Qamar Al-Shihni

Qamar Al-Shihni Personal Coach, Trainer & Public Speaker
(1)

17/08/2026

أصعب جزء في تحقيق أي هدف مش البداية.

ولا حتى معرفة الخطوات.

أصعب جزء هو إنك تظلي مكملة لما يتلاشى الحماس،
أو لما يظهر الخوف، والشعور بالثقل

لهيك أنا مؤمنة إن كل هدف مؤجل
عنده قصة تستحق إنها تُفهم وراها ولما نفهمها رح يصير التقدم اسهل

🤍 شو هو الهدف اللي كل مرة بتقولي: “إن شاء الله قريب أبدأ فيه”؟

شاركيني إياه بالتعليقات.

16/08/2026

أكبر غلطة ممكن نعملها مع أهدافنا

إننا نفكر إن البداية هي أول خطوة.

بينما الحقيقة؟
البداية بتكون قبلها.

لما تفهمي ليش كنت عم تأجلي الهدف
وليش هو مهم بالنسبة إلك هلأ
ولما تحجزي له مكان ثابت بحياتك…
وتقبلي إن البداية رح تكون غير مثالية…

وقتها، رح تقدري تاخدي أول خطوة وتبدئي رحلتك بتحقيق هدفك

💛 إذا عندك هدف كل مرة بترجعي بتأجليه،
علّقي بكلمة “تأجيل”

ورح ابعتلك رابط الكويز المجاني
حتى تكتشفي شو السبب الحقيقي اللي عم يوقفك.

12/08/2026

تدريب الأبناء على الاستقلالية والإعلانات على انفسهم
من اهم الخطوات اللي بتساعدنا نركز

كصاحبات عمل خاص، أولادنا مش عائق بطريق أهدافنا…
هم جزء لا يتجزأ من مسؤوليتنا ونجاحنا.

وكل مهارة منعلّمهم ياها اليوم، هي مساحة النا قبلهم

لما ندربهم يعتمدوا على حالهم بالأشياء المناسبة لعمرهم،
ويلتزموا بروتين معين بدون متابعة دائمة منا
ونتناقش معهم بحدودنا وطبيعة عملنا

بنكون عم نجهز لأنفسنا بيئة تساعدنا نركز
بدون شعور دائم بالذنب أو الانشغال.
وبدون مانشتغل بتشتت بينهم وبين عملنا
وبنفس الوقت عم نسمحلهم يشاركوا بهيدا النجاح اللي عم نحققه

هذا كله جزء من الاستعداد.
الاستعداد مش بس مكتب مرتب أو خطة عمل.
الاستعداد كمان إنك تبني روتين ونظام الهم يسهل حياة الجميع

الوقاية دائمًا أسهل من إطفاء المشاكل كل يوم.
برغم انه هالشي مارح يلغيها بالكامل بس رح يخفف منها كتير

اسألي نفسك:
شو المهارة البسيطة اللي فيك تعلميها لولدك هالأسبوع،
وتمنحك بعدين مساحة أكبر لهدفك؟ 🌿

11/08/2026

في فرق كبير بين:

الإبداع…

واختراع العجلة كل مرة.

كنت أعتقد أن التكرار يعني ملل.

لكن اكتشفت أن التكرار في بعض التفاصيل…

هو اللي أعطاني طاقة أكون مبدعة في المكان الصح.

اليوم إذا في شيء عم تجهدني محاولة الإبداع فيه

بخليه مثل ما هو.

لأن طاقتي أثمن من أن أصرفها بتفاصيل عم تتكرر يوميا

حتى أثبت لنفسي أني بقدر أطلع بفكرة جديدة كل مرة.

👇 سؤالي إلك:

بأي تفصيلة بحياتك حاسة إنك مطالبة تبدعي فيها كل مرة
مع إنها عادي لو ضلت كما هي وكررتيها الاف المرات بدون اي تغيير ؟

10/08/2026

أحيانًا ما منحتاج نبذل مجهود أكبر…

منحتاج نسأل سؤالًا أفضل.

ليش بعدني مشغولة بالبحث عن حلول انتاجية جديدة
بدل مااعطي الحلول اللي عندي وقت كافي تعطي نتائج

إذا عندك هدف كل مرة ترجعي تأجليه…
وتوقفي وترجعي تبديي كل فترة وماعم تعرفي ليه عم يصير معك هيك

اكتبي “تأجيل” وببعتلك رابط الاختبار المجاني القصير
اللي رح يساعدك تفهمي شو عم يصير معك

10/08/2026

نحن غالبًا بنفكر أن الطاقة بتروح بسبب كثرة العمل.

لكن أحيانًا…

اللي يستنزفنا هو طريقة عيش يومنا.

هيدا التمرين ممكن يساعدك

اعملي مراجعة سريعة لليوم:

* كم قرار متكرر أخدتيه؟
* كم مهمة لسا مفتوحة بعقلك؟
* كم مرة انتقلتي من مهمة لمهمة بدون ما تكملي الأولى؟

يمكن تكتشفي أن المشكلة مش بعدد المهام…

بل بعدد الأشياء اللي كانت تشغل انتباهك طوال اليوم.

👇 شاركيني:

أي نقطة حسيتِ إنها أكثر شيء عم يستنزفك؟

06/08/2026

‏جملة كثير كنت قولها
وبسمعها من صاحبات الأعمال

وبتيجي بعدها جملة ما بدي أبدا بشكل عادي

مش غلط
بس لما تصير الفكرة بحد ذاتها عم بتخلينا ناجل
لأنه كل الوقت عم ترتفع معايير البداية تبعنا

هون بدنا ننتبه وناخذ خطوة حقيقية لنحقق الهدف

هي فكرة وحدة من الأفكار الكثيرة اللى بتدور براسنا
و بتخلينا نضل عم نأجل

لو أنت صاحبة عمل خاص
وحابة تكتشفي السبب الي مخليك تأجلي

علقي بكلمة "تأجيل"
لابعت لك رابط الاختبار المجاني
الى راح يساعدك تلاقي الجواب على الخاص😉

05/08/2026

القرارات الروتينية المكررة عاملة متل الثقب الاسود
بيستهلك جزء كبير من طاقتنا بدون مانحس

ولأنه تعودنا عليه وصار جزء من طريقتنا بيومنا بنفكر انه عادي وهيدا الطبيعي

بس لأ مش طبيعي تعيدي تقرري نفس القرار كل يوم
بل يكون اله "نظام " system جاهز وخلص ماعاد نفكر فيه كل مرة
لنوسع مكان لعقلنا وتفكيرنا يركز على الأهداف الاهم النا

تمرين اليوم ✍🏻

خلال الأسبوع

راقبي نفسك فقط.

أول مرة تاخدي قرار ركزي معه

انتبهي كم مرة بتاخدي هيدا القرار بيومك او باسبوعك

ولما توصلي لأكتر من خمس مرات بالأسبوع ، وقفي واسألي نفسك:

“هل فعلًا لازم آخد هالقرار كل مرة؟ ولا حان الوقت أحوله لنظام؟”

ممكن يكون القرار:

* شو نطبخ؟
* وين أحط مفاتيحي؟
* بأي مهمة أبدأ؟
* متى أتمرن؟
* متى أصور المحتوى؟
* متى اخصص وقت لهدفي ؟
* وين رح اشتغل ؟
*شو رح يعملوا أطفالي بوقت عملي ؟

لما تلاحظي هي الثقوب الصغيرة بيومك وأسبوعك
وتحوليها لنظام ثابت عقلك ببلش يفضى تدريجيا ويهدأ

ورح تتفاجئي بكمية الراحة والمساحة اللي رح تلاقيها بيومك

هيدي وحدة من الأمور اللي بشتغل فيها مع صاحبات العمل الخاص
لساعدهم يحققوا هدف مهم الهم ويقدروا يركزوا عليه باستمرارية

طبقي التمرين وشاركيني شو اكتر قرار لقيتيه بيتكرر بأسبوعك؟

👇 اكتبيلي بالتعليقات:

شو أول قرار وصل للمرة الخامسة اليوم

04/08/2026

جملة واحدة من ابني
كانت تذكير الي ليش أنا بلشت هالرحلة من الأساس بالعمل التدريبي والكوتشينغ

حتى حقق طموح
وانا جنبهم
ماغيب عنهم
ولو انشغلت انشغل وانا جنبهم
وهنن متطمنين اني موجودة

وهيدي التذكرة خلتني بلحظتها أتحول من
شخصية حاسة حالها مضغوطة بهدف عم تشتغل عليه
لشخصية ممنونة انها عم تعمل اللي اختارته بوعي وحب

وبعرف انه متلي كتير صاحبات اعمال امهات
ماتخلي أمومتك توقف طموحك
ولاطموحك يبعدك عن أمومتك

فيك يكون عندك الاتنين😉

03/08/2026

بس يخف الضغط…”
“بس أخلص هالأسبوع…”
“بس ألاقي وقت…”

وبعدين مر أسبوع…
وشهر…
ويمكن سنة…

بدون ما يتغير شيء.

المشكلة مش دائمًا بعدد الساعات.

أحيانًا المشكلة إننا مشخصين السبب بشكل خاطئ.

ولما يكون التشخيص غلط…
حتى الحلول الصح ما بتشتغل.

إذا عندك هدف كل مرة تأجليه…
علقي بكلمة “تأجيل”
وببعتلك رابط الكويز المجاني السريع
اللي رح يساعدك تكتشفي السبب الحقيقي وراء هالتأجيل

Address

Jeddah

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Sunday 9am - 5pm

Website

Alerts

Be the first to know and let us send you an email when Qamar Al-Shihni posts news and promotions. Your email address will not be used for any other purpose, and you can unsubscribe at any time.

Contact The School

Send a message to Qamar Al-Shihni:

Shortcuts

Share

Category