04/03/2020
بسم الله الرحمن الرحيم
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
بقلوب مؤمنة راضية بقضاء الله وقدره
تنعي أسرة المكتبة العلمية الأخ الباشمهندس خالد بخيت محمد الحسن الذي وافته المنية قبل أيام إثر حادث مروري سائلين الله له الرحمة و المغفرة و لذويه الصبر و السلوان
_ تخرج الفقيد - رحمه الله - من جامعة السودان للعلوم و التكنولوجيا قسم الهندسة المكيانيكية بدرجة الشرف المرتبة الأولى
_كان أحد الطلاب الفاعلين في أنشطة المكتبة العلمية
_ عمل مساعد تدريس بجامعة السودان
_كان خالد رحمه الله حافظًا لكتاب الله
_ سافر الى المملكة العربية السعودية و عمل بها مهندساً مكيانيكياً في تخصص هندسة التبريد و التكييف
عاد الى البلاد قبل اسابيع قليلة للزواج
فاضت روحه قبل أيام في طريق الدويم و لم يبلغ الثلاثين من عمره بعد ...
رحم الله خالد و أناله الفردوس الأعلى
نسألكم الدعاء له
02/03/2020
معرض سبُل الفلاح، في يومه الأول 🔥
الحرفُ لن يُحصي سعادتنا، بالوجوه التي لقيناها بعد شوق..
زوّارُنا و زملائنا طلاب المجمع الجنوبي، و صحبهم الكرام 🌸
حسبنا القول أن أعدادكم أتعبت العارضين و قرّت أعينهم :)
و حضوركم و تفاعلكم اللطيف أمتعَهم ♥
متابعي المكتبة العلمية، يسرُّنا أن نراكم غدًا في يومنا الثاني و الأخير "3 مارس"..🌸
#سموّ_الغاية_و_الهدف 🖤
29/02/2020
و من بعد طول غياب..
رجعَت المكتبة العلمية لإشراقها و رونقها!✨
زي ما وعدناكم و قلنا ليكم ترقبونا.. نحن جيناكم و حنقدم ليكم معرض المكتبة العلمية الحيكون بعنوان "سُبُل الفلاح"
عارفين يعني شنو فلاح صح؟!
طيب سمعتوا كم مرّة قبل كدا جملة :"و الله يا ريت لو سنين الجامعة ترجع🥺، لأني ما كنت فاهم حاجة" ؟
الفكرة في.. ما فاهم، يعني م كان حاسبها صح😇✌🏼!
أغلبنا في الجامعة بيركّز على جوانب معينة
وبيهمل جوانب تانية أهم!
نحنا أخوانكم في المكتبة نحاول جاهدين عشان نوضّح ليكم السبُل دي في أركان المعرض إن شاء الله 😊
السبُل اللي حتخليك تعرف انت عايز شنو؟ وكيف تعمل الحاجة العايزها🔥
و توريك كيف على قدر ما تقدر تمشي صح! 🌼
عشان كدا لازم تشرفونا إنتو و أصحابكم، تعالوا عشان تحسبوها صح، و تفلحوا في حياتكم! 😃
زمن المعرض🕰: يومي الأثنين و الثلاثاء
8ص___3م
المكان📍: جامعة السودان المجمع الجنوبي، شمال ورشة سيارات..
منشن لينا ناسك الح يحضرو معاك..
و إن شاء اللَّه ننتفع بكم، و تنتفعوا بينا ♥
#سموّ_الغاية_و_الهدف
28/02/2020
هل في مرة فكرت إنو تصورك عن الجامعة ما هو التصور الصحيح 🤔
هل الجامعة بس أكاديميات؟ ولّا الجامعة اجتماعيات؟ 💜
هل إنت عارف إنو في ناس معانا في الجامعة وعايشة أجمل سنين حياتها في الجامعة😌🍃✨؟
اي جادين احنا..في الجامعة حقتنا الوااحدة دي 😂
دقيقة آخر سؤال..🚶🏽♂
في رايك، أهم شي شنو في حياتك جوا الجامعة و برّاها؟
يلا الأسئلة العميقة الشفيفة دي ح تكون موضوع فعاليتنا في الأسبوع الجاي 🔥🔥
فترقبوا
#سموّ_الغاية_و_الهدف
27/02/2020
السلام عليكم ورحمة الله وبركاته،،
أحباب ومتابعيّ وزوّار المكتبة العلمية الجميلين🌸🍃
نعتذر عن الانقطاع الفترة الطوييلة الفاتت دي فلكم العُتبى حتى ترضوا،
وعشان اشتقنا لمروركم علينا وزيارتكم لفعالياتنا.. بنقول ليكم :انتظرونا الفترة الجاية🔥🔥
إن شاء الله ح نعود ليكم ببرامج جديدة وفعاليات قيّمة ومن الأخر كدا حتكون عودة قوية بإذن الله✨
كونوا بالقرب..ح نعلن ليكم قريبًا جدًا عن برنامجنا القادم 🔥
#سموّ_الغاية_و_الهدف
06/02/2020
السلام عليكم ورحمة الله وبركاته
📜وها قد عدنا بثوب جديد
🌐فدونكم رابط قناتنا على التلغرام ⬇️
المكتبة العلمية
نحو مجتمع جامعي ملتزم بالكتاب والسنة
27/02/2020
06/02/2020