الجمام - محافظة التضامن

ريحة المطر ..
و الدروب الهادية...

💙

📢 نداء عاجل لوزارة الصحة – إقليم النيل الأزرق
من صفحة الجمام – محافظة التضامن
نناشد وزارة الصحة وكل الجهات الفاعلة والخيرين بضرورة توفير طبيب/ة نساء وتوليد لمستشفى رورو الريفي 🙏
مستشفى رورو ما بس بخدم مواطني رورو، بل هو شريان أساسي بيخدم أهلنا في منطقة الجمام، والاعتماد عليه شبه كامل، رغم وجود مركز صحي بس إمكانيات المركز بسيطة ما بتغطي كل الاحتياجات.
مستشفى رورو بقدم خدماته الصحية لمعظم مناطق محافظة التضامن رورو – أحمر رورو – الجمــام– جريوا… وغيرها من المناطق المجاورة.
👩‍⚕️ في حالات الولادة والطوارئ النسائية، الحوجة لطبيب مختص بتكون ماسة جداً، وتأخير الخدمة ممكن يعرض حياة الأمهات والأطفال للخطر.
💔 الوضع الحالي صعب، وأهلنا محتاجين تدخل عاجل.
توفير طبيب نساء وتوليد في مستشفى رورو الريفي ما رفاهية… ده حق أساسي وإنقاذ أرواح.
نأمل الاستجابة السريعة 🙏
#الجمام

بلد المحبة
وأصل الحكايات 💙

تحية خاصة لأحدث المتابعين لي! يسرني انضمامك! بكري ادم بوغبا برقو, المهاب محمد, Alrshed Omer, عبــــدالـــروؤف عــــــــبـدالله, زوله كيوته, البنسلين ود ستار

بكرة الأثنين 13 أبريل، طلاب وطالبات الصف الثالث ثانوي داخلين غمار امتحانات الشهادة السودانية… خطوة مهمة في طريق المستقبل 💪🏾
ومن وسطهم أبناء منطقة الجمام:
حميدة عبدالله
بشير حسين
حسين علي
بنرفع ليهم القبعات ونتمنّى ليهم، ولكل الممتحنين، التوفيق والسداد والنجاح الباهر 🤲🏾🌟
المرحلة دي محتاجة عزيمة وصبر، والتعليم هو السلاح الحقيقي البفتح الأبواب وبيصنع المستقبل…
نرجع نقول الزراعة ملحوقة، والرعي ملحوق، والمال برضو ملحوق… لكن التعليم ما عندو بديل 📖🔥
رسالتنا من صفحة الجمام محافظة التضامن: خلّوا أولادكم في طريق العلم، شجّعوهم أقيفوا معاهم، لأنو بيهم بكون بكرة أجمل 🙌🏾
ربنا يكتب النجاح للجميع ويحقق الأماني 🤍

🔷️حيثُ يبتسم التٌراب.. و تضحك السماء
جمال الحياة في بساطتها 💙

تتقدم إدارة صفحة الجمام محافظة التضامن بخالص الدعوات بالشفاء العاجل للعم/ سليمان إسماعيل صالح، سائلين الله أن يمنّ عليه بالصحة والعافية، وأن يعوضه خيرًا ويجعل ما أصابه رفعة في الدرجات وتكفيرًا للذنوب.
اللهم ألبسه ثوب الصحة والعافية عاجلًا غير آجل 🤲

إلى أهلنا في الجمام، يا الأمهات والآباء الكرام 💙
رسالتي ليكم من القلب…
أولادكم أمانة في رقبتكم، والتعليم هو السند الحقيقي ليهم في الزمن الجاي.
الزراعة ملحوقة… والرعي ملحوق… والمال ذاته ممكن يتعوض، لكن التعليم لو فات، صعب يتلحق.
الولد البقرا اليوم، بكرة بكون واعي، فاهم، قادر يعتمد على نفسو ويخدم أهلو ومنطقتو.
والبِت البتقرا، بتكون أم واعية، بتربي جيل كامل صاح.
ما تخلوا الظروف توقفكم، ولا تقولوا “بعد شوية”
الفرصة البتتأجل مرات بتضيع.
أمشوا سجّلوا أولادكم، شجعوهم، تابعوهم، وخلوهم يعرفوا إنو التعليم مهم زي الأكل والشرب المدرسة ما بس قراية… المدرسة دي مستقبل كامل.
الجمام محتاجة لأولادها المتعلمين، محتاجة مهندسين، معلمين، دكاترة، وناس واعية ترفع اسمها.
خلونا نبدأ من هسي…
عشان بكرة نلقى الحصاد الجميل

الفرق في جموع المصلين عيد الفطر المبارك في منطقة الجمام قبل و بعد الحرب و النزوح
ربنا يرد جميع الأهالي سالمين و غانمين و يحفظ البلاد و العباد من الفتن ما ظهر منها و ما بطن 🤲🤲

عيدكم مبارك 🌹❤️

🔷️🔷️🔷️🔷️🔷️🔷️

وزير التربية والتعليم المكلف محمد سر الختم الحوري يحدد بعد غدٍ الخميس موعداً لإعلان نتيجة الشهادة السودانية