13/08/2026
️اللغة التعبيرية
🗣️إزاي الطفل بيكتسب اللغة؟
اللغة التعبيرية: من الفهم للكلام
بعد ما اتكلمنا عن مرحلة ما قبل اللغة واللغة الاستقبالية، نيجي لمرحلة مهمة جدًا وهي اللغة التعبيرية.
يعني إيه لغة تعبيرية؟
ببساطة هي قدرة الطفل إنه يعبّر عن اللي عايزه أو حاسس بيه باستخدام الأصوات والكلمات والجمل.
واللغة التعبيرية بتتطور واحدة واحدة:
🔹 في البداية الطفل بيطلع أصوات وبيعمل مناغاة.
🔹 بعد كده يبدأ يقول كلمات بسيطة زي: «ماما – بابا ».
🔹 بعد كده يبدأ يجمع كلمتين مع بعض: «ماما تعالي»
🔹 ومع الوقت يبدأ يستخدم جمل أطول وأوضح.
🔹 وبعدها يقدر يوصف اللي حواليه، يجاوب على الأسئلة، ويحكي حاجات حصلت معاه.
📌 وهنا نقطة مهمة جدًا للأب والأم:
مش المطلوب إننا نقعد نقول للطفل: «اتكلم.. اتكلم».
المطلوب إننا نديه فرص كتير للتفاعل والتقليد والتعبير.
مثلاً لو الطفل أشار للماء 💧، متدّيش يشرب على طول، لكن قول له: «اشرب.. عايز اشرب» او كلمه بسيطه يعبر بيها عن احتياجه
واستنى شوية، لو حاول يقول «اشرب » أو حتى طلع صوت قريب منها، شجّعه وكافئ المحاولة.
❤️ لأن كل محاولة من الطفل للتواصل هي خطوة جديدة في طريق اكتساب اللغة
بالصبر والمعرفه والتدريب نوصل لمرحلة كويسه من اكتساب اللغه مع أطفالنا المتأخرين في النطق
اخصائي التربيه الخاصه
محمد مختار
