Mufti Salahuddin Qazafi

ایک اہم مسئلہ بیرونی ملک پردیسیوں کے حوالے سے قربانی کروانے کے متعلق ؛
بیرونِ ملک مقیم پاکستانی اپنی قربانی پاکستان میں کروا سکتے ہیں، لیکن قربانی درست ہونے کے لیے یہ شرط ضروری ہے کہ جس ملک میں قربانی کروانے والا شخص موجود ہو، وہاں عید الاضحیٰ کا وقت شروع ہوچکا ہو اور فجر طلوع ہو گئی ہو۔

لہٰذا اگر بیرونِ ملک ابھی عید کا وقت شروع نہ ہوا ہو اور پاکستان میں قربانی کر دی جائے، تو قربانی درست نہیں ہوگی۔
البتہ جب اُس ملک میں فجر طلوع ہو جائے اور عید کا وقت داخل ہو جائے، پھر پاکستان میں اُس کی طرف سے قربانی کرنا جائز اور درست ہوگا۔

✍️ مفتی صلاح الدین قذافی ۔۔

عورتوں اور مردوں کی مشابہت — ایک سنجیدہ معاشرتی و دینی مسئلہ ۔۔۔
حضور سرورِ کونین صلی اللّٰہ علیہ وسلم نے سرخ میاثِر (ریشمی یا زینتی گدّوں/زین پوشوں) اور قَسِّی کپڑے سے منع فرمایا۔۔۔۔۔
“قَسِّی” ایک خاص قسم کا کپڑا تھا جو عموماً کتان میں ریشم ملا کر بنایا جاتا تھا۔ یہ کپڑا نرم، نفیس اور زینتی ہوتا تھا، اور زیادہ تر Egypt/مصر کے علاقے “قَس” کی طرف منسوب تھا، اسی لیے اسے قَسِّی کہا جاتا تھا۔ مردوں کے لیے اس کا پہننا منع کیا گیا کیونکہ اس میں ریشم شامل ہوتا تھا۔۔۔۔
اگر ایک ایسا کپڑا جو عورتوں کے لیے جائز ہے، مردوں کے لیے صرف اس وجہ سے منع کر دیا گیا کہ اس میں عورتوں جیسی نرمی، زینت اور ریشم کی مشابہت پائی جاتی ہے، تو پھر مردوں کا عورتوں جیسے لباس اختیار کرنا اور عورتوں کا مردوں جیسے کپڑے پہننا بدرجۂ اولیٰ ناجائز ہوگا۔
آج کل لباس میں جو فیشن عام ہو رہا ہے کہ عورتیں مردوں جیسا انداز اپنائیں اور مرد عورتوں جیسی وضع قطع، رنگ، ڈیزائن اور لباس اختیار کریں، یہ اسلامی تعلیمات کی کھلی خلاف ورزی ہے۔ اسلام نے مرد و عورت دونوں کے لیے الگ شناخت، الگ وقار اور الگ لباس کا اصول دیا ہے تاکہ فطری فرق باقی رہے اور معاشرہ بے راہ روی سے محفوظ رہے..

M***i Salahuddin Qazafi ✍️

***iSalahuddinQazafi

حج انتظامات مکمل ۔۔۔۔حجاج کرام کا آنا شروع بحمد اللہ
حج کے بابرکت ایام شروع ہونے والے ہیں، اے اللہ حرمین شریفین کی حفاظت فرما، اپنے مہمانوں حجاج کرام کو ہر آفت، بیماری اور حادثے سے محفوظ رکھ۔

اے اللہ ان کے سفر کو آسان، عبادات کو قبول، دعاؤں کو شرفِ قبولیت عطا فرما، اور یہ مبارک ایام خیریت، عافیت اور سلامتی کے ساتھ اختتام پذیر ہوں۔

یا اللہ تمام حجاج کرام کو اپنی رحمت، مغفرت اور امن کے سائے میں رکھ۔ آمین۔