KUC

اخوانا فى المجالات التانية وغير اهل الاختصاص
مركز kuc م نساكم وجهز ليكم دورة icdl او الرخصة الدولية لقيادة الحاسب وزى م عارفين خاسين على عصر بتحكموا التقنيات والشغل فيه عبارة عن بيانات فلازم كلنا تكون عندنا خلفية كاملة عن الحاسوب وده الحنقدموا نحنا ان شاء الله

بقولو عليك كهربجي فى الجامعة 🤣
اظن جا الوقت التبقي فيه مهندس شبكات حقيقي م بس زول بوصل اسلاك وبثبت ترنكات
اليوم وفى مركز kuc حابين نعلن عن افتتاح التسجيل لدورة الشبكات (CCNA) مع الكوتش الجميل أ.محمد عبدالسلام وحيكون معاكم ان شاءالله فى كورس عملى عملى عملى لابعد حد ابتداء من م هى الشبكة ولحد م تقدر تتعامل مع الشبكة بسهولة ان شاء الله وحيكون متابع لحظة بلحظة عشان م تفوتكم اى لحظة
لاجراءات التسجيل الرجاء التواصل على رقم الواتس اب
093 302 8303

عذبانكم كتير
بدينا حملات اعلانية تشد الروح وسكتنا
لعبنا باعصابكم كتير
بس الليلة جا وقت ننتهي من اي شي ونبدا الجد
فبسم الله نبدا سائلين الله التوفيق

الكلية الجاية حتكون ادارية ولا طب اسنان؟! 🙃🙃

حبابينا الحلوين
بيكم بدينا وبيكم مكملين
وبيكم حنصل المليون ان شاءالله

Debugging تقيل 😅
ملوك الكيبورد والاكواد
التخصص المهدد اى تخصص 😎

إلى السادة مبرمجي بلادي والمهندسين الحاسوبيين 🇸🇩🫡

سلام من الله عليكم وكمية من المحبة والاحترام ❤️💜

فأول سؤال: التخصص ده شنو؟ ويعني شنو "مهندس حاسوب" أو "مبرمج"؟

التخصص ده يا عزيزي باختصار شديد هو إنك تصنع عالم من لا شيء،
عالم من أكواد وإشارات ومنطق، بتقدر تخلي الالةتسمع، تشوف، تتفكر، وتنفذ أوامرك 😎
المبرمج يا صديقي القارئ هو شخص قادر يحول فكرة "يا ريت لو في تطبيق بيعمل كذا" إلى برنامج حقيقي الناس بتستخدمه كل يوم.

نجي للحاجة اللي بتخلي المبرمج مكتب للدرجة دي 😅
وهي ي معلم انو المبرمج م بس بحل مشكلات لا المبرمج بشكل اساس التحول الرقمي الحاليا السودان اعترف بيه وعمل ليه وزارة فبالتالى حنلقي الحاسوب خش فى تخصصات تانية كتيرة طب ادارة لغات وحتي فروع الهندسة الاخري وده بسبب الذكاء الاصطناعي وقدرتو على محاكاة العمل البشري بصورة جميلة

اما بالنسبة لمهارتهم فكلهم بتمتعوا بأهم مهارتين: التفكير المنطقي وحل المشكلات، ودي مهارات تقدر تحول أي عقلية عادية بتتجنب المشكلة أو بتلوم الجهاز لشخصية قادرة تقعد 6 ساعات قدام شاشة عشان فاصلة منقوطة ناقصة وتقول في الآخر: "أنا اللي كسبتها" 😅💜

طيب تمام، ممكن أتعلم شنو في تخصص الحاسوب؟!
المجال واسع زي ما قلنا وبيضم عدة تخصصات كلها بتجمعها أصول البرمجة والخوارزميات:
عندنا مثلًا:
علم البيانات والذكاء الاصطناعي (أكتر زول الناس خايفة منه إنه ياخد وظايفهم 🤣)
· هندسة البرمجيات (مهندس الترتيب والتنظيم، بكره الفوضى)
· أمن سيبراني (اللي بيحمينا من الهاكرز وهو أخطرهم أصلاً 😅)
· شبكات (الناس اللي لو النت وقع، الدنيا قامت وما قامت)
· تطوير التطبيقات والويب (اللي خلاك تفتح فيسبوك وتقول إزاي العالم ده اتعمل)
· إنترنت الأشياء (اللي بيخلي الثلاجة تكلم المكيف)
تقدر تختار أي مجال من ديل وتتخصص فيه، وكل مجال طبعًا عنده كورسات إضافية محددة.

أيوة أنا من قبيل راجي سيرة الكورسات الخارجية… أقراها ليه؟ وهل أنتو كمركز بتقدموها؟!
مهمة جدًا أي نعم.
ليه؟ الجامعة يا صديقي بتأهلك بمنهج معين، كلكم كدفعة بتدرسوا نفس المنهج ونفس الأساسيات،
لأن الجامعة دورها تعلمك إزاي تفكر كحاسوبي، وتخرجك بقيم معرفية معينة.
أما الكورسات الخارجية فبتركز على الفرد: شنو احتياجاتو؟ عايز يتعمق في شنو؟ شنو الجديد في السوق؟
ونحنا في kuc بنقدم كورسات تخص علوم الحاسوب
كورسات في:
لغات برمجة (Python, Java, C++، وغيرها)، تطوير تطبيقات، قواعد بيانات، أمن سيبراني، وغيرها.

نصيحة خفيفة:
ما تنتظر التخرج عشان تتعلم برمجة حقيقية،
ابدأ كورسات وكُتب ومشاريع من السنة الأولى،
وخلّي شغلك عملي أكثر من نظري، لأن السوق السوداني والدولي عايز بتعمل مش بس بتكتب في الورقة.
وافتكر: "لو ما اشتغلت على مشروع جانبي، انت بتتفرج على اللي اشتغلوا بياخدوا شغلك" 😅

ختامًا عزيزي المبرمج،
الحاسوب سلاحك، والكود لغتك، وكل مرة تحل مشكلة تحس إنك ربّيت طفل 😂💜
أنت تقدر تغير العالم من على كرسيك،
وافتكر: "كل الأجهزة اللي حواليك ناقصة بدونك" 😎

أرح منتظر تعليقاتكم وتفاعلكم 💜🩶

الباش مترجمين
اللي شايفين إنهم "فاهمين كل حاجة" من كثر النصوص اللي قرؤوها 😂
إلى السادة أهل اللغة في بلادي 🇸🇩🫡
سلام من الله عليكم ومحبة ❤️💜

طيب التخصص ده شنو؟ ويعني شنو لغيت"؟
التخصص ده يا عزيزي باختصار شديد هو امتلاك مفتاح قلوب العباد قبل عقولهم 😅
هو إنك تبقى الجسر اللي يربط الثقافات، والمترجم الفوري بين القلوب قبل الكلمات.
المترجم يا صديقي القارئ هو شخص قادر يحول فكرة من لغة لأخرى من غير ما يضيع روح الكلمة، ويقدر يفهم النص زي ما الكاتب نفسه حاسس بيه.

المترجم كمان بتمتع عقلية المحلل اللغوي، لأنه ما بيكتفي إنه يفهم الكلام لا، لا، أبدًا.
هو بعاين النص بعين فاحصة، لازم يعرف: الجملة دي معمولة ليه كده؟ التراكيب دي بتعطي إحساس شنو؟ الكلمات ليه بالذات اتختارت؟ هل في خطأ نحوي ولا بلاغي؟ هل ممكن الترجمة تكون أحسن من كده؟ وهل النص ده ينفع يتقال في ثقافتنا ولا لأ؟

طيب تمام، ممكن أتعلم شنو في أقسام اللغات؟!
اللغات مجال واسع زي ما قلنا، وبيضم عدة تخصصات كلها بتجمعها أصول اللغة والترجمة، وبتتميز بتخصصات فرعية مختلفة.
عندنا مثلًا: اللغة الإنجليزية وآدابها (الأم دائمًا 🤍)، وعندنا الترجمة التحريرية والفورية (أكتر زول بيشتغل دماغه في الثانية 😅)،
وعندنا اللغويات (اللي بتحلل اللغة زي المهندس بيحلل الآلة بالضبط)،
وعندنا تدريس اللغة الإنجليزية كأجنبية (اللي بيصنع الأجيال)،
وأيضًا اللغات النادرة والترجمة المتخصصة (قانونية، طبية، إعلامية)
تقدر تختار أي مجال من دول وتتخصص فيه، وكل مجال طبعًا عنده كورسات إضافية محددة.

أيوة أنا من قبيل راجي سيرة الكورسات الخارجية… أقراها ليه؟ وهل أنتو كمركز تقدموها؟!
مهمة طبعًا، أي نعم.
أما ليه: فالجامعة يا صديقي بتأهلك بمنهج معين، كلكم كدفعة بتدرسوا نفس المنهج وبنفس المواد،
لأن الجامعة دورها تخرجكم كلكم بقيم معرفية معينة.
أما الكورسات الخارجية فبتركز على الفرد: احتياجاته شنو؟ وإيه الناقص عنده؟ وبتكمل المسيرة.

ونحنا في kuc بنقدم كورسات تخص علم اللغات والترجمة كورسات في: الترجمة التحريرية الاحترافية، الترجمة الفورية، تحليل الخطاب، البرامج المساعدة للمترجم (CAT Tools)، مهارات التدقيق اللغوي، وغيرها.

نصيحة خفيفة:
ما تنتظر التخرج، ابدأ كورسات من السنة الأولى أو التانية بالكتير،
وخلي شغلك تطبيقي أكثر من نظري،
لأن السوق السوداني والدولي عايز ناس بتترجم وتحرر وتشتغل، مش بس تحفظ قواعد.

ختامًا عزيزي الأديب اللغوي،
اللغات عالمك، وسلاحك، وثقافتك الثانية،
وباللغات بتبني جسور، وبكلمتك بتغير حياة. 😎💜

أرح منتظر تعليقاتكم وتفاعلكم 💜🩶