Combonian Translation Center & English Language Courses

البنك المركزي يدشن تطبيق العملة السودانية على الموبايل

الخرطوم 28-12-2022 (سونا)- دشنت الإدارة العامة للإصدار برئاسة بنك السودان المركزي اليوم الأربعاء 28 ديسمبر 2022، تطبيق العملة السودانية على الموبايل، ويأتي ذلك في إطار سعيها المتواصل لرفع الوعي المصرفي والتعريف بالعملات السودانية وعلاماتها التأمينية لكافة جمهور المتعاملين.

وأكد السيد عبدالرحمن محمد عبدالرحمن مدير عام الإدارة العامة للإصدار أن تطبيق العملة السودانية على الموبايل يعتبر أول تطبيق من نوعه يقوم بنك السودان المركزي بتدشينه على أسواق التطبيقات المعروفة ( Google Play-Apple Store).

بينما قدم السيد عبدالمنعم عبدالجليل سعد نائب مدير إدارة الإصدار شرحاً وافياً عن التطبيق ومميزاته وكيفية تنزيله على الهواتف واستخدامه في معرفة العلامات التأمينية التي يمكن أن ترى بالنظر واللمس والتحريك، بالإضافة إلى قراءتها من خلال قارئ العملات بالتطبيق.

تجدر الاشارة أن برنامج التدشين صاحبه عرض وثائقى للتطبيق ومتحف للعمله السودانية.

#سونا #السودان

لجنة المعلمين تبدأ خطةَ الإغلاق الشامل لمدارس الخرطوم

الآن حلقة جديدة مع ميسون عبدالنبي
#سودانية24 |

‏🔺بكرة نحن -طلاب جميع كليات جامعة الخرطوم- ومعانا زملاءنا طلاب جامعة السودان في موكب مركزي ضخم حيتوجه ناحية وزارة التعليم العالي.
إنتهى.

-الروابط الطلابية بجامعة الخرطوم.
-الروابط الطلابية بجامعة السودان للعلوم والتكنولوجيا.
‎
‎

أصدرت جامعة السودان للعلوم والتكنولوجيا، قرارا قضى بتعليق الدراسة بالمجمع الجنوبي اعتباراً من اليوم إلى أجل غير مسمى، وكانت الجامعة قد شهدت احتجاجات طلابية رفضاً للرسوم الدراسية.

عشان الاسئلة الكتيرة بتاعت المحاسنات...كيف زوجة ميسي بعد خمس ولادات...ماعندها كرِش...الكرِش اللي بيجي بعد الولادة داك...ويستمر الى الابد...

موضوعنا اللي جاي...وحنطرح ليكم حلول حقيقية عسى ولعل تفهمو انو الولادة لا بتبشتن ولا شي..الموضوع كلو اهتمام...

ها بندور نسال...

هل عانيتي من كرشة مابعد الولادة؟!

طيب هاك الحل:

انا كرشي زادت بعد الولادة....وما عارفه الحصل شنو🙆🙆

ده تساؤل بيكون على لسان المحاسنات عقب الولادة مباشرة وبيشكن من انو كريشتن بقت كبيرة...وتاني عيونك ما تشوف الا النور..تمتد مع كل ولادة....

هل السبب في الحاجه دي دهون البطن؟!

ولا الهرمونات؟! ولا الجلد المترهل..بعد الولادة؟!

الاجابة كلو كده مع بعض💁

قولي لي كيفن؟!

اولا البيبي اللي في بطنك ي محاسن وزنو حوالي 7 ارطال.. والحاجه دي عشان عضلات البطن تستحملها لازم تتمدد بي شكل ابعد عشان تدي مساحة انها تستحمل الجنين ده داخل البطن...

وفي نفس التوقيت... الامعاء الدقيقة بتاعتك ي محاسن والقولون والمعدة..بتتراجع لي اعلى عشان برضو توفر مساحة للطفل ده....

الحاجه التانية بعد تمدد العضلات بتاعت البطن دي..انو جسمك بينتج كمية هرمونات عشان تخلي الانسجة بتاعت العضلات دي اكثر مرونة..يعني تستحمل الضغط عليها... الحاجه دي ممكن تعرفيها لما (تشمي رائحة مولودك الجديد)..

اول ما يلدوهو حتشمي فيهو رائحة الانسجة دي...

بما انو وريناك اسباب انك جاتك كرش مابعد الولادة... عايزين نديك حلول لو اشتغلتي بيها...حتقلل ليكي الكرش دي..او تشيلها ليكي نهائيا قولي لي كيفن ي الشريف 🤷؟

⭕في توصية من الكلية الامريكية لاطباء النساء والتوليد بتقول زيادة الوزن اثناء الحمل..هو حاجه طبيعية... وانو المراة بتكسب في الفترة دي ما بين 11 او اربعين رطل...بيقابلها خمس كيلو لي 18 كيلو... او اكتر من كده لما تحمل بي تؤام...

زيادة مخيفة صح؟!

بس في خبر ظابط..انو بعد الولادة مباشرة جزء كبير من الوزن ده..بيقل بي شكل كبير...💁

⭕في الاسبوع الاول من الولادة ي محاسن بتلقي روحك بتمشي الحمام كتير والحاجة دي بتزيد بالليل...وبتلقي روحك بتتعرقي كتير..فكرة العرق دي جاية من انخفاض مستويات هرمونات الحمل بعد الولادة مباشرة....

دايرين نبشرك برضو انو بعد شهر من الولادة بتلقي روحك فقدتي حوالي 9 كجم...من غير ما تجتهدي ذاتو... وبعد شوية اسابيع الرحم بيرجع لي طبيعتو والبطن بتظهر بي شكل شبه افضل...

⭕دايرين نذكرك ونشجعك على الرضاعة الطبيعية ب انها بتساعد في تقليل الوزن بي شكل كبير جدا جدا... الحاجه دي جاية ك توصية من الاكاديمية الامريكية للتغذية..

قالو انو المرضعات بيفقدن حوالي 400 لي 500 سعرة حرارية يوميا... ودي بتساعد بي شكل كبير في انقاص الوزن...

ده غير انو في دراسة تانية اثبتت انو المحاسنات اللي بيرضعن طبيعي لمدة 3 اشهر..وزنهن بينقص بي شكل كبير اكتر من اللي ما بيعملن كده....

⭕في توصية من كتير من الاطباء والمعالجين الفيزيائيين..بيقولو ليك ي محاسن..حقو تنتظري 6 اسابيع قبل ما تبدي تمرين رسمي اذا ولدتي ولادة طبيعية....

او 8 اسابيع بعد الولادة القيصرية.... حتقولي لي تمرين لشنو؟!

اقول ليكي تمرين عشان تفقدي بيهو الكريشة والوزن الزائد بعد الولادة ده😏

يلا نجي للمهم...

الكرشة ما بعد الولادة...كتير من المحاسنات بيشوفنها حاجة مزعجة شديد..وبيعاينن ليها ليل نهار ع امل يتخلصن منها....

شوفي ي محاسن لو دايرة تتخلصي من البطن دي...والكرش ترجع مسطحة زي ما كانت في تمارين لازم تقومي بيها...التمارين دي بتستهدف عضلات البطن بي شكل كبير...

حتقولي لي ياتو عضلات بطن..ح اقول ليكي ارجعي لي اول كلام قلتو ليكي فوق..انو العضلات دي بتتمدد في فترة الحمل عشان توفر للطفل بيئة مناسبة....

التمارين دي... بتقوي عضلات البطن اللي بقت مترهلة.....

تعملي شنو؟!

اربطي قطعة (او ملاية) حوالين بطنك وابدي اللي جاي:

⭕نومي على ضهرك ي محاسن..خلي كورعينك بي شكل مسطح على الارض..واتني سيقانك...

⭕اسحبي بطنك تجاه العمود الفقري وارفعي حوضك عن الارض...

⭕شد الارداف...واستمري في العملية دي لمدة خمس ثواني..

في تمرين تاني. اسمو لوح الساعد.. خلاف ده برضو بيساعد بي شكل كبير في التخلص من الكرش....

⭕تستلقي على الارض مع ساعديك...وتبدي تقومي لي فوق على اصابع القدم

او في تمرين غير ده اسمو (ركلات مقص):

فكرة التمرين انك ترقدي على الارض ي محاسن..على ضهرك..وترفعي كرعينك الاتنين عن الارض... وترجععيهن تاني..وتكرري العملية دي 15 او 20 مرة ...

اذا واصلتي التمارين دي يوميا..حتلاحظي بي شكل كبير انو عضلات البطن بدت ترجع لي طبيعتها..وانو الدهون بتاعت البطن بدت تقل..وانو بديتي تتحصلي على بطن مسطح ....

بس برضو الحاجه دي لازم يقابلها طعام صحي ي محاسن...

ما هو ما ممكن تكوني راقدة في السرير..وتلهطي في المديدة البجيبوها نسوان الحلة ومليانة سكريات... اكيد بيجيك كرش وكبير كمان،🙃

ف نصيحتنا ليكي:

لازم وجبات خفيفة...ومليانة الياف..زي الخضروات والفواكه...

اشربي زبادي من غير سكر مضاف....

ف دي كل الفكرة:

تمارين بسيطة...واكل مناسب... وتبعدي من السكريات...وتتحركي وتعملي نشاطات... شوية شوية الدهون حتروح...والعضلات بترجع لي طبيعتها..والكرش حتروح....

الكلام ده لي محاسن الوالدة...ولي محاسن اللي ماوالدة ذاتها...

وقعت؟!

Alshreef Alfadol Adam



Ref:
https://www.eatright.org/health/pregnancy/breast-feeding/losing-weight-while-breastfeeding

https://www.physiotherapyjournal.com/article/S0031-9406(13)00083-7/pdf

https://go.skimresources.com/?id=41977X1601025&isjs=1&jv=15.3.0-stackpath&sref=https%3A%2F%2Fwww.healthline.com%2Fhealth%2Fwomens-health%2Fpostpartum-belly%23takeaway&url=https%3A%2F%2Flink.springer.com%2Farticle%2F10.1007%252Fs10029-011-0839-4&xs=1&xtz=-120&xuuid=715ee635ab07cd76ad7a618101930814&xjsf=other_click__contextmenu%20%5B-1%5D

https://www.ncbi.nlm.nih.gov/pmc/articles/PMC4312189/

https://mutusystem.com/

https://go.skimresources.com/?id=41977X1601025&isjs=1&jv=15.3.0-stackpath&sref=https%3A%2F%2Fwww.healthline.com%2Fhealth%2Fwomens-health%2Fpostpartum-belly%23takeaway&url=https%3A%2F%2Fwww.acefitness.org%2Feducation-and-resources%2Flifestyle%2Fblog%2F6638%2Fpostpartum-health&xs=1&xtz=-120&xuuid=715ee635ab07cd76ad7a618101930814&xjsf=other_click__contextmenu%20%5B-1%5D

https://www.physiotherapyjournal.com/article/S0031-9406(15)03778-5/fulltext

https://www.ncbi.nlm.nih.gov/pmc/articles/PMC6454249/

https://www.acog.org/Clinical-Guidance-and-Publications/Committee-Opinions/Committee-on-Obstetric-Practice/Weight-Gain-During-Pregnancy

https://kidshealth.org/en/parents/grownewborn.html

كشفت صحيفة الحراك السياسي الصادرة، اليوم، نقلا عن مصدر هندسي رفيع، أنّ العطل الكهربائي الغريب الذي حدث في أجهزة الحماية لأحد التوربينات بسدّ مروي، وتسبّب السبت الماضي في إطفاء شبه كامل لساعات بمعظم مدن السودان، تسبّب فيه وزغ ”ضبّ” عثر عليه داخل أجهزة الحماية مما أدّى إلى تشويش عملها واختلال إشاراتها جعلت المؤشّرات تشير إلى وجود ارتّفاع في التيّار الكهربائي.