Soma family

استغفر الله العظيم واتوب اليه

اللهم أستودعك نفسي من ذُل الحياة ومن ضجيج التفكير،عوضني عن كل شيء أحببته فخسرته، طابت له نفسي فذهب، صدقته فكذب، استأمّنته فغدر ، اللهٌم لا تشغلني ولا تعلقني بشيء لم تكتبه لي وقدّر لي كل فرح لم أتوقعه، اللهم و إن ضلت نفسي طريقها فردها إليك ردا جميلًا.

https://www.facebook.com/100064806336482/posts/653656783471194/?mibextid=rS40aB7S9Ucbxw6v

مساء مّليان بالحُب.. 🌍❤

أعرفي قيمة نفسك كويس وإهتمي بيها شديد وخليك عارفة إنو الحاجة اللي أنتِ ما مرتاحة فيها ما مُجبرة إنك تواصلي فيها وإنو أنتِ البي يدك تكوني نجمة لامعة وسط كل الضلام المحاط بيك !))

أنا وحدة من الناس إتربيت على المباديء وأهلي غرسوا فيني مفهوم إنه البت بتجيب إحترامها لنفسها بي يدها وبراها البتخلي كل الناس تحترمها ومن أنا صغيرة بقيت عارفة الحاجة دي وبعمل بيها.

بقيت مقتنعة تماماً بحكاية إنه طول ما الوحدة خاته حدود لنفسها وفي تعاملها مع الحوليها وبتقّيم نفسها صح حتعيش وسط كل الناس والمجتمع الحوليها ملكة معززة ومكرمة ومافي زول بيقدر يدوس ليها على طرف.

بقيت عارفة متين الوحدة مفترض تقول أي ومتين تقول لا !

ومتين تكون متشددة ومتين تكون مرنة في التعامل !

معروف إنه جمال البت في حيائها .. في إحترامها لي نفسها.. في معرفة حدودها في التعامل مع الناس .. في إلتزامها بي أساسيات دينها والحاجات الفرضها عليها الإسلام.

في الوقت اللي الوحدة بتخسر فيهو كل الحاجات دي !

بتتشاف إنسانة عادية والسلام !

عشان كدا أي وحدة تقعد مع نفسها وتسأل روحها هل أنا بستاهل إني إتشاف زولة عادية والسلام ؟!

قيمي نفسك صح وأعرفي حدودك والبيك والعليك..

إحترام الناس ليك براك بتجيبيهو بي يدك وبي تصرفاتك !

أرفعي سقف إستحقاقاتك فوق في السماء وخليك واثقة في نفسك وفي إنك بتستاهلي تكوني حاجة غالية الواحد يتعب عشان يصل ليها.

أقري.. أنجحي..حافظي على روحك.. انبسطي وابسطي الحوليك بي تصرفاتك الحلوة .. صلي كتير وأدعي ربنا إنه يثبتك على دينه وما يزعزع سلام قلبك.

حبيت أذكرك إنه الدنيا دوارة !

عشان كدا خليك متذكرة إنه حيجي يوم وتكوني قدوة لأولادك وبناتك فلازم تكوني أم تستاهل لقب " الأم المثالية ". ❤

مثالية في الأخلاق.. في التربية .. في إحترام الذات .. وفي المحبة برضه !



طول ما أنتِ قاعدة تقيمي نفسك صح ومُدياها مكانتها البتستاهلها !

حتلقي كل الناس بتقّيمك والصغير قبل الكبير بيحترمك !))

إحترمي ذاتك .. تُحترمي حبيبتي 🙏❤

#الـزّيـتُّـونـة

#شعورانثي

أتمنى لما أوصل للحظة دي ..

أكون بشتري الدبلة وأنا كلي فرحة ..

ومبسوطة بالراجل اللي هكمل حياتي معاه ..♡♡

أتمنى أن قلبي وعقلي وأهلي وكل الظروف تكون متفقة عليه ..

ومافي حاجة تبوظ علي فرحتي .. ولا أكون بتزوج علشان وصلت سن الزواج المناسب .. أو علشان كل اللي حواليني أتزوجوا ..!!

أتمنى يكون حنين و صادق♡

علشان الأشخاص القاسية و الكذابة لا يطاقوا ..

يحاوط قلبي بحب ♡

ودبلته تكون دافية وقلبه فاهمني وحاسس بي ♡

أتمنى أعيش معاه ليالي .. هادية حنينة ومليانة مودة ورحمة ♡♡

يكون متزن نفسيًا، مسئول، شخصيته مستقلة، عارف أمور الدين ويعاملني بما يرضي الله.

أتمنى نعيش حياة سوية .. جميلة بطعم السكر والحب.

أتمنى من كل قلبي يتحقق كوبليه الست:

" صالحت بيك أيامي، سامحت بيك الزمن "

ما مهم يكون رهيب ..

المهم أنه لما يجي يكون السلام لروحي وقلبي ♡

وفاء الشقيري 💙❄️

((كنت دائماً اتسائل كيف ممكن العوض يجي في شكل بني آدم!❤️))

لقيت انو فعلاً البني آدم عوض وعوض جميل جداً جداً ❤️..
التعامل والتفاهم والأسلوب المميز..

التناغم الممكن يتخلق بينكم، ناهيك عن انو بحب عيوبك وبيعمل المستحيل عشان يخلق الضحكة في وشك!

والأحلى من كدا لمن يعاتبك بتحس عتابو زي السمنة على العسل..
عارف احساس الدنيا كلها بتكون بتعارك فيك، ولمن ترجع مهزوم تلقى البقول ليك لا بأس؟ ويرجع يقيف معاك))

العوض لمن يجي في شكل بني آدم الحياة بترجع ليك وردية تماماً❤️

اللهم العوض الجميل🙏✨


#المزيوونة🌹🌹
#منقول💙

💚

دا البوست الوعدتكم بيه المره الفاتت 💙
كيف تبدا بزنس بعد الحرب؟
قبل كل شي اتذكر انو اهم عنصر في مشروعك هو (انت) .. القروش والمكتب والبضاعه والاجهزه .. كل دا بيتعوض بس انت المهم .. وطلما انت بخير حتقدر تقوم مشروعك من جديد..

في البوست دا حاديك نصائح عشان تقدر تقيف ع رجليك سريع بعد الحرب تخلص ان شاء الله .. النصائح دي مناسبه ليك سواء كنت (صاحب مشروع .. طالب .. خريج .. رجل او إمرأه) .. لانو قواعد السوق واحده:

1. اعمل مشروع في الحاجات الاساسيه (اكل - علاج - طاقه (كهربا او بنزين) - حمايه وتأمين - حاجات مدرسه - الخ)
لانو دا حيكون الهم الأولي للناس .. دي مقومات الحياه الاساسيه لحد حبه الوضع يستقر والناس تفتش للرفاهيات

2. لو عايز تبدا بدون راس مال ممكن تبدا بالخدمات زي (الصيانه ..التسويق .. التدريس .. الخ) دي اشغال مامحتاجه راس مال ..يكفي بس يكون مخك نضيف

3. حاول اعمل مصدر دخل بره السودان
في مهارات زي (تصميم الشعارات - الترجمه - التسويق - التدريب - كتابه المحتوى - الرسم - الالقاء الصوتي .. وغيرها كتير)
دي كلها مهارات ممكن تشتغلها لدول تانيه وانت قاعد في السودان وتكسب دولارات وبتبقا ليك تأمين لو بقا في ركود في الشغل
المواقع الممكن تشتغل فيها زي (خمسات .. سوق فن .. مستقل Freelancer .. Fiver .. Patreon .. Upwork)
كل العليك تخش الموقع وتكتب انت بتعرف تشتغل شنو والزباين بيجوك حبه حبه

4. ماتكب كل قروشك في المشروع وتقعد .. خلي عندك احتياطي من الكاش تحسبا لو الاوضاع اتغيرت

5. ياحبذا الكاش الاحتياطي الحتخزنه ماتخليه جنيه الافضل تخزنه في شكل دولارات (دا للضمان من التضخم بس) + مابنصح بانو تخزن في الدهب لانو ماحيتغير سعره بسرعه زي الدولار

6. ابدا صغير ..
الوضع الجاي حيكون حساس ..واقل (قحه) من الحكومه حيغير الوضع كله .. ف افضل تعمل مشروع بحجم صغير وتكبره شهر بعد شهر .. بدل تقوم مشروع كبير وتحصل حاجه تلخبط موازينك

7. حاول اشتغل مع ناس في الولايات (حتى ولو تعمل شراكه)
لان كل ولايه وضعها مختلف ف حتلقا الشغل بقا يشيل بعض ..حاليا في ناس فتحو شغلهم في الولايات وامورهم ماشه حلو

#الزيت
بعد الحرب حيكون السوق (كاشف) والمنافسه قليله .. والطلب على الخدمات والمنتجات الاساسيه حيكون عالي جدا .. غالبا دي فرصتك انك تركب الموجة 🌊 في الوقت الفيه باقي المنافسين مستسلمين وبيغرقو ⬇️ ..

وبس كدا 🚶..

لو عندك سؤال في واحد من النقاط الفوق أساله في التعليقات
ووريني في التعليقات عايز اكتب ليك في ياتو موضوع البوست الجاي