.
🔻 للبكالوريوس:
التخصصات الطبية: العمر لا يتجاوز 30 سنة.
باقي التخصصات: العمر لا يتجاوز 35 سنة.
🔻 للدراسات العليا:
لا يوجد شرط عمر.

🔹 النفقة الخاصة لا يشمل أي تمويل، لكنه يتيح فرصة الدراسة في الجامعات العراقية.

📍 شنو التخصصات المتاحة؟ 🤔
المنحة تشمل مختلف التخصصات الأكاديمية، بما فيها التخصصات الطبية 😉🔥

📍 الأوراق المطلوبة كثيرة؟

أبداً 😌
▪️ صورة شخصية
▪️ جواز سفر ساري المفعول
▪️ إثبات الأب والأم
▪️ الشهادة الثانوية
▪️ تعهد خطي (نموذج جاهز من المنحة حتلقونا نزلناهو ليكم في التليجرام)

إذا كانت أوراقك جاهزة، منتظر شنو؟ 👀✨

أرسل لينا ملفك وخلي الباقي علينا 🫡💙

اللهم احفظ السودان وأهله 🇸🇩

🇮🇶📚

السلام عليكم ورحمة الله وبركاته 💙✨

تقبل الله منا ومنكم صالح الأعمال، وكل عام وأنتم بخير بمناسبة عيد الأضحى المبارك 🐑🌙

نسأل الله أن يجعل أيامكم مليئة بالفرح والطمأنينة، وأن يحقق أحلامكم ويكتب ليكم القبول والتوفيق في كل خطوة 🤍✨

وشكرًا لأنكم جزء من عائلة منتقى المنح 💙🦉

اللهم احفظ السودان وأهله 🤍