20/11/2025
زمان انا كنت بكره الرياضيات
وكانت بالنسبة لي بتظاهي اختراع الذرة حرفيا
وكنت دايما بتهرب من مذاكرتها وبعمل فيها حريفة 😉😉
لكن المشكلة كنت بكذب علي نفسي او بضحك عليها
وكنت برمي اللوم علي الاساتذة اللي كانوا بدرسونا ليها
واعذار في اعذار
وللأسف انا كنت في مدرسة استاذ بترقي معانا كل سنة دراسية لحدي ماوصلت لي امتحان الشهادة الثانوية.
فسلمت امري لله وقلت المادة دي مابتتجازف خالص .
لحدي مااتخرجت من الجامعة واي شخص بحاول يتفزلك في الرياضيات كنت ببعد من الكلام معاهم 🫠🫠
لحدي ماجات لحظة الحقيقة وتني لازم اواجه مخاوفي ومابس لي حتي لي اولادي لحدي مااخدت خطوات واولها :
✨️ اغير طريقة التعلم
من خلال اربط مسائل الرياضيات باامثلة واقعية او ابسط المعلومة وكدا اكون حولتها من حاجة معقدة الي حاجة انا بستمتع بيها
✨️ لحظة "آها"
دي اللحظة اللي انا حسيت بيها بعد ماكبرت واتخرجت من الجامعة وبقيت اقول واخيرا فهمتا ، آها تاريها كده
وفي اللحظة دي حسيت اني ممكن اخد جائزة نوبل للرياضيات 🤣🤣🤣
✨️ تأثير المعلم
اكيد انوا المعلم ليهو دور ودور كبير كمان ،فااكيد حيغير ليك نظرتك للمادة عشان كده حاول ابحث عن المعلم اللي ماببخل ليك بالمعلومة ويضيف ليك اكتر
✨️ اكتشف الهدف
مهما كان هدفك في حب مادة الرياضيات اللي حتلاقيها في حياتك وابشركم مابس في الثانوي وانها عبارة عن اداة ممكن تتملكها وماتكون ليك عقبة
لو مريت بتجربة زي دي ؟ ممكن تحكي لينا عنها ؟ وهل كانت الرياضيات من المواد اللي بتحبها في الثانوي او الجامعة؟ حابة اسمع قصتك لو حبيت تشاركها معانا ؟
