الكلية الاردنية السودانية للعلوم والتكنولوجيا- مركز شندي

🎓 تعلن الكلية الأردنية السودانية للعلوم والتكنولوجيا مكتب شندي عن فتح باب القبول للشواغر العام الدراسي 2023.
📌 كما يسرنا أن نُعلن عن تقديم خدمات الاستشارة والمساعدة في إجراءات التقديم الإلكتروني مجاناً، وذلك حرصاً منا على دعم الطلاب في اختيار التخصص الأنسب وتحقيق طموحاتهم الجامعية.
📞 للمزيد من المعلومات والتواصل، يُرجى زيارة مكتب الكلية (مركز شباب شندي قرب العيادات المحولة مستشفى المك نمر و مستوصف الرازي) أو الاتصال على الأرقام التالية :
0915073706
0913413306
0117592070
📍 الكلية الأردنية السودانية للعلوم والتكنولوجيا — نحو مستقبلٍ أكاديميٍ واعد

📖🔥 *تحدي القراءة - يوم التميّز* 🔥📖
في أجواء مليانة حماس وتنافس إيجابي، أقمنا اليوم *مسابقة تحدي القراءة* في
📍 *مركز بيتر* بالتعاون مع 🤝 *Rat for English* و🎓 *الكلية الأردنية السودانية*

🏆 مبروك للفائزين 🎉
📚 استحقوا التقدير بعد جهد وقراءة مستمرة!
🙌 ولكل المشاركين نقول: *ما قصرتوا، الجاي أحلى بإذن الله!*

💡 خليكم مستعدين للجولات الجاية... لأن التحدي مستمر 💪✨

📘
🐭
🧠
🇸🇩🇯🇴

📚🔥 *بالتعاون مع مركز Mr. Peter Center، منصة Rat For English تعلن عن انطلاق النسخة الخامسة من تحدي القراءة باللغة الإنجليزية!* 🇸🇩

👩‍🎓👨‍🏫 سواء كنت:
- طالب 🧑‍🎓
- جامعي 🎓
- معلّم 📖
- أو محب للإنجليزية ❤️
*دي فرصتك تتألق!*

🎁 *انضم مجانًا وادخل السحب على جائزة رائعة من:*
🏅 *الكلية الأردنية السودانية*

🎯 *هدف التحدي:*
ممارسة اللغة الإنجليزية بطرق ممتعة ومبتكرة ✨

📅 *التاريخ:* السبت 20 سبتمبر 2025
🕙 *الساعة:* 10:00 صباحًا
📍 *المكان:* شندي - مربع 21 جوار دكان غريب 🗺️

🌟 لا تفوّت الفرصة! شاركنا وتعلم واستمتع مع مجتمع يحب اللغة مثلك 👏

📲 تابعنا عشان توصلك كل التحديثات:
⭕Facebook:

https://www.facebook.com/profile.php?id=61562452427339&mibextid=ZbWKwL

⭕whatsapp:

https://whatsapp.com/channel/0029VakC4brFi8xhUPSAhR1C

⭕Telegram:

https://t.me/wepMuEJAC19mNzA0

#تعلّم_الإنجليزية_مع_Rat_For_English
. Peter_Center

📖🚀 *جاهز تبدأ الرحلة؟*

Rat For English it helps students and english learners to improve their language in jobs and other things

المنشور السادس و الاخير من سلسلة اختار تخصصك بذكاء قرارك اليوم.. مستقبلك غدًا
فاتخذ قرارك بثقة✨

بعد ما عرفنا شنو يعني اختيار التخصص، وناقشنا الميول، القدرات، فرص العمل، وأثر التخصص على حياتك، بقى أهم خطوة:

القرار.

خد وقتك، راجع النقاط، استشير ناس تثق في رأيهم، لكن ما تخلي حد يختار ليك مستقبلك.

ثق بنفسك.
أنت المسؤول الأول عن حياتك، وتستاهل تمشي في طريق يناسبك، يحقق طموحك، ويشبهك.

نصيحة أخيرة:
ما في تخصص كامل، لكن في تخصص ممكن تخلق فيه التميز لو اشتغلت عليه بذكاء واجتهاد.

🎓المنشور الخامس من سلسلة اختار تخصصك بذكاء
✨استشارة أهل الخبرة

لما تكون محتار في اختيار تخصصك، ما في أحسن من إنك تسمع من الناس المجربين الطريق قبلك.
الخبرة ما بتتقرأ في الكتب، بتتعايش!

استشير طلاب في التخصصات المختلفة، واسأل الخريجين:
قريتوا شنو؟
اشتغلتوا شنو؟
ندمانين ولا مبسوطين؟
لو رجع بيكم الزمن، تختاروا نفس التخصص؟

كمان لو عرفت ناس شغالين في المجال، اسألهم:
طبيعة الشغل كيف؟
الفرص متوفرة؟
محتاج كورسات إضافية؟

استشارة أهل الخبرة بتديك نظرة واقعية، وبتساعدك تختار بذكاء ما بعشوائية.
ما تعتمد بس على رأي الأهل أو نظرة المجتمع، ولا على الرغبة اللحظية... اسمع، فكّر، وقرّر!

المنشور الرابع من سلسلة اختر تخصصك بذكاء
🎓فرص العمل بعد التخرج

كتير من الطلاب بيسألوا نفس السؤال: "لو اخترت التخصص ده، هل ح ألقى شغل بعد التخرج؟"
والإجابة ما بسيطة، لكن نقدر نديك مفاتيح تساعدك تقرر:

1. شوف سوق العمل حوالينك:
هل في طلب على خريجين التخصص ده؟ هل في مؤسسات، شركات أو منظمات بتوظف فيه باستمرار؟
مثال: التخصصات الطبية دايمًا عليها طلب، لكن تخصصات زي الجغرافيا أو الفلسفة ممكن تحتاج مسار واضح عشان تلقي وظيفة.

2. التخصصات المرنة أفضل:
بعض التخصصات بتديك مهارات تقدر تستخدمها في مجالات متعددة. زي الاقتصاد، الإدارة، تقنية المعلومات. ما بتقيدك بمسار واحد.

3. المهارات أهم من الشهادة بس:
في سوق اليوم، الشركات دايرين شخص بيعرف يشتغل مش بس عنده شهادة. اتعلم مهارات جانبية زي اللغة، الحاسوب، الإدارة، أو حتى العمل التطوعي.

4. فكّر خارج الصندوق:
ما كل الناس ح تشتغل في الحكومة أو الشركات الكبيرة. في ناس بفتحوا مشاريع صغيرة، أو بيشتغلوا فريلانسرز، أو بيلقوا فرص أونلاين.

5. استعد من بدري:
لو عرفتي تخصصك حا يقودك لوين، خططي من الجامعة: أدخلي كورسات، تطوعي، أعملي تدريب عملي، كوني علاقات. دي كلها بتفتح أبواب ما كانت في الحسبان.

المنشور الثالث من سلسلة اختر تخصصك بذكاء
✨قيّم قدرتك ومهاراتك

لما تجي تختار تخصصك الجامعي، ما يكفي تقول "أنا بحب المجال ده"
المسألة أكبر من الميول… لازم تسأل نفسك: "هل عندي القدرة الحقيقية للنجاح في المجال دا؟"
في نقطتين لازم توقف عندهن:

1. القدرة:
هل عندك المهارات الذهنية المطلوبة؟ (تركيز – تحليل – حفظ – تفكير منطقي)
هل بتقدر تتحمّل ضغط الدراسة والتزامات طويلة المدى؟
عندك القدرة تتعلم بلغة أجنبية لو التخصص محتاج؟
وضعك الدراسي الحالي يسمح تدخل المجال؟ (درجاتك ومستواك الأكاديمي)

2. المهارة:
هل عندك مهارات عملية مرتبطة بالمجال؟ زي الرسم، التعامل مع الأجهزة، أو مهارات التواصل؟
هل عندك خبرة سابقة أو تدريب في المجال؟ ولو بسيط؟
الناس دايمًا بيشيدوا بشنو فيك؟ دي إشارات قوية على مهاراتك الحقيقية.

كيف أربط دا بالتخصص الجامعي؟
لو عندك مهارة في الإقناع والتعامل مع الناس + قدرة على التحليل → تخصصات زي الإعلام، العلاقات العامة، أو إدارة الأعمال ممكن تناسبك.
لو عندك دقة ومهارة يدوية + صبر → التمريض أو المختبرات الطبية ممكن تكون خيار مناسب.
لو عندك حب للبرمجة لكن ما عندك صبر لحل المشاكل التقنية → راجع قرارك، لأن حب المجال وحده ما بكفي.

نصيحة اليوم:
التخصص الجامعي قرار طويل المدى، خليه مبني على وعي بقدراتك، مش بس عاطفة لحظية.