23/11/2025
ضلعی پولیس لوئر دیر کی سخت پیش قدمی:
قبضہ مافیا کی فہرست جاری
غیر قانونی قبضوں کے خاتمے کیلئے بھرپور کارروائیاں شروع
لوئر دیر پولیس نے غیر قانونی قبضوں میں ملوث عناصر کی تفصیلی فہرست عوام کے سامنے رکھ دی ہے۔ یہ گروہ طویل عرصے سے زمینی تنازعات میں ایک فریق سے رقم لے کر دوسرے کے حق میں ناجائز قبضہ دلانے میں ملوث رہا ہے۔
پولیس نے شہریوں سے کہا ہے کہ اگر کسی نے ان افراد کے ذریعے قبضہ کروایا ہے تو ان کی خلاف اپنی درخواست متعلقہ ایس ایچ او، ایس ڈی پی او یا ڈی پی او آفس میں جمع کروائے تاکہ قانونی کارروائی کی جا سکے۔
ڈی پی او لوئر دیر تیمور خان پی ایس پی کی ہدایات پر ایسے تمام عناصر کے خلاف کارروائیاں تیز کر دی گئی ہیں۔ گرفتاریاں قانون کے مطابق جاری ہیں اور غیر قانونی قبضوں کے خلاف زیرو ٹالرنس پالیسی پر سختی سے عمل ہو رہا ہے۔
لوئر دیر پولیس واضح کرتی ہے کہ زمینوں پر ناجائز قبضہ کرنے والوں کے لیے کوئی رعایت نہیں۔
