Poor'íŋ Belé'ŋ Jʉtʉ́mó'ŋ Daara هيئة تطوير لغة الفور

Awláŋá ƗƗs'íŋ Aldí

Tóódíg bá awláŋá ɨɨs ka̱ɨ́ŋ, namá
siŋ kwa-sí karába judáŋiŋ nɨ́nó kulili; elleŋa-lé namaŋ wěeleŋa-lé .

Ila ayé-le namá moŋgol kuro,ila moŋgol namá kí karába judáŋiŋ nɨ́nó'ŋ sabba éla,na kwa nîŋ saa suŋŋá kʉ́sɨŋela.

Ba̱rʉ'ŋ ta̱bʉ namás kwa-sí elleŋa-lé na wěleŋa-lé nyét úríŋí,áláŋ bôrnyoŋa na koróŋá namaŋ ásalûmbáŋ nɨ́nó kámma.

Illa moŋgol'íŋ tin-lé namá sîŋ dogólá botora-lé( jauláŋ lóóŋá-le) kona kawe.

Namá sîŋ kosôg'íŋ kona in kawe; Togol kí dɨ́ɨ́ŋ Tɨ́bó na dɨ́eŋ Taŋgal bɨ́ ná karába juta'ŋ baam,âl moŋgol éla bawgíláŋ.

sê dagá Togol kí kééŋ jaaruŋa,ǎl bá Salda kímbíl jutá kěŋe namá ásalûmba kámme ná ta̱bʉŋa tʉ́llɨŋɨ.

RD: Kɨnyjêre

Poor'íŋ Belé'ŋ Jʉtʉ́mó'ŋ Daara

____,,Ǒrnaŋ'íŋ Wǎda,,___

Sime:14/koróŋ/2026
Dg 26/12
________________________________________________

ÁJÍ:Domoŋ

Domoŋ namá nii lé-ii :
Dííg:
Poor'íŋ Belé'ŋ Jʉtʉ́mó'ŋ Daara'ŋ Daaŋa ba̱rʉ'ŋ dɨó na paál
A̱w:
Poor'íŋ Belé'ŋ Sooma'ŋ Ta̱bʉŋa
ƗƗS:
Poor'íŋ Belé'ŋ Gʉʉdpáálíŋá lóot ná ka̱ɨŋ
Oŋŋal:
PBJD'ŋ togola nyét ba̱rʉ'ŋ dɨó na paál

Baiŋ-lá,
Domoŋa kela/kila ǎl kin soga'ŋ dɨó kʉnyɨra-lé in áddeŋ káwe âl sooma'ŋ kona na sooma'ŋ ta̱bʉŋa'ŋ kona kǒeli,PBJD namáis dééŋ arrá in rá̱ɨ́ŋél :

1-Sooma nyét ǎl PBJD'ŋ dǔu baiŋ ǎl dééŋ toŋkuri sʉdân - ka̱rtʉ̂m kee,áláŋ kí teŋgeŋa táárí baw niná ǎlbá kʉrɨŋ beléŋ .

2-PBJD abás domoŋ kee báísíŋ kí kééŋ daaŋa'ŋ kuriŋa'ŋ dorá na sooma'ŋ kuriŋa'ŋ dorá páágó, walagal kí kééŋ daaraŋa'ŋ na saŋgala'ŋ dorá kʉnyɨra-lé.

3- Domoŋ bi domoŋ walagal a̱rɨ bi a̱rɨ ná kí kin koraŋa á êlba táárí as báaba .

Kí dɨ́eŋ ba̱gɨ daara'ŋ saŋgala-sí ba̱lʉ ásáŋ ʉʉŋa'ŋ seeŋa baluŋ.

Kí bora-ii,

Kundîr íya saaba'ŋ kwě
PBJD'ŋ Ta̱bʉ

Tɨ́bó
PBJD'ŋ Ǒrnaŋ

هيئة تطوير لغة الفور

,,__دعوة__,,

تعلن الهيئة عن افتتاح "مركز دُوالَانق لتعليم لغة الفور"
دارفور - جبل مرة

📍 المكان: مركز دُوالَانق

📅 الزمان: يوم الجمعة الموافق 14 أغسطس 2026م

كونوا حضوراً

Poor'íŋ Belé'ŋ Jʉtʉ́mó'ŋ Daara

__Jamaŋ__

PBJD nái imeŋel ása Poor'íŋ Belé'ŋ Páŋgátʉró duala'ŋ Soom Roó Ma̱dɨ́l pa̱a̱lɨ́ŋí,
Poora'ŋ Ba̱rʉ́ - Pʉ́go Márrá, Áláŋ béla ná gʉʉd báa.

Tin: Kí Toldoma'ŋ sog 14/Koróŋ/2026
Lóó: Duala'ŋ Soóm

Baagó,

━━━━━━━━━━━━━━━

هيئة تطوير لغة الفور
تعلن عن افتتاح "مركز دُوالَانق لتعليم لغة الفور" ،دارفور - جبل مرة.

📍 المكان: مركز دُوالَانق

📅 الزمان: يوم الجمعة الموافق 14 أغسطس 2026م

كونوا حضوراً،

Poor'íŋ Belé'ŋ Jʉtʉ́mó'ŋ Daara

______Urûbba'ŋ Daa______
Sime 08/Koróŋ/2026
___,,,,Ta̱mbɨ́e 2,,,,___
Belé'ŋ Dormí/Poor'íŋ belé'ŋ pʉʉrɨŋ'íŋ pɨ́rɨ́

Poor'íŋ belé'ŋ jʉtʉ́mó'ŋ Daara Urûbba'ŋ Daa-ii,ná kila gʉʉdpáálíŋá-sí emeŋel,ǎl urûbba'ŋ ba̱rʉŋa-lé ka̱ɨŋ.Áláŋ kélal ná poor'íŋ belé'ŋ pʉʉrɨŋ'íŋ pɨ́rɨ́ káwal.

Kí sog 15/08/2026
Lóó:Urûbba'ŋ Daáŋ Dáárá
Dakki jeeŋ abá urûbba jaiŋ.

Jɨgédʉŋo:Buuru Koonî'ŋ Báa
Urûbba'ŋ Daa'ŋ Ta̱bʉ

Urûbba'ŋ Daa'ŋ Ta̱mbɨ́e

Poor'íŋ Belé'ŋ Jʉtʉ́mó'ŋ Daara
______Urûbba'ŋ Daa______
PT Abo'ŋ Soom Ba̱rʉ UK
PT Abo'ŋ Soom-ii ná Kééŋ majira-sí Jarri íní .

Kí in sog: 01/08/2026
Lóó:Abo'ŋ Soóm Deem Mansístar .

Soom'íŋ Ta̱mbɨ́e.

Poor'íŋ Belé'ŋ Jʉtʉ́mó'ŋ Daara
,,,__Urûbba'ŋ Daa__,,,

Sime 30/Kuyweél/2026

_______,,Ta̱mbɨ́e 1,,_______
Belé'ŋ Dormí/Taála'ŋ ba̱gɨjáa,ay-níŋ jáa áláŋ taáladʉŋo jaŋ ?

Urûbba'ŋ Daa-ii ná in kóel, na in-si áare-ii áláŋ kééŋ tógóloŋa PBJD'ŋ tááríŋá-sí ba̱gɨ kawe kí murul'íŋ dorá :

Dííg-lé:
Áláŋ taáladʉŋo seekʉŋo jaŋ na áláŋ kwa ba̱gɨ jaw áláŋ dʉó'ŋ belé-sí nʉ́ŋɨ́ ás jeépelba.

A̱w-lé:
Abá gîs dʉó domoŋ áddeŋ piá,wala ɨŋo gî áláŋ jawíti.

ƗƗS-lé:
Abá kuriŋ-lé taála díg jéél,áláŋ dééŋ arrá in jaráŋ,jɨ́ âl-si kwa-sí jɨ́tɨ́mél ila táárí-le.Annaŋ-si kí dʉó díg kórŋá baŋ,abá gi kí kuriŋ'íŋ dorá bʉ́lóŋ bás dééŋ táárí ila jáa ǎl yé kóel nʉ́ŋɨ́ as jaápba.

Jɨgédʉŋo:Buuru Koonî'ŋ Báa
Urûbba'ŋ Daa'ŋ Ta̱bʉ

Urûbba'ŋ Daa'ŋ Ta̱mbɨ́e.

Poo'íŋ Beléŋ Jʉtʉ́móŋ Daara

PT Abo'ŋ Soom UK

Tʉgʉ Deem Mansístar
________Ájí Jarri Ayé 2026-2027_______
PT Abo'ŋ Soom Ba̱rʉ /UK majira-sí nyét emeŋel.

Míŋ kila ǎl gʉʉd soomíŋ lóóle kawe namaŋ kila ǎl gʉʉd Kʉnyɨrlé kawe áláŋ Soomíŋ lóo kaagol ná Jarri káwal .

kí in sime :01/ 08/2026.
Deem Mansístar in dɨo 14:00- 15:00.

Soom'íŋ Ta̱mbɨ́e