حسام محمد - Hosam Mohamed

حسام محمد - Hosam Mohamed Contact information, map and directions, contact form, opening hours, services, ratings, photos, videos and announcements from حسام محمد - Hosam Mohamed, Education, السودان, Rabak.

لكل طالب حاسس إنه ضايع…
لكل زول بيذاكر كتير وما لاقي نتيجة..
أنا هنا عشان أقول ليك: إنت قادر، بس محتاج الطريقة الصح..
📚 نذاكر بوعي، و بذكاء خطوة بخطوة، مع بعض.

🔥عروض الجمعة المميزة🔥الجمعة دي عندنا فرصة مميزة لـ 10 طلاب فقط 👀❤️تخفيض خاص على:📚 ورشة المذاكرة الفعّالة🔥 ورشة زنقة امتح...
27/08/2026

🔥عروض الجمعة المميزة🔥

الجمعة دي عندنا فرصة مميزة لـ 10 طلاب فقط 👀❤️

تخفيض خاص على:
📚 ورشة المذاكرة الفعّالة
🔥 ورشة زنقة امتحانات

لكن الاختيار ما حيكون بالأسبقية… 👇🏼
حاختار الـ10 طلاب بناءً على المشكلة الحقيقية البتواجههم في المذاكرة.

كل العليك تعمله ترسل لي رسالة على الواتساب فيها:
1️⃣ اسم الورشة العايزها
2️⃣ السبب أو المشكلة البتواجهها في المذاكرة شنو؟

احكي لي مشكلتك بصراحة، لأن ممكن تكون هي السبب المخليك تذاكر كتير وما تشوف النتيجة البتتوقعها. 💙

✨ 10 طلاب فقط — تخفيض خاص — والاختيار حسب احتياجك الحقيقي.

📲 رقم الواتساب في التعليقات 👇🏼👇🏼

و تتوالى الرسائل البتفرح 🩵🩵🔥على فكره، التسجيل فاتح لدفعة جديدة على حسب موقفك ...لو بادي سمستر او في نص سمستر فالانسب ليك...
27/08/2026

و تتوالى الرسائل البتفرح 🩵🩵🔥

على فكره، التسجيل فاتح لدفعة جديدة
على حسب موقفك ...

لو بادي سمستر او في نص سمستر فالانسب ليك *ورشة المذاكرة الفعّالة*

اما لو باقي ليك شهر او اقل ع الامتحانات ف *ورشة زنقة امتحانات*

الرسوم رمزية جدا و م مقارنة بالقيمة البتاخدها و المتابعة

م عليك الا ترسل لي رسالة عشان تعرف التفاصيل الباقية 🩵✨

بالتوفيق للجميع 🤲🏻

ّالة

🍰 كيكة أخبار التعليم | أغسطس 🎓أخبار التعليم في السودان… ملقّطة ليكم من الفرن مباشرة 😂👇🏽🥛 الجامعات🎓 وزارة التعليم العالي ...
26/08/2026

🍰 كيكة أخبار التعليم | أغسطس 🎓
أخبار التعليم في السودان… ملقّطة ليكم من الفرن مباشرة 😂👇🏽

🥛 الجامعات
🎓 وزارة التعليم العالي أكدت انو عودة الجامعات إلى مقارها الأصلية أصبحت واقعًا، واستعادة النشاط الأكاديمي تدريجيًا، وظهور امتحانات حتُقام داخل بعض المقار الأصلية.

😂 الجامعة قالت: يا جماعة كفاية «مركز بديل»… كل زول يرجع لي كرسيه، حتى الكرسي ذاتو اشتاق ليكم 🥹!

🍞 المدارس
🏫 في ولاية الجزيرة، تستمر الاستعدادات لامتحانات الشهادة الابتدائية والمتوسطة، وأطلقت إدارة التعليم الفني ورشة حول التعليم الفني وآفاق الهجرة اليوم..

تحس انه الطلاب داخلين على الامتحانات زي الزول الماشي العرس وما عارف العريس منو… لكن قالوا ليهو تعال بس 😂.

☕
📋 الإدارة العامة للقبول كانت أعلنت بدء رفع ومطابقة الشهادات الثانوية العربية والأجنبية لاستكمال متطلبات التقديم للقبول الجامعي..

يعني الشهادة ذاتا قالت: «أنا جاهزة… بس أمشوا طابقوني قبل ما تضيعوني في الورق» 🫠.

📱
🔥 من أكثر الملفات البتستحق المتابعة حاليًا: عودة الجامعات لمقارها الأصلية والبيترتب عليها للطلاب والمراكز البديلة.. والموضوع ما «قالوا و قلنا» بس؛ أصل القرار صادر رسميًا، مع تأكيد لاحق من الوزارة على بداية العودة الفعلية..

😂 لكن القروبات بقت زي إذاعة أم درمان: كل زول عندو خبر، والمذيع الوحيد هو «ولد خالتي قال» 😂.

🗞️
📰 من أخبار الطلاب اليوم: جامعة الجنينة تبحث مع الصندوق القومي لرعاية الطلاب برامج للإرشاد والدعم النفسي والثقافي للطلاب المتأثرين بالحرب والموجودين في الخرطوم..

❤️ الدراسة ما بس كتاب وامتحان… مرات الطالب محتاج زول يقول ليهو: «أها ياخ، أمورك كيف؟» قبل ما يقول ليهو: «ذاكرت؟» 🩵

🌍🍰 إضافة عالمية

🏆 طالبة في جامعة USIU-Africa في كينيا اسمها Whitney Atieno Omondi (ما تتخطى الاسم ارجع اقراهو 🤣) عملت حاجة مميزة جدًا اليوم:

فازت في مسابقتين سوا؛ Three-Minute Thesis و Visualize Your Thesis، وده إنجاز لافت لأنها جمعت بين تقديم البحث العلمي في دقائق قليلة وبين تحويل فكرة البحث إلى عرض بصري مفهوم. الجامعة أعلنت الخبر اليوم 26 أغسطس.

نحن لمن الدكتور يقول: «عندك 3 دقائق اشرح بحثك» بنكون لسه بنفتش القلم… البت دي في الثلاث دقائق مشت فازت بمسابقتين! 😂😂

💡 ليه الخبر ده مهم في الكيكة دي؟
لأنه يورّيك إنه طريقة تقديم المعرفة نفسها مهارة؛ ما كفاية تكون فاهم، لازم تعرف تختصر وتشرح فكرتك بطريقة تخلي الناس تفهمها 😎.

وبرضو ظهر اليوم بحث تعليمي مثير من جامعة ولاية كارولاينا الشمالية عن أداة ذكاء اصطناعي اسمها Socratic Challenger، مصممة لمساعدة طلاب الجامعة على تطوير أسئلة بحثية والتفكير النقدي بدل مجرد إعطائهم الإجابة الجاهزة.

😂 يعني الذكاء الاصطناعي بدأ يقول للطالب: «الإجابة ما حأديك ليها… ورّيني إنت فكرت كيف» 😭😂.

📌 المصادر: وزارة التربية والتعليم بولاية الجزيرة + وكالة السودان للأنباء + وزارة التعليم العالي والبحث العلمي. (الروابط في التعليقات 👇🏼)

في الاخير ما عايزين منك تغشى الكاشير تدفع حق الكيكة لالا 🤣 بس تاق لصاحبك و قو لي في التعليقات لو نواصل بالطريقة دي ولا لا عن اهم الاخبار البتخص التعليم و الطلاب السودانيين 👇🏼👇🏼

ّالة #طلاب #دراسة

بالنسبة لي التعامل مع الطلاب ما بنتهي بمجرد إنك حضرت محتوى أو اشتركت في الورشة.. لاأنا بهمني أعرف:إنت مشكلتك شنو؟شنو الب...
26/08/2026

بالنسبة لي التعامل مع الطلاب ما بنتهي بمجرد إنك حضرت محتوى أو اشتركت في الورشة.. لا

أنا بهمني أعرف:
إنت مشكلتك شنو؟
شنو البعطلك؟
شنو الحاجة الممكن نغيرها عشان تبدأ تتقدم؟

وعشان كدا مرات ممكن طالب يسألني عن حاجة بسيطة، لكن من خلال الكلام معاه أكتشف إنه المشكلة الحقيقية في مكان تاني، وأوجهه للحاجة البحتاج يشتغل عليها..

والأجمل من دا كله، إنك بعد فترة تلقى الطالب رجع يحكي ليك عن التغيير الحصل معاه ❤️

زي الرسالة الرسلتها لي طالبة قبل شوية دي..

والله الرسائل دي بالنسبة لي بتساوي كتير جداً 🥹❤️

لأنها بتأكد لي إنه الحاجة البقدمها ما قاعدة تكون مجرد كلام بيسمعوه وينسوه..

أنا هدفي إنك تفهم، تطبق، تتطور، وبعد فترة تلاحظ الفرق بنفسك..

وما عندي أجمل من إني أشوف طالب كان مشتت، ما عارف يبدأ من وين، أو بذاكر بطريقة متعبة وما شايف نتيجة… وبعد فترة يبدأ يفهم نفسه، ينظم مذاكرته، يلتزم، ويتقدم خطوة خطوة..

نجاحك ما حاجة منفصلة عن شغلي…

نجاحك هو واحد من أكبر الأسباب البتخليني أواصل وأقدم أكتر.. ❤️

وربنا يقدرنا نواصل ونكون سبب في إنو الطلاب يشوفوا نتيجة تعبُهم، ويصلوا للمكان البتمنوا يصلوا ليه. 🌹

ربنا يبارك فيكم جميعاً، ويجعل كل كلمة وكل نصيحة وكل معلومة بنقدمها سبب في نفع حقيقي ليكم. ❤️

👇🏼قول لي في التعليقات مشكلتك شنو في المذاكرة؟! و هل راضي بنتايجك مقابل مذاكرتك و الجهد البتبذله فيها؟!

ّالة

الحل العملي للنسيان بعد المذاكرة🛑💭 المشكلة:بتذاكر كويس... لكن لما يجي وقت الامتحان؟ كل حاجة بتطير! تحس إنك ما فتحت الكتا...
26/08/2026

الحل العملي للنسيان بعد المذاكرة

🛑💭 المشكلة:
بتذاكر كويس... لكن لما يجي وقت الامتحان؟ كل حاجة بتطير! تحس إنك ما فتحت الكتاب أصلاً! 😵‍💫

✅ الحل العملي ببساطة: "ذاكر عشان تتذكر، مااا عشان تخلّص!"

طيب كيف الكلام ده.. 🤔
✳️ كيف تتغلب على النسيان؟

1. ارجع للـ 20% المهمة بس:
ما تحفظ كل حاجة، ركّز على أهم الأفكار، وراجعها بذكاء.

2. استخدم تقنية "المراجعة المتكررة" (Spaced Repetition):
راجع المعلومة في اليوم:
- الأول
- الثالث
- السابع
- قبل الامتحان مباشرة
ده بيرسّخها في الذاكرة الطويلة.

3. سجّل بصوتك أو بصوت زول تاني:
واسمع التسجيل وأنت ماشي، بتفطر، أو قبل تنوم.

4. اربط المعلومة بقصة أو صورة أو موقف:
مثلاً: لو بتذاكر أعراض مرض، تخيل المريض قدامك، وأنت بتشرح ليه.

5. بعد ما تذاكر، جرّب تشرح لزول أو لنفسك بصوت عالي.
ده اسمه "Active Recall"، أقوى طريقة تثبّت المعلومة.

●نشاط (اختياري ومفيد):
لكن ختوه Challenge تحدي :

- اختار معلومة ا ملخص 20% من المحاضرة او الدرس البتقراهو
- سجّل لنفسك مقطع صوتي مدته دقيقة واحدة بس فيها زيت الدرس ده
- اليوم البعده، اسمع المقطع وشوف نسيت شنو
- كل مرة عيد التسجيل وشوف التحسّن

💡 الخلاصة:
"النسيان ما دليل إنك فاشل، لا هو دليل إنك محتاج تذاكر بذكاء، ما بكترة او لفترات طويلة."

لو عايز اتابع معاك التحدي ده و التقدم بتاعك علق بي "تحدي معالجة النسيان بعد المذاكرة" و حاتابع معاك بصورة خاصة 🩵

بالتوفيق للجميع
ّالة

كتير من الناس م بتعرف الشخصية دي !و علاقتها بالبوست الامس (من القائل ؟)الوعود البتوعدها لنفسك في البداية و التنفيذ 😎🫵🏽.....
24/08/2026

كتير من الناس م بتعرف الشخصية دي !
و علاقتها بالبوست الامس (من القائل ؟)
الوعود البتوعدها لنفسك في البداية و التنفيذ 😎🫵🏽
..........
هل انت في بداية سمستر ولا مزنوق للامتحانات؟؟

"أنا السمستر الجاي حابدأ اذاكر من قبل الدراسة تبدأ 😠💪🏽"من القائل ؟ 😅
23/08/2026

"أنا السمستر الجاي حابدأ اذاكر من قبل الدراسة تبدأ 😠💪🏽"

من القائل ؟ 😅

صباح الخير 💙كل مرة تزعل فيها إنه حاجة فاتتك أو إحساس إنك متأخر، إتذكر..- لا يؤخّرُ الله أمراً إلا لخير ولا يحرمك أمراً إ...
06/08/2026

صباح الخير 💙
كل مرة تزعل فيها إنه حاجة فاتتك أو إحساس إنك متأخر، إتذكر..

- لا يؤخّرُ الله أمراً إلا لخير ولا يحرمك أمراً إلا لخير ولا ينزل بلاءً عليك إلا لخير فلا تحزن فربّ الخير لا يأتي إلا بالخير

Transferred

اليوم الـ 24 من أيام العد التنازلي لإعلان نتيجة الشهادة الثانوية (صاح طولت لكن خلاص ما باقي شي) 🥳اللهم ارزق طلابنا واهال...
30/07/2026

اليوم الـ 24 من أيام العد التنازلي لإعلان نتيجة الشهادة الثانوية (صاح طولت لكن خلاص ما باقي شي) 🥳
اللهم ارزق طلابنا واهاليهم نعيماً لا ينفد وقرة عين لا تنقطع..

اول أمس كانت فرحة طلاب شهادة الثانوية العامة في دولة مصر 🇪🇬

وبإذن الله قريباً جداً حيكون دورنا نحنا
جهزوا أنفسكم للفرح
ثبّتوا قلوبكم على التفاؤل
وجهّزوا لينا حلوياتنا 🥰

وذي ما سجلتوا أكبر عدد من الطلاب الجلسوا لامتحانات الشهادة على مر السنين، فسجلوا برضه نسبة نجاح تُكتب في التاريخ، ويقيف عندها كل زول بفتش عن إنجازات الشهادة الثانوية 💪🏽

نحن بانتظار فرحتكم... وبإذن الله حتكون فرحة تليق بتعبكم 🩵

قولوا لي في التعليقات معنوياتكم كيف !

ّالة

تخيل اليوم البتطلع فيه النتيجة ، واسمك وسط المتفوقين والناجحين، وأهلك فرحانين بيك، وكل التعب المريت بيه بقى يستحق..عشان ...
29/07/2026

تخيل اليوم البتطلع فيه النتيجة ، واسمك وسط المتفوقين والناجحين، وأهلك فرحانين بيك، وكل التعب المريت بيه بقى يستحق..

عشان اللحظة دي ، افتح كتابك هسي 🩵.

ّالة

Address

السودان
Rabak
[email protected]

Telephone

+249903919201

Website

Alerts

Be the first to know and let us send you an email when حسام محمد - Hosam Mohamed posts news and promotions. Your email address will not be used for any other purpose, and you can unsubscribe at any time.

Contact The School

Send a message to حسام محمد - Hosam Mohamed:

Shortcuts

Share

Category