The Taqwa Institute

دس سالہ خوبصورت سفیان ہنسی
خوشی چھٹیاں گذارنے، ماں کے ساتھ ننھیال مانسہرہ گیا تھا۔ دو روز قبل یعنی بروز منگل نانا کے گھر کے قریب مقیم ایک پڑوسی اسے کتا دکھانے کے بہانے ساتھ لے گیا۔ گھر سے کھیلنے کا کہہ کر نکلنے والا سفیان دو پیروں پر چل کر گھر سے گیا لیکن دوبارہ گھر واپس نہ لوٹ پایا۔

گمشدگی کے چوبیس گھنٹے بعد سفیان کی لاش برساتی نالے ملی جس کا سینہ چیرا ہوا تھا۔ چیرا ہوا حصہ ادھ سلا اور ادھ ادھڑا ہوا تھا جب کہ لاش کا سر کٹا ہوا اور غائب تھا۔ بچے کی لاش کی ایسی حالت دیکھ کر سفیان کی ماں شدت غم سے نڈھال ہو کر دیواروں سے ٹکریں مارتی رہی یہاں تک دیواروں سے سر مار مار کر خود کو لہولہان کرلیا۔ بچے کا باپ جس نے بیٹے کو چھٹیاں گزارنے مانسہرہ بھیجا تھا اسی بیٹے کا جنازہ پڑھنے پہنچا۔ پولیس نے بہت کوشش کی کہ لاش کا سر مل جائے لیکن نہ مل سکا اور بچے کی ماں سر کے بغیر لاش دفنانے کو تیار نہ تھی۔ اسی دوران کچھ لوگ گرفتار کیے گئے جن میں سے نجیب اللہ نامی ایک شخص نے قتل کا اعتراف کرلیا۔ اہل خانہ کو ڈر تھا کہ اگر بچے کا دھڑ دفنا دیا تو پولیس سر نہیں ڈھونڈے گی۔ پولیس کے بہت سمجھانے کے بعد کہ جب تک بچے کا سر نہیں مل جاتا وہ ڈھونڈتے رہیں گے بالآخر بچے کا جنازہ پڑھا گیا اور جنازہ پڑھنے کے ایک گھنٹے بعد قاتل کے گھر کے قریب سے بچے کی چہل اور سر برآمد ہوگیا۔

یہ سب کس قدر خوفناک ہے کیا کوئی تصور بھی کر سکتا ہے۔ کیسے ایک انسان بربریت کی اس حد تک پہنچ جاتا ہے کہ دوسرے انسان سے ظلم و زیادتی کرتا ہے ،سر تن سے جدا کردیتا ہے ، اس کے سینے کو چھری سے چیرتا ہے ، اس کے جسم سے اعضا باہر نکالتا ہے اور واپس سوئی سے سیتا ہے۔ کوئی اس اذیت کا سوچ سکتا ہے جو دس سال کے سفیان نے سہی ہے۔ وہ کیسے سہما ہوگا ، کتنا ڈرا ہوگا ، کیسے کیسے تڑپا ہوگا ، جان بچانے کے لیے ہاتھ جوڑے ہوں گے ، منتیں کی ہوں گی ، ماں کو پکارا ہوگا ، اللہ کو یاد کیا ہوگا اور تھک ہار کر کیسے خاموش ہوا ہوگا۔

اتنی بے حسی
اتنی درندگی

ظلم کے لیے کوئی بھی وجہ قابل قبول نہیں ہے۔ ظالم بہر صورت مجرم ہے۔ کسی بھی انسان کی جان لینے والے کو بھی جینے کا کوئی حق نہیں ملنا چاہیے۔ اور کسی بچے کی جان لینے والے کو درندے کو بیچ چوراہے پر پھانسی دینی چاہیے تاکہ معاشرے میں اس مجرم جیسا سوچنے والے ذہنوں کو عبرت حاصل ہو۔

میڈیا پر وائرل ہونے والی ویڈیو کا واقعہ ڈغاگاری کا ہے یہ انسانیت سوز واقعہ بلوچستان کے دارالحکومت کوئٹہ سے چند کلومیٹر کے فاصلے پر پیش آیا۔

یہ وہ علاقے ہیں جہاں بڑی بڑی گاڑیاں دور دراز ویرانوں میں آتی ہیں،بڑی پگڑیاں بندوقوں سے فیصلے سناتی ہیں،اور جرگے بیٹیوں کی قسمت کا اعلان آبادیوں سے دور، بیابانوں میں کرتے ہیں۔یہاں شیتل کو لایا گیا .ایک لڑکی، ایک بیٹی،محض اس لیے کہ اُس نے محبت کی،اپنی مرضی سے جینے کی خواہش کی۔جرم؟شادی میں اپنی پسند کا اظہار۔سزا؟موت . غیرت کے نام پر۔لیکن موت سے لمحے بھر پہلےشیتل نے ایک جملہ بلوچی زبان کے ، مضبوط لہجے میں کہا۔

:"صرف سُم ئنا اجازت اے نمے"(یعنی، صرف گولی مارنے کی اجازت ہے)

نہ التجا کی، نہ رحم مانگا .بس عزت سے کہا کہ تذلیل کی اجازت نہیں،میں گولی کی منتظر ہوں،مگر بےحیائی کی ہر رسم سے انکار کرتی ہوں۔شیتل الگ ہٹ گئی .اپنی ہی لاش کے قدموں میں کھڑی ہو گئی۔وہ مر گئی،مگر اُن پگڑیوں، اُن بندوقوں، اُن روایات کو شکست دے گئی جو عورت کی مرضی سے ڈرتی ہیں۔

یہ ایک پرانی روایت چلی آ رہی ہے جسکا بھیانک چہرہ ہم آج ٹیکنالوجی کی بدولت دیکھ سکتے ہیں ۔۔ورنہ اس معاشرے میں روز ہی شیتل اور زرک ایسے ہی مار دیے جاتے ہیں

ابن القیم رحمہ اللہ نے فرمایا:

"کتنی عجیب بات ہے کہ وہ آزمائشیں، جو آج ہمارے سینے پر پہاڑ کی طرح بھاری لگتی ہیں، ایک دن ہمیں بلند کر دیں گی۔ اتنا بلند کہ ہم اللہ کا شکر ادا کریں گے۔ اس لیے نہیں کہ ہم آزمائے گئے، بلکہ اس لیے کہ اُس نے ہمیں آزمایا، ہم سے محبت کی، اور ہمیں وہ کچھ عطا کیا جس کا ہم تصور بھی نہیں کر سکتے تھے۔"

رسول الله ﷺ نے فرمایا:
"مجھے اس کا حکم نہیں ہوا ہے کہ لوگوں کے دلوں (نیت اور ارادوں) کی کھوج لگاؤں"
[ صحيح البخاري : ٤٣٥١ ]

امام مكحول الهذلي رحمه الله فرماتے ہیں: ’’ميں نے ایک شخص کو نماز میں روتے ہوئے دیکھا تو میں نے اسے ریاکار سمجھا، پس میں ایک سال تک (اپنے اس عمل کی وجہ سے) رونے سے محروم رکھا گیا.‘‘

[ موسوعة ابن أبي الدنيا: ٧٢٦٤ ]

*`بسم الله الرحمٰن الرحيم`*

*گھریلو چپقلش کا بہترین حل*

سیدنا حذیفہ رضی اللّٰه عنہ بیان کرتے ہیں:

> *"میں اپنے گھر والوں سے سخت کلامی کیا کرتا تھا، جبکہ دوسروں سے میرا رویہ نرم ہوتا۔"*

تو میں نے نبی کریم ﷺ سے اس کا ذکر کیا۔
آپ ﷺ نے فرمایا:

*أَيْنَ أَنْتَ مِنَ الِاسْتِغْفَارِ؟*

❞ تُو استغفار کیوں نہیں کرتا؟
روزانہ ستر مرتبہ استغفار کیا کر۔❝
📑 [سنن ابن ماجه: 3817 | سند: حسن]

✰• جب دل کی اصلاح نہ ہو تو زبان سے اس کے اثرات ظاہر ہوتے ہیں۔
اور دل کی اصلاح کا مؤثر نسخہ استغفار ہے۔
لہٰذا، روزانہ کم از کم 70 بار استغفار کو اپنا معمول بنا لیجیے۔

*`اللّٰه ہمیں اپنی زبان، دل اور گھر سنوارنے کی توفیق دے۔ آمین`*

اللہ کے رسول شکایت کریں گے اللہ سے،شکوہ کریں گے اللہ سے۔میری امت نے قرآن پاک کو چھوڑ دیا تھا۔ذرا سوچیں اگر آپ اور میں بھی اسی کیٹیگری میں ہوۓ تو شرمندگی کا کیا عالم ہو گا۔
کل جو ویڈیو آپ سے شئر کی گئی تھی اس سے کیا سیکھا ۔کامنٹ سیکشن میں ضرور بتا ئیں۔
اگر ابھی تک ویڈیو نہیں دیکھی تو ضرور دیکھیں۔ دل بدل دینے والا بیان ہے۔

ایک پوسٹ ملاحظہ کیجیے ۔
,, صبح سے بجلی گئی ہوئی ہے اور میں نے جنگ کے لیے کپڑے بھی استری نہیں کیے "

اس کے علاوہ سینکڑوں فقرے بازی اور میمز جو پاکستان اور بھارت کے مابین جنگ کو انجوائے کرنے کے لیے لکھی جا رہی ہیں ۔ اور لکھنے والے وہ ہیں جنہوں نے جنگ کیا کبھی اپنی گلی میں چھوٹا سا فساد اپنی آنکھوں سے نہیں دیکھا۔
جنگ مذاق نہیں ہوتی اور نہ ان پر مذاق بنائے جا سکتے ہیں یہ جنگیں جس زمین پر چھڑ جائیں اس کو بنجر کر کے رکھ دیتی ہیں۔
کیا ہم نے عراق، شام، افغانستان ، فل سطین اور لیبیا کا حال نہیں دیکھا؟ آج وہاں کھنڈرات، یتیم بچے، بیوہ عورتیں اور معذور نسلیں ہیں۔ اقوام متحدہ کی ایک رپورٹ کے مطابق، عراق کی جنگ کے بعد 60 لاکھ افراد بے گھر ہوئے۔ شام میں خانہ جنگی سے 5 لاکھ سے زائد جانیں چلی گئیں، اور غزہ کے حالات تو آپ کے سامنے ہیں

جنگ صرف گولی اور بم نہیں لاتی، یہ بھوک، غربت، بیماری، نفسیاتی عذاب اور لاوارث نسلوں کو ساتھ لاتی ہے۔ جو زخم جنگ دیتی ہے، وہ دہائیوں تک بھر نہیں پاتے۔
جنگ مذاق نہیں، یہ نسلوں کی قبریں کھودتی ہے۔۔۔!

جنگ چھوٹی ہو یا بڑی ۔۔ تباہی لاتی ہے ۔ پہلی جنگ عظیم نے تقریباً 1 کروڑ 60 لاکھ جانیں نگل لیں ۔
دوسری جنگ عظیم میں 7 کروڑ سے زائد افراد مارے گئے، جس میں عام شہریوں کی تعداد افسوسناک حد تک زیادہ تھی۔ہیروشیما اور ناگاساکی پر ایٹمی حملے نے لمحوں میں لاکھوں انسانوں کو بھسم کر دیا، اور آج بھی ان شہروں میں بیماریوں اور معذوریوں کی صورت میں جنگ کے زخم باقی ہیں۔

یاد رکھیں، جنگ میں کوئی جیتتا نہیں۔ صرف لاشیں، برباد نسلیں، یتیم بچے اور بنجر زمینیں بچتی ہیں ۔
آمن کی دعا کیجیے ۔۔ ہم جیسے ملک جنگوں کے متحمل ہی نہیں ہوسکتے ہم نے جنگوں کے بارے میں صرف اخباروں میں پڑھا ہے ہم نے گولیوں کی گرج ، توپوں کی گولہ باری اور ٹینکوں کی چنگھاڑ کبھی اپنی انکھوں سے دیکھی ہی نہیں اور کانوں سے سنی ہی نہیں ۔۔۔
لکھنا بڑا اسان ہے ، جنگ سہنا بہت مشکل ہے۔

تحریر : مجیب الرحمٰن