Lənkəran rayonu Vidadi Qasımov adına Digah kənd tam orta ümumtəhsil məktəbi

28/09/2026

25.09.2026-ci il tarixində Lənkəran rayon Vidadi Qasımov adına Digah kənd tam orta ümumtəhsil məktəbində Kern-Yirasek psixodiaqnostik test vasitəsilə
1-ci sinif şagirdlərimizin vizual-məkan qavrayışını,incə motorikasını və diqqət səviyyəsini qiymətləndirdik.
Uşaqlarımızın hər bir uğuru bizə qürur verir!

27/09/2026

Anım Gününə həsr olunmuş xüsusi dərs keçirilib.

25 sentyabr 2026-cı il tarixində ​Vidadi Qasımov adına Digah kənd tam orta ümumtəhsil məktəbinin tarix müəllimi Z. Nəcəfovanın təşkilatçılığı ilə X sinifdə 27 Sentyabr – Anım Günü ilə əlaqədar xüsusi dərs keçirilib.

26/09/2026

Unutmadıq, unutdurmarıq!

Vidadi Qasımov adına Digah kənd tam orta ümumtəhsil məktəbində Anım Günü ilə əlaqədar xüsusi dərs.

Məktəbin 2-ci sinif rəhbəri Aygün Məmmədova tərəfindən 27 Sentyabr – Anım Günü ilə əlaqədar xüsusi dərs keçirilib.
​Dərs zamanı şagirdlərə Vətən müharibəsi şəhidlərinin əziz xatirəsi, tarixi qələbəmiz və qəhrəman qazilərimizin şücaəti barədə məlumat verilib, şagirdlərin ifasında Anım Gününə həsr olunmuş şeirlər dinlənilib.

25/09/2026

25 sentybar 2026-cı il tarixində məktəbimizdə 27 Sentyabr – Anım Günü ilə əlaqədar tədbir keçirilib. Tədbirdə çıxış edən tarix müəllimi Zeynəb Nəcəfova Vətən müharibəsi qəhrəmanlarının şücaətindən, xalqımızın nümayiş etdirdiyi birlik və bərabərlikdən bəhs edib. Çıxışlarda gənc nəslin vətənpərvər ruhda böyüməsinin, tarixi zəfərimizin heç vaxt unudulmamasının vacibliyi bir daha diqqətə çatdırılıb. Unutmadıq, unutdurmarıq!

​

24/09/2026

"Şəhidimizin əmanəti, xatirələrlə yaşayan ev ocağı."
​27 Sentyabr – Anım Günü ilə əlaqədar 24 sentyabr 2026-cı il tarixində Vətən müharibəsi şəhidimiz, Azərbaycan Ordusunun baş leytenantı Ehtiram Hüseynlinin ev muzeyi ziyarət olunub.
​Ziyarət zamanı şəhidimizin anası övladı ilə bağlı ən dərin xatirələrini bölüşüb, şəhidimizin əmanəti, oğlu Həsən isə atasının xatirəsini ehtiramla yad edib. Şəhid ocağında hər bir guşə, Ehtiram müəllimin keçdiyi şərəfli döyüş yolu onun qəhrəmanlığının və Vətən sevgisinin əbədi simvolu kimi qorunur.
​Qəhrəmanlarımızı unutmuruq, unutdurmuruq! Onların əmanətləri başımızın tacıdır.
​Vətən sağ olsun!
​

24/09/2026

22/09/2026

Azərbaycan Respublikası Nazirlər Kabineti “Dövlət ümumi təhsil müəssisəsi təhsilalanlarının geyim formalarının təsvirləri”ndə dəyişiklik edilməsi barəsində qərar qəbul edib.

Qərara əsasən, təhsilalanların müəyyən edilmiş geyim formasının vahidliyini pozan, habelə ümumi təhsilin dünyəvilik prinsipinə uyğun olmayan digər geyim elementlərindən istifadə edilməsinə yol verilmir.

Bununla yanaşı, Azərbaycan xalqının tarixi, mədəniyyəti və milli-mənəvi dəyərləri ilə bağlı keçirilən tədbirlərdə məktəbin Pedaqoji Şurasının qərarı ilə milli geyimlərdən və ya milli geyim elementlərindən istifadə edilməsinə yol verilir.

Qərarda qeyd edilib ki, valideynlər və ya digər qanuni nümayəndələr övladları (qəyyumluğunda və ya
himayəsində olan şəxslər) tərəfindən geyim forması ilə bağlı tələblərə riayət olunmasını təmin etməlidirlər.

Qərara görə, bu sənədin tələblərinə təhsilalanlar tərəfindən riayət olunması ilə bağlı məsələlər məktəbin Pedaqoji Şurası tərəfindən həll edilir.

Ətraflı: https://nk.gov.az/az/senedler/qerarlar/azerbaycan-respublikasi-nazirler-kabinetinin-2022-9789

22/09/2026

22 sentyabr 2026-cı il tarixində Vidadi Qasımov adına Digah kənd tam orta ümumtəhsil məktəbinin tarix müəllimi V.Abdullayeva VII sinifdə "27 sentyabr-Anım günü" ilə əlaqədar xüsusi dərs keçirdi.