Timo Ahmed

أسرني رد دكتور أسامة زيدان فـ مُحاضرة النهاردة علىٰ
واحدة سألته "إزاي أربي بنتي تربية صالحة وتكون
طائعة؟"
فـ كان رد الدكتور حقيقي كافي ووافي بشكل عظيم لما
أجابها بـ فعل الصحابي الجليل الذي كان يُقيم الليل
ويقول :
"من أجلك يا بُنَي ."
=رُوي أن الصحابي الجليل عبدالله بن مسعود - رضي
الله عنه - عندما كان يصلي من الليل، وابنه الصغير نائم،
فينظر إليه قائلاً: من أجلك يا بني !
ويتلو وهو يبكي قوله - تعالى -:
"وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا
وَيَسْتَخْرِجَا كَنزَهُمَا"

وانا في الشغل النهاردة ورايح اتوضى عشان أصلي الظهر لقيت
واحد بيتوضى جنبي وبيمسح على الشراب من فوق ومن تحت
ف وقع في دماغي التردد بين اني أنصحه انه يكتفي بالمسح من
فوق "عشان دي السُّنة" أو متكلمش لأنه فعله جائز على أي
حال،
والحمد لله يشاء الله أنه يخليني أنصحه ف لقيته بيقولي عشان
دا أول وضوء ليا!، من هنا قعدت أفهمه أن أول وضوء لا يجوز
فيه المسح على الشراب (إلى آخر أحكام الوضوء بالشراب)
والوضوء ساعتها هيكون باطل فبالتالي الصلاة باطلة،
قعدت أفكر بعدها ازاي الأمر بدأ بالنصيحة باتباع السّنة وانتهى
باتباع الفرض وإنقاذ شخص من بطلان صلاته لمدة لا يعملها إلا
الله (إلا إن قُبل منه العذر بالجهل ودا فيه تفصيل طويل)
ودا يعلمك انك مترددش انك تأمر بالسنة مش بس الأمر
بالواجب والنهي عن المحرم، قال رسول الله ﷺ: عليكم بسنتي
وسنة الخلفاء المهديين الراشدين، تمسكوا بها وعضوا عليها
بالنواجذ.

‏من الأغنياء من يوفق في وضع صدقته في محلها فتكون سبب سعادته في الآخرة ؛كان يحيى بن برمك يجري على سفيان بن عيينة كل شهر ألف درهم وكان سفيان يقول اللهم إنه قد كفاني المؤنة وفرغني للعبادة فاكفه هم آخرته فلما مات يحيى رآه بعض أصحابه في المنام فقال ما فعل الله بك
قال غفر لي بدعاء سفيان..

كنت شافع شليق وأبوي عشان كان ترزي بيضطر يرفع مني المقص والحاجات الممكن تعوقني في مكان عالي .. كلما زاد طولي أبوي يرفع مني الحاجات المؤذية في مكان اعلى لحدي ماجاء اليوم الارتكبت فيها خطيئة إني كبرت في العمر وفقته طولا .. تلك كانت خطيئة غير مقصودة إنك تبقى أطول من أبوك
بقت مافي حاجة يدسها مني نهائي مهما كانت مؤذية وبشعة وممكن تعوقني

كبرت في العمر زيادة وعرفت إنو اكثر الاشياء أذى وألم وفجيعة كانت مدسوسة جمبي بدون ما اشوفها .. كان لسة بيرفع مني الحاجات المؤذية عشان ما أقدر احصلها واجرح نفسي .. عرفت إنو الآباء بحتفظو بالجمبة المسخنة والحتات الحادة عشان مانتوجع نحنا .. عرفت إنو الصدور برضها فيها رفوف عالية عشان الشفع مايعبثوا وتقع فيهم أو تتسبب ليهم في جرح

عرفت انو مهما طولك زاد مابتحصل ابوك ومهما حاولت تبحث في الرفوف العالية مابتحصل محل الوجعة الداسنها منك
_______ سهل الطيب 💚💚

الحبيب عليه الصلاه والسلام نصحك وقال ليك قروشك دي كان عربيه كان بيت كان لبس كان اكل ماليك فيها الا البتمرقو لله عز وجل الباقي ده كلو مارق ساي ملوص عاين الحديث ده سمح كيفن قال صلى الله عليه وسلم .((يَقُولُ ابنُ آدَم: مَالي! مَالي! وَهَل لَكَ يَا ابْنَ آدمَ مِنْ مالِكَ إِلَّا مَا أَكَلْتَ فَأَفْنَيْتَ، أَو لَبِسْتَ فَأَبْلَيْتَ، أَوْ تَصَدَّقْتَ فَأَبقيت)) عاين (أبقيت) دي كيف؟ دي المراقه يا مولانا ...كلام الحبيب عليه السلام يخليك تراجع امورك مع ربك .... وتسأل نفسك حسي كان فارقت الدنيا زادك شنو لبعدين ... دحين عروض الخير دي سمحه ما تفوتها أرمي عودك وفوت وقول( لعلها تكون المنجيه) ... انت ما عارف العود ده خيرو البجي منو شنو ؟؟ الناس الحتشرب بالقطره الحساب خلي بالك بالقطره ...والحتتوضأ بصلاتو وتسبيحاتو بكج كااامله... والناس الحتاكل والعصاير. وموية الغسيل كلو جوه.....وطيور الحله وبقر عم إبراهيم ومراح ود حسونه العشرين راس ديل تب اكبادهم ساي ما بتبرد عليك حر اليوم داك؟؟ ... دحين فك الرُبطه دي وخش بنكك وقول رابحتك يا الكريم بكدي.... وانا منتظرك في ناصية الحساب جنب الدكان 1463078/وائل بشرى محمد صالح ... وعليك الله وانت مارق ارفع البوست في حالتك لانو والله انحنا حالتنا حاله ودايرين نلقط قدر ما نقدر شيخنا يرضي الله علينا ....وكُلها ( كليك) بالانجليزي 😎.
ودعناكم الكريم وراجيكم جنب الدكان

صليت في مسجد يصلي فيه ( الأغنياء ) في التجمع الخامس، فدخلت المواضئ وتوضأت للصلاة، فقال من كان يتوضأ بجواري بلغة جادة ( شكلك متحمس ما شاء الله ) يقصد إني ( طرطشت) عليه من الماء أثناء الوضوء، فتلطفت معه واعتذرت له، ثم بعد ذلك صليت في مسجد يصلي فيه المرضى والمساكين في القاهرة ، فدخلت المواضئ فلقيت الصنبور الفارغ بجانب رجل يتوضأ، فقلت في نفسي: أنتظره حتى ينصرف من وضوءه حتى لا أؤذيه برشاش الماء، وسبحان من نبهه إلى وقوفي فقال لي بصوت مسموع أمام الناس : ليه متجيش تتوضأ هنا ؟ فقلت له : عشان مطرطش عليك قلت أنتظرك تخلص وأتوضأ براحتي ، فقال : مطرطش علينا براحتك هو أنت (هتتف) علينا !!!! فقال رجل آخر: إيه يا عم ده مية الوضوء بركة هو أنت بتتف علينا !!!
قال رسول الله صلى الله عليه وسلم ( وأسألك ... حب المساكين ) و قال صلى الله عليه وسلم ( اللهم ... واحشرني في زمرة المساكين )
منقول:

مكالمة من تلفون مجهول .. رقم غريب خارج السودان .. كنت قاعد سرحان في الدنيا وفتحت الخط جاني صوت زول قال لي كلام عجيب

(أسمع انت إسمك الفاتح وكان عندك طبلية في شارع الدكاترة .. معليش إنت ما أظن متذكرني (فترة صمت) أنا كان عندي نسيبي والد زوجتي بجيبو لي عيادة هناك وببركن عربيتي جمب طبليتك .. نسيبي دا عيالو كلهم خارج السودان وبجي يقعد مع بنتو اللي هي زوجتي ومرة اتعوق وهو عندو سكري فكنت بجيبو العيادة الجمبك دي .. غالبا بنكون أنا وهو بس لأنو زوجتي الأيام ديك في مرحلة وضوع وبتذكر أول مرة جيت انزل نسيبي من العربية وإنت كنت بتبايع في زبون وأشرت لي بي اصبعك انتظر .. انتظرتك وجيت براحة دخلت يدك تحت اباطو واديتو سندة براحة لحدي ما نزل من العربية ووقف علي حيلو وبعداك اتعاونت معاي لحدي مادخلناهو العيادة .. من ديك بقيت تفضي لينا حتة جمبك نبركن العربية وتساعدني انزل نسيبي .. الحركة دي بتعملا معانا التقول متفقين عليها .. تمر الأيام واتعودنا علي سندتك ووقفتك معانا .. للاسف نسيبي دا اتوفي قبل اسبوع هنا في الأمارات وماعارف ليه اتذكرتك وقعدت أفتش عن وسيلة تواصل معاك .. يمكن عشان نسيت أحكي ليك عن الكلام البقولو نسيبي عنك ونحنا جايين العيادة وراجعين منها .. إنت عارف نسيبي دا زول دهري عارف شنو يعني دهري .. أنا ماعارف معناها بالضبط لكنوا سافر كتير جدا ويمكن خريطة العالم دي طافها كلها .. إشتغل في حتات كتيرة واستلم وظائف مرموقة وعندو شبكة علاقات عالمية وساهم في دراسة ناس ومشاريع تنموية في منطقتنا .. لفة السودان كلو واتكلم كمية من اللغات وقرا مكتبات كاملة .. لكنو ما اتكلم لي عن زول زي ما تكلم عنك .. الناس الكتار الاشتغل معاهم والساعدهم والعاش معاهم والاتكلم بلغتهم .. كل الناس ديل كوم وفي ختام حياتو اختارك إنت عشان يتكلم عنك (الولد بتاع الطبلية) إختصار للسندة الحنينة الاديتها ليهو والباركن الوفرتو لعربيتو والسؤال العابر عن حالتو

ممكن تقول إتصل بيك زول نضام ومجنون بس دي القصة الداير اقولها ليك باختصار

عليك الله ادعي ليهو .. حتى لو لسة ما إتذكرت اشكالنا ادعي لينا وقول في دعاك ( الراجل الكان بجي العيادة وبسندوا عشان معوق في كراعو)
أنا متأكد إنو دعاك إنت بالتحديد حا يصل لنسيبي الطيب دا
________ سهل الطيب 💚💚

كلما أشوف الدنيا شينة وطعمها حادق بتذكر محمد زكريا واستاذ بدرالدين

محمد زكريا طالب معانا.. كنا بنتجارا عشان نخش في العشرة الاوائل ومحمد زكريا كل أملو في الدنيا ما يجي طيش الفصل .. لما امنيتو تتحقق ويجلي من (الطيش دقو بالبراطيش) كانت بتترسم في وشو ابتسامة صغيرة وصادقة وجميلة زي كل تفاصيل حياتو الهينة الرزينة وأدبو الشديد وطبعو الهادي المسالم

أستاذ بدرالدين كان معلم صاح واستاذ صاحي مابكتفي بالمقرر وبياخد لفة كاملة حوالينك يستكشف فيك شي جميل ويحاول يمرقك بيهو .. يمرقك من طبايعك ويوريك إنك ممكن تبقى أجمل .. مرة سأل محمد زكريا عن الهواية البمارسها خارج المقرر ومالقى منو اجابة شافية قاليهو غير القراية بتشتغل شنو .. محمد زكريا قاليهو بعمل كوانين مع هارون ودعمتي وبنجد عناقريب مع صالح خالي وبقلي تسالي مع صفية اختي .. قال كلامو دا كتعجيز للاستاذ لكن أستاذ بدرالدين قاليهو الحصة الجاية حانشتغل برة الفصل وتعال أعمل لينا كانون

كانت حصة غريبة ومحمد زكريا جاب معاهو هارون ودعمتو الكان مامصدق الموضوع وختو الحاجات قدامنا وبدو يشتغلو واستاذ بدرالدين بقى تلميذ زينا يتفرج وهو في قمة الفرح والدهشة وكل شوية يسأل من خطوة ويظل يسأل لحدي مايعرف دقو الصفيحة كيف وقطعوها وفردوها وحولوها لصندوق متين وركبو البال ولحمو الحديد مع بعض

اتوالت الحصص دي من محمد زكريا وورانا بنسجو العناقريب كيف بالحبال والبلاستيك .. مرة جاب الكانون والحطب والاستاذ اشترى لينا حب التسالي وقليناهو واكلناهو سخن من نارو وضحكنا وجانا ناظر المدرسة وشاركونا باقي المعلمين

لسة بتذكر محمد زكريا واستاذ بدرالدين والحصص الكانت بتتألف وتملا الفراغات مابين المنهج حق الامتحان والمنهج العشناهو هسي لما جات الحرب .. محمد زكريا المسكين الكان خايف من الطيش لكن الاستاذ مرق منو أستاذ اتعلمنا منو كتير .. نسينا مواد قريناها وحفظناها عن ظهر قلب وجينا نسيناها عن قلب ظهر لكن المواد الدرسنا ليها محمد زكريا بمساعدة أستاذ بدرالدين لسة قاعدة جوانا وكل مرة ماشة تكبر
______ سهل الطيب 💚💚

من أثر إنتكاسي لي يومين بقاسي !!
مرات بحس إنو نحن السودانيين ديل لو ما جانا (صداع) نحن بنمشي ليهو .
والله صحي.
إسبوع لو ما جانا صداع ، نحن بنمشي للصداع.
أي سوداني مسكون بالصداع.
لدرجة إنو (نحن والبندول بقينا أكتر من قرايب).
الفنان الراحل محمد ميرغني في أغنية (أنا والأشواق) قال :
أنا والأشواق في بعدك
بقينا أكتر من قرايب
ما بنغيب عن بعض ابداً
زي أعز أتنين حبايب.
هسه (نحن والبندول ما بنغيب عن بعض ابداً زي أعز أتنين حبايب).
المهم ..
في دراسة حديثة أكدت إنو (الصداع) عادة يصيب الأشخاص (الرومانسيين).
الدراسة ذكرت إن بعض الأشخاص الرومانسيين قد يصابون بالصداع وفي حقيقة الأمر هم لا يعانون من أمراض أخرى.
معقولة يكون (صداعنا) دا ياهو صداع الدراسة دي ؟
معقولة نكون نحن رومانسيين للدرجة دي ؟
أنا بتفق مع الدراسة دي رغم إنو الطب بقول : (الصداع ما مرض وإنما هو عرض لمرض).
لكن أنا بتفق مع الدراسة دي تماماً.
نحن (الصداع) وثقنا ليهو في الغناء حقنا.
الشاعر الراحل محمد بشير عتيق في أغنية (في غفلة رقيبي) قال :
قلت ليهو في جمالك
سحروك ولا مالك
صار يا حبيبي لونك
فاتر زي عيونك
قال لي عندي حمى
وبي صداع ألمى
من أثر إنتكاسي
إتعذر نعاسي
ولي يومين بقاسي
شوف عليك الله .. نحن رومانسيين من زمن محمد بشير عتيق.
وراثنها وراثة الرومانسية دي.
نحن السودانيين ديل شدة ما طيبين (الرومانسية) حقتنا بتظهر في الرأس.
رومانسيتنا بتجينا في شكل (صداع).
ما بنقدر نعبر عن مشاعرنا وأحاسيسنا.
بنكتمها وهي بتكتمها فينا صداع.
مش من زمان بتسمع يقول ليك فلان دا (الملاريا طلعت ليهو في رأسو) ؟
هسه لو أخوك جاهو صداع أعرف إنو الرومانسية طلعت ليهو في رأسو.
مالك حاسي بشنو ؟
والله عندي شوية رومانسية بس.
صداع نصفي معناها (نصف رومانسي).
نحن شعب رومانسي لكن خجول.
نحن (رومانسيين) بطريقة مختلفة.
عندنا رومانسية حقتنا برانا.
رومانسية خجولة ، ومرات بخذلنا التعبير.
ومرات عندنا (شتارة) في الرومانسية.
بتذكر أول علاقة عاطفية بالنسبة لي كنت صغير وجاهل.
وعامل فيها (قيس).
العلاقة دي صادفت عيد الضحية.
شايف الجماعة الأكبر مننا كل زول جاب هدية لحبيبتو.
بيني وبين نفسي قلت : (المواهيم ديل جابوا هدايا أنا ذاتي بجيب هدية).
قابلت زولتي دي قلت ليها : اها أبوكم جاب ليكم خروف الضحية ؟
قالت لي : أي جابو.
والله يا جماعة و(إن

حاجة نفيسة من نص فريقنا تلب ليها حرامي ساق معزتها الوحيدة واتخارج والصباح ضو الشمس انكشح علي الدنيا ونفيسة المسكينة الارملة أم خمسة بنات تاني إلا شاي أحمر
جدي سمع الفجيعة وزعل زعلة شديدة وجاط فينا كونو زولة وحيدة يتلب ليها حرامي والبيت ملان صبيان يطقشو الليل كشاتين في النادي وينومو للضحوية

جدي عندو تلاتة عنزات سمحات عاجبات الحلة جت عليها ساق واحدة وهو غرقان ووحلان في الخجلة كونو الحرامي يسرق عنزة من نصنا

الخبر انطلق من ما جدي رمى حليفتو إنو بنات نفيسة مابيتن ليلة واحدة من غير معزة يشربن بيها الشاي .. جدي سبقتو معزة عمتي اتربطت في راكوبة نفيسة وجن اربعة معزات تانيات تابعات أتر معزة جدي

اتاري الحرامي فتح لينا درب ماكنا خاتين بالنا ليهو .. هبش الحتة الكنا مدارنها بالتجاهل وعدم ادراكنا لمعاناة زولة قريبة لينا
عمتي قالت جدك لو سبقني بي معزتو تاني وشي اودي وين من نفيسة صاحبتي .. قالت لي مرات يد الحرامي بتدخل جيب واحد لكن بتصحي جيوب كتيرة
______ سهل الطيب 💚💚