18/06/2026
خلف السلوك رسالة (2 )
طمئنه لأم المراهق المتمرد…
عارفه انكِ تعبانه معاه شديد.
تعبانه من النقاشات الكتيرة… من العصبية البتجي فجأة… من شعور انو بتك او ولدك البتشوفيهو بكبر في عينك يوم بعد يوم بكبر وبتكبر المسافه بيناتكم
عايزه منك تعرفي حاجه وحده مهمه :
ما كل تمر دليل فشل في التربية.
مرات المراهقه / المراهق :
_ مرتبك
فلازم تطمنيه انو انت ماشى تكبر وتتعلم من تجاربك
او خايف
ولازم تخلي الغلط تجربة يطلع منها بخبره بدل تبقى مسافه اضافية وحاجز جديد بتبني بيناتكم
او بحاول يثبت نفسه
هنا هو عايز منكم تشاوروه حسب عمره والامور البقدر يتخذ فيها قرار وتوكلو بمهام تحسسه بالقوامه
او عايز زول يسمعه
وهنا هو عايز يوميا ١٥ دقيقه استماع من غير نصائح او أوامر
او ما قادر يعبر بطريقه ناضجه
فما تنزعجو من تعبيره الخاطئ مدام وصلكم المقصود واعملو اعادة صياغه لكلامه ووجهوهو ليهو راجع ( يعني انت قصدك كذا وكذا وكذا )
مرات كتيره أكثر زول بحتاجك، هو نفس الزول البرجع منك خطوة ورا
عشان كده ما تخلي كل موقف يكون معركة.
في مواقف بتحتاج: هدوء… احتواء… وذكاء أكتر من العقاب.
وجودك الهادئ والامن في حياته حاليا ده هو الشيء اللي حينقذه من الضياع .
انا ماعايزاك ام مثالية…
انا عايزاك ام واعية بتحاول تفهم مراهقها
اعملي متابعه وخلي تعليق جميل عشان البوست يصل لغيرك
