Qasim Ali Vlogs

لفظوں کی بھی جڑیں ہوتی ہیں اور یہ جڑیں زمین کا نہیں بلکہ دل کا سینہ چیر کر گھر کرتی ہیں۔
قاسم علی

آدھا نمبر
کبھی کسی ایسے بچے کو دیکھا ہے جو پرچہ دے اور آدھے نمبر کی وجہ سے فیل ہو جائے اور استاد پرچہ بچے کے ہاتھ میں دے اور بولے کہ سب سوالات کو غور سے دیکھو پورا پرچہ پڑھ لو اگر کہیں سے بھی نمبر کم یا زیادہ ہو سکتے ہو تو بتاؤ اور شاگرد پورے پرچہ کا جائزہ لے اور اسے پتہ چلے کہ استاد نے تو بالکل درست نمبر کاٹے اور جمع کیے ہیں لیکن وہ اپنی طرف سے بے انتہا کوشش کرے کہ کہیں سے آدھا نمبر بڑھ جائے لیکن اس کو کوئی صورت نظر نہ آئے تو سوچو اس شاگرد کی کیا کیفیات ہونگی اب وہ کس قدر بے بس اور لاچار ہوگا۔
اب شاگرد کی جگہ میں خود کو کو رکھتا ہوں اور امتحان یوم القیامۃ اور دعا کرتا ہوں کہ یا اللہ مجھے قیامت کے دن ایسے حساب ایسی کیفیات سے محفوظ فرمانا۔
اور جس طرح استاد بچے پر رحم کرتے ہوئے آدھا نمبر خوشخطی کا دے کر اس کو پاس کر دیتا ہے اس طرح یا اللہ تو مجھے اپنے نبی کا امتی سمجھ کر معاف فرما دینا۔
آمین

میرا خیال
جب ہم کسی کو الوداع کرتے وقت ہاتھ ہلاتے ہیں تو اس کا مطلب جانے والے کو یہ بتلانا ہوتا ہے کہ تمہارے بغیر میرا ہاتھ خالی ہے۔

جب روح سجدے میں جھک جاتی ہے تو بازار میں نظریں خود بخود جھک جاتی ہیں۔

تیری یاد میں لکھا ہر لفظ میری زندگی کا سرمایہ ہے۔