Coach Abdalbaset Cupcabia المدرب عبدالباسط كبكابية

للسودانيين في كيساسي والمناطق المجاورة غداً بإذن الله افتتاح السوداني

المكان : كيساسي شارع كولامبيرو محطة كاييمبي استيج

توجد لدينا منتجات سودانية بأسعار مناسبة 🔥🔥🎊🎊
#للاستفسار
0705739708
0745090025

I would like to express my sincere gratitude and appreciation for my unique educational experience with the ESL program at Entebbe Junior International School over the past three months. It has been a pleasure to work with this distinguished team, which has enabled me to acquire valuable skills in this field. Despite my departure from the school due to personal circumstances, I will cherish the wonderful memories of this exceptional experience.

With sincere appreciation and gratitude,
Teacher: Abdalbaset Ali

العملة الرسمية في يوغندا هي الشلن اليوغندي (UGX). وبتقسم الشلن اليوغندي إلى فئات نقدية وفئات ورقية.
تفاصيلها كالاتي :

فئات ورقية:
1. فئة الألف شلن (1,000 شلن)
2. فئة الألفين شلن (2,000 شلن)
3. فئة الخمسة آلاف شلن (5,000 شلن)
4. فئة العشرة آلاف شلن (10,000 شلن)
5. فئة العشرون ألف شلن (20,000 شلن)
6. فئة الخمسون ألف شلن (50,000 شلن)

فئات نقدية:
1. فئة مئة شلن (100 شلن)
2. فئة مئة وخمسين شلن (150 شلن)
3. فئة مئتان شلن(200 شلن)
4. فئة خمسمائة شلن (500 شلن)
5.فئة الألف شلن (1000 شلن)


1 دولار امريكي = 3,807.75 شلن يوغندي
1جنيه سوداني = 3.30 شلن يوغندي
1جنيه مصري =123.07 شلن يوغندي
1ريال سعودي = 1,015.35 شلن يوغندي

عشان ترتاح من جوطة التحويلات ممكن تنزل التطبيق دا من قوقل بلاي
All currency converter

ممكن تتسوق اون لاين في يوغندا بي واحد من التطبيقات دي :
١. جوميا Jumia : دا الاكبر والاكثر استخداما وشعبية في يوغندا فيهو عروض وكمية من المنتجات منها الإلكترونيات والأزياء والجمال والمستلزمات المنزلية وكمية من الحاجات.ومنتجاتهم اصلية وممكن تجيك لي بابك.
٢.جيجي أوغندا Jiji : دا اكبر موقع اون لاين مجاني مصنف علي الانترنت فيهو تقريبا اي حاجة بس خليك حذر وادفع بعد تستلم.
٣.كيكوبو اونلاين Kikuubo : دا تطبيق لطلب المنتجات بالجملة بتجيك لي باب بيتك.
٤.كيكو Kikuu : دا بقدم مجموعة متنوعة من المنتجات من الصين، زي الملابس والأحذية والحقائب والإكسسوارات والإلكترونيات والأجهزة المنزلية ومنتجات التجميل والمزيد. وكمان فيهو كوبونات وعروض. عندهم خدمة بتاعه انك ممكن ترجع الحاجة لو ما عجبتك او تبدلها.
٥.أبانيستا للتسوق في أوغندا Abanista Shopping Uganda : تتسوق اون لاين وفيهو افضل العلامات التجارية الاصلية وخدمة توصيل سريعه وعندهم برضو سياسة ارجاع خلال ٧ يوم عندهم برضو خيار LAY-BY للدفع بالتقسيط بدون فوائد.
٦. بوبو للتسوق عبر الإنترنت Bubu Online Shopping : تطبيق للتسوق اون لاين بربط المصنعين والبائعين مع المشترين وفيهو حاجات يوغندية الصنع وعندهم توصيل مجاني وعندهم كوبونات هدايا وخصومات وعروض سريعة.عندم نظام دفع امن ومحفظة متنقلة Bubu Pay .وعندهم سياسة ارجاع لمدة ٧ يوم وبرضو عندهم خيار LAY-BY للدفع بالتقسيط بدون فوائد.
وعشان تتسوق براك في كمية كبيرة من الخيارات منها :
- اكاسيا مول
- مركز ناكومات للتسوق
- فورست مول
- مدينة الحرية مول
- جاردن سيتي مول
- قرية مول بوجولوبي
- مركز هام للتسوق
- لوجوجو مول
- مركز اكواتوريا للتسوق
- أرينا مول
-كينجسجيت مول
وكمية من الاسواق والحتات السمحة .
شاركونا بي ارائكم وتجاربكم مع التسوق في يوغندا
انا ما قاعد اسوق لي اي جهة بس دي معلومات قابلة للاضافة والتحديث جمعتها ليكم للفايدة وشكراً.

طبعا التنقل في يوغندا عبر الدراجات النارية (البودا بود) او سيارات الاجرة عشان تمشي مشوار امن وبي سعر كويس ممكن تستخدم واحد من التطبيقات دي :-
1.SafeBoda
دي اكتر شركة مشهورة في يوغندا وممكن تطلب منها دراجات نارية Boda
2.Uber
دي جات بعد سنتين من SafeBoda ممكن تطلب منها سيارات اجرة للمشاوير .
3.Taxify
ممكن تطلب منهم دراجات نارية او سيارات
4.Mondo Ride
ممكن تطلب منهم دراجات نارية
5.Dial Jack
ممكن تطلب منهم دراجات نارية Boda boda
6.Little
عبر رحلة صغيرة ممكن تطلب سيارة اجرة
7.Ori Rides
ممكن تطلب منهم سيارات لاي مشوار داخل كمبالا او خارجها
ممكن برضو تطلب منهم سيارات اسعاف.
8.Rides Uganda
ممكن تطلب منهم دراجات نارية وسيارات وقريبا خدمات سيارات اسعاف .

تابعونا المرة الجاية حنتكلم عن التسوق في يوغندا

عايز اتكلم ليكم عن تجربتنا للسفر من السودان لي كمبالا عبر طريق ربك لأي زول عندو النية يسافر كمبالا

طبعا كنت انا والاسرة وبت خالتي واولادها و Osman Ahmed وكان عددنا ٧ ومعانا ٣ اطفال.

اولا كانت نقطة البداية من الدمازين لي ربك بالباص و التذكرة بي ١٤ الف جنيه سوداني اتحركنا من الدمازين الساعه ٨ وصلنا ربك الساعه ٤ تقريبا
ملحوظة :-
طبعا ربك ملانة السكن فيها صعب شوية ممكن تلقي ليك لوكوندا واسعارها ما غالية بس لو عندك زول ربك ساكن قريب تكون ارتحتا من موضوع السكن
"نحنا بيتنا يوم واحد مع اخوي ود خالي"
يلا بعد داك اتحركنا الصباح الساعه 6 صباحاً بي عربية شريحة ايجار من ربك لي جودة الشمالية اتفقنا معاهو بي ٣٥٠ وبتشيل ١٤ راكب يعني الراكب ٢٥ الف
"لتقليل التكلفة ممكن تركب المواصلات عادي تقريبا بتكون اقل من ١٥ الف بس بالمواصلات ما بتصل الحدود بدري عشان تعمل اجراءاتك في المعبر وتمشي جودا الجنوبية لو اتأخرتا بتكون في زحمة في المعبر "
نحنا وصلنا جودة الشمالية الساعه 9:00 صباحاً وكان المعبر مافيهو اي زحمة عملنا اجراءاتنا عادي اللهي في اي جواز بشيلو 5 الف للتسجيل والعبور وبعديها تاني في مكتب بتدفع فيهو 5 الف برضو للعبور
ملحوظة :-
لمن تصل جودة الشمالية دي بتلاقيك زحمة شديدة وبجوك الناس جارين عليك دايرينك تبدل العملة عندهم وبجوك ناس الكوارو البرفعو العفش ما تنخلع وما تتضايق لانو دي حاجة طبيعية نصيحتي ليك ما تبدل العملة عندهم ولو عفشك كتير اتفق سريع مع اقرب بتاع كارو وارفع عفشك واتحرك علي جودة الجنوبية بعد تكلم اجراءاتك في النقتطين الانا قولتهم فوق ديل

يلا من جودة الشمالية لي جودة الجنوبية بتتحرك مع العفش بتاعك بالكارو المسافة قريبة شديد لو حاجاتك ما كتيرة ممكن تمشي بي رجلينك عادي في نقطة تفتيش

تمشي بعداك النقطة بتاعه جودة الجنوبية تعمل اجراءاتك وتسجل الجواز بتاعك للعبور بي 5 الف.
نحنا عملنا الاجراء دا وبدلنا كل القروش العندنا لي جنيه جنوب سوداني لانو تاني ما بنحتاج لي قروش سودانية "الجنيه السوداني = الجنيه الجنوب سوداني يعني ال١٠٠٠ جنيه سوداني يساوي ١٠٠٠ جنيه جنوب سوداني " وطوالي اشتريت شريحة جنوبية و اتفقنا مع عربيتين صغار مشوار من جودا الجنوبية للرنك المشوار بي ١٠٠ الف والعربية بتشيل ٤ ركاب.

لتقليل التكلفة ممكن تركب المواصلات عادي بي ١٥ الف الراكب بس المواصلات بتأخرك وبتقيف بيك في الشارع كتير شديد
نحنا وصلنا الرنك الساعه ١١ ونص تقريبا لو منسق مع زول في الرنك من بدري ممكن عادي تسافر في نفس اليوم بس صعب لو ما نسقتا من بدري احسن خيار انك تبيت في الرنك وتتحرك تاني يوم تكمل اجراءاتك باقي اليوم دا وتحجز للطيران وتتحرك اليوم البعديهو نحنا عملنا كدا .
"لحدي الرنك هنا ممكن تتعامل بنكك وفي وايفاي في سوق الرنك طلع القروش العندك كلها وحولها جنوب سوداني او دولار"
الاجراءات في الرنك كالاتي :
بتمشي القسم تعمل فيش بتحتاج لي صورة فوتوغرافية للفيش
تكلفة الفيش ٣٥ الف
بعد الفيش تمشي المكتب بتاع الهجرة
تعمل كرت الهجرة بي ٣١ الف ونص ومعاهو فيزا بي ٤١ الف ونص مجموع التلاتة حاجات دي بي 108 الف .
وحجزنا للطيران اليوم البعديهو وتكلفة الطيران ٣٠٠ دولار للبالغين و٢٠٠ دولار للاطفال اقل من ١٢ سنة
يعني بالسوداني ٣٣٠ الف جنيه للكبار و٢٠٠ الف جنيه سوداني للاطفال .
ملحوظة:- الطيران عبارة عن طيران كارقو بدون مقاعد بتاع نقل البضائع الناس بتقعد جوة الطيارة في شنطها .
-اهم شي تعمل حسابك وتقطع التذكرة من زول مضمون عادي ممكن تقطع التزكرة من زول وتكون طيارتو ما حتسافر طوالي ممكن تقعد كم يوم في الرنك والرنك المعيشة فيها غالية والناس المسافرين كتار ما بتلقي مكان تسكن فيهو بالساهل والسكن غالي لو انتو كتار .

نحنا صباح اليوم التاني مشينا الوكالة وفي الوكالة وزنو لينا الشنط وعملو البوردن والناس استلمت تذاكرها ورفعو الشنط في اللوري والناس ركبت اللوري وفي بكاسي برضو
تابعين للوكالة بتودي الناس المطار يلا في المطار في تلاتة مكاتب في كل مكتب بسجلو فيهو المسافرين وعندهم اجراء بتعمل بشيلو في الجواز ٥ الف في كل مكتب من المكاتب لو حنكتا معاهم ممكن ينقصو ليك يلا بعد تكمل الاجراءات دي والتفتيش بتمشو علي الطيارة وبركبوكم بالصف وصراحة بشكو الناس شك الكبريت.

بعد داك الطيارة اتحركت علي جوبا اتحركنا الساعه ١٠:٢١ ص من الرنك ووصلنا بعد ساعتين بالضبط ١٢:٢١ ظهرا وصلنا مطار جوبا وفي المطار في اجرائين الاول بتحتاج لي ضامن جنوبي يضمنك ولو ما عندك في ناس في المطار بضمنوك وبياخدو عمولة كدا حسب الاتفاق والاجراء التاني بشيلو منك الجواز وبتسجل عندهم وبتدفع ٥ الف للجواز وهنا الرحلة الاولي من السودان لي جوبا انتهت .

لو عندك زول في جوبا للسكن كويس ولو ماف بتمشي اقرب شقة او فندق الفنادق اليوم بي ٦٠ دولار تقريبا والشقق الصغيرة بي ٢٥ دولار الغرفة

نحنا قعدنا مع زولة معرفة في بيتها وما قصرت معانا نهائي والله لحدي ما عملنا اجراءات استخراج و تجديد للجوازات المنتهية في السفارة السودانية بجوبا الاجراءات اخدت مننا يوم واحد والاستلام بعد ١٠ يوم بس نحنا ما انتظرناهم ادينا ايصالات الاستلام لي زول وسافرنا.

للسفر من جوبا لي كمبالا في تلاتة خيارات:
- الاول طيران والطيران بي ٢٥٠ دولار تقريبا
- والخيار التاني باصات اسمها Eco Bus تذكرة الباص كانت بي ٤٠ الف جنيه جنوب سوداني هسي مع الاعياد دي بقت بي ٨٠ الف جنيه جنوب سوداني .
-الخيار التالت والنحنا عملناهو اجرنا عربية من جوبا لي كمبالا عبارة عن عربية اسمها نوها بتشيل ٧ ركاب بي ٦٤٠ الف لي كمبالا والسواق معرفة سهل لينا كل الاجراءات المكلوبة في الشارع ونقاط التفتيش .

يلا كل الخيارات دي في الحدود في منطقة نيمولي بتعمل اجراء التأشيرة لي يوغندا بي ٥٠ دولار
او بعد تصل مطار كمبالا لو سافرتا طيران .

وعلي كدا وصلنا بحمد لله
اتمني اني اكون قدرتا ساعدتا في حاجة ومفكر اعمل لايف ارد فيهو علي كل تساؤلاتكم واستفساراتكم تابعو صفحتي الايام الجاية وشكرا

ربنا يحفظ البلاد والعباد


رقم زول ممكن يساعدكم في ربك ويشوف ليكم ترحيل للرنك
المهدي يونس سواق +249914423533
رقم سواق ممكن يرحلكم من جودا الجنوبية للرنك
ديفيد "سواق" +211916612377
رقم زول ممكن يساعدكم في الرنك للاجراءات والسكن تذاكر الطيران
جمعة "وكالة سفر" +211916824309
رقم زول ممكن يساعدكم في جوبا
عبدالله سواق عربية نوها +211925117717
رقم الحجر للباصات من جوبا لي كمبالا Eco Bus
+211926388115
+211921307724

💥 29\11\1995 》29\11\2023 💥
مضي عام آخر من اعوامي في هذه الدنيا الفانية
اتمني من الله ان يوفقني علي اكمال النصف الاخر من ديني
وان يوفقني علي حج بيته وعمل كل ما يحب ويرضي

.
دع بينك و بين الراحل باباً يطرقه حين يعود ، و بينك و بين المخطئ يداً للمصافحة حين يعتذر ... فنقاء العائدين أحياناً أصدق مـن إدعاء الحاضرين..!!

كم هي قاسية التراكمات التي تجعلنا نقسوا رغمَ حنانِنا ، وننطوي على أنفسنا رغمَ حاجتنا للآخرين ، ونصمُت رغمَ تَكَدُّس الكلمات في صدورنا ... ‏كم هي قاسية التراكمات التي تُجبرنا على أن نبدو غير حقيقتنا..!! ❤️

`
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ

‏"كل الأعذار كاذبة، من يريد يستطيع."
- Artwork By unknown.

ومن فينا لم يتغيَّر ... الظروف تغيرنا ، فراق الأصدقاء يغيرنا ، الأيام التي نقضيها بمفردنا تغيرنا ، الوِحدة تغيرنا ، تحمُّل المسؤولية تغيرنا ، مواقف الضعف تغيرنا ... كلما كبرنا نفهم حالنا والدنيا والناس فنتغير ، نبتعد عن من يرهقنا و يوجعنا فنتغير ، نرتب أولوياتنا كل مرة فنتغير ... من فينا لم يتغير وظل كما هو ... التغيير لا مفرّ منه ، لكن نتمنى أن نتغير للأنضج ، للأقوى ، للأرحم وليس للأسوأ والأبشع …!🕸