30/09/2026
ليش مرات أبسط إشي بصير أكبر من قدرتنا على الاحتمال؟
ابنك يضل يكرر نفس الطلب… وفجأة بتنفجري بطريقة حتى إنتِ بتستغربيها من حالك.
زوجك يحكي كلمة… بتلاقي قلبك سرّع وكأن الموقف أكبر بكثير من مجرد كلمة.
رسالة ما حدا رد عليها… وبلشت عشرات السيناريوهات تشتغل براسك.
تتراكم عليكِ المسؤوليات… وفجأة ما بدك تحكي مع حدا، ولا تعملي إشي، بس بدك الكل يبعد عنك.
ومرات ما بيكون في انفجار أصلًا…
بيكون ثقل. انسحاب. نوم. تشتت. فقدان رغبة.
أو هذا الشعور الغريب إنك بعيدة عن حالك ومش قادرة توصلي إلها.
وبعدين بيجي الجزء الأصعب…
بنبلّش نفسّر كل اللي عم بصير فينا على إنه مشكلة فينا إحنا:
أنا عصبية.
أنا حساسة زيادة.
أنا ضعيفة.
ليش ما بعرف أسيطر على حالي؟
مع إنه مرات، قبل ما نحكم على حالنا، لازم نسأل سؤال مختلف:
جهازي العصبي… بأي حالة هو الآن؟
لما الضغوط تتراكم، ولما الجسم يضل فترة طويلة يلتقط إشارات خطر واستنفار، قدرتنا على احتمال الأشياء اليومية بتضيق.
الإشي اللي كان مبارح يمرّ عادي… اليوم بصير ثقيل.
الكلمة الصغيرة بتوجع أكثر.
الصوت بيزعج أكثر.
الطلب البسيط بصير حمل.
والجسد بسرعة يا إمّا بيستنفر… أو بينسحب وبينطفئ.
وهذا جزء من اللي بنسميه:
Dysregulation | اختلال التنظيم العصبي.
وهون مهم جدًا نفهم:
إحنا مش عم نستخدم الجهاز العصبي عشان نبرر تصرفاتنا ونقول:
أنا هيك وخلاص.!!😔😔
بالعكس تمامًا.
لما أفهم حالتي… بصير عندي مساحة للاختيار بدل اللوم.
أبلّش أنتبه:🌟🌟🌟👌🏻👌🏻👌🏻
متى استنفاري عم يعلى؟
شو عم يحكيلي جسمي قبل ما أوصل للانفجار؟
متى لازم أوقف؟
وشو فعلًا بيساعدني أرجع؟
وشوي شوي…
بدل ما أضل أحارب جسمي وأطالبه يكون أهدأ وأقوى ويتحمّل أكثر…
ببلّش أعلّمه إن الحياة مش كلها حالة طوارئ.
والتنظيم العصبي مش معناه إنك ما تعصبي، ولا تقلقي، ولا تتعبي أبدًا.
التنظيم العصبي يعني إن جهازك يصير أكثر مرونة…
يمرّ بالحالات المختلفة، بس ما يضيع فيها.
ويعرف، مرة بعد مرة، طريق الرجعة للأمان. 🌿
وهذا أثمن ما نقدّم لذواتنا من مساعدة وعون .
وإذا حسيتي إنك تعبتِ من إنك تفهمي حالك بعقلك… بس جسمك لسه عالق بنفس الاستجابات، يمكن حان الوقت نبدأ من مكان مختلف. 🤍
في جلسات تنظيم الجهاز العصبي الفردية الي بعملها … بنمشي سوا، بهدوء وعلى قدّ جهازك العصبي ، بنتعرّف على لغته وإشاراته، ونبني بالتدريج قدرة أكبر على الأمان والتنظيم والعودة لنفسك.
إذا حابة تبدأي رحلتك معي، ابعتيلي على الخاص كلمة: تنظيم🌿
ومنشوف سوا إذا هذه الرحلة مناسبة إلك.
#الجهازالعصبي
