19/05/2026
عايزة احكيلكم عن ازاى تغيير بسيط بيحصل ف حياة إنسان يأثر على ثقته بنفسه و حماسه و هو بيتعلم.
ف بداية الكورس X كانت بتتريق على نفسها كل ما تتكلم، مثلاً و احنا بنقرأ أو بنتناقش لازم ف النص تقول "ده انجليزى أم جاسر".
الصراحة ضحكت أول مرة، لكن لما لقيت الموضوع متكرر، روح السيكولوجى اللى جوايا خليتنى ألاحظ ان اما حد يكون غير واثق بنفسه أو عنده مشكلة ف حاجة و عايز يحاول يهون على نفسه أو يخفى ده بيحوله لكوميديا.
ف مرة وقفتها و قولت " أوعى أبدا تتريقى على لغتك أو لهجتك و لا حتى الطريقة اللى بتتكلمى بيها" و ده لأن العقل بيصدق الكلام اللى بيتقاله، انتى لازم تدى لنفسك affirmations زى أنا بحاول أطور من نفسى، أنا النهاردة أفضل من الأسبوع اللى فات و هكذا.
و هى الصراحة سمعتنى و النتيجة:
السيشن اللى فاتت كانت داخلة مبسوطة جدا و حاسة بaccomplishment و قالتلى ان النهاردة أول مرة أحضر parents’ meeting ف مدرسة أولادى و اتكلم و كلى ثقة و افهمهم كويس لأنى ف الأول كنت باخد الكلام بالشبه و أحاول أفهم مع نفسى.
و الكلام ده بعتتهولى بعد السيشن على طول…
Proud of my learner’s baby steps♥️