14/10/2026
39 سنة.. ولسه الحكاية في أولها، ولسه البنت الصغيرة اللي جوايا عندها أحلام كتير 🎂🥹❤️
39 سنة عدّوا بكل اللي فيهم.. حلوهم وصعبهم، ضحكتهم ودموعهم، الحاجات اللي فرحتني والحاجات اللي وجعتني وعلّمتني وغيّرت فيا حاجات كتير.
الحمد لله على كل حاجة حصلت، على كل نعمة أنا شايفاها واللي لسه مش واخدة بالي منها، على كل باب اتقفل وكان قفله خير، وعلى كل حاجة ربنا عوّضني بيها بعد ما كنت فاكرة إنها مش هتعدّي. الحمد لله على كل درس، وكل بداية جديدة، وكل مرة ربنا قوّاني فيها من غير ما أحس. 🤍
الغريب بقى إني رغم كل السنين دي، لسه جوايا نفس البنت الصغيرة اللي بتفرح بأبسط الحاجات، وبتحلم، وبتضحك من قلبها، ولسه حاسة إني صغيرة وإن العمر لسه فيه حاجات حلوة كتير مستنياني 😂❤️
