Pakhtoon times

ڈپٹی کمشنر ٹانک جمشید خان کی خصوصی ہدایات اور عوامی مسائل کے فوری حل کے وژن کے تحت ٹانک سٹی میں رپورٹ ہونے والے تمام 25 مین ہولز کو کامیابی کے ساتھ درست کر دیا گیا۔

اس اہم کام کی تکمیل میں جناب زین صاحب، ایس ڈی او سی اینڈ ڈبلیو ڈیپارٹمنٹ ٹانک کی بھرپور کاوشیں اور مسلسل نگرانی قابلِ ستائش رہیں۔

ضلعی انتظامیہ ٹانک شہریوں کو بہتر سہولیات، محفوظ سڑکیں اور جدید انفراسٹرکچر فراہم کرنے کیلئے عملی اقدامات جاری رکھے ہوئے ہے۔

عوامی خدمت، فوری ایکشن اور بہتر ٹانک کی جانب ایک مثبت پیش رفت۔ 👏🇵🇰

ڈپٹی کمشنر ٹانک جمشید خان کا ڈسٹرکٹ ہیڈکوارٹر ہسپتال ٹانک کا اچانک دورہ، طبی سہولیات اور انتظامی امور کا تفصیلی جائزہ
Naimat Ullah Mehsood Mohammed Sohail Akram Malik Noor Shadem Asif Khan Mehsud Majid Farooq ٹانک (پختون ٹائم) ڈپٹی کمشنر ٹانک جمشید خان نے صوبائی حکومت کے عوامی ایجنڈے کے تحت ڈسٹرکٹ ہیڈکوارٹر ہسپتال ٹانک کا اچانک اور تفصیلی دورہ کیا۔ ان کے ہمراہ ڈی ایچ او ڈاکٹر اسرار الحق اور پی ٹی آئی کے فوکل ہیلتھ پرسن شوکت بھٹنی بھی موجود تھے۔

دورے کے دوران انہوں نے ہسپتال کے مختلف شعبہ جات، او پی ڈی، ایمرجنسی، مردانہ و زنانہ وارڈز، میڈیسن سٹور، لیبارٹری، صفائی ستھرائی اور دیگر انتظامی امور کا باریک بینی سے معائنہ کیا۔ اس موقع پر ہسپتال انتظامیہ اور متعلقہ افسران بھی ان کے ہمراہ موجود تھے۔
تفصیلات کے مطابق ڈپٹی کمشنر جمشید خان نے ہسپتال میں مریضوں کو فراہم کی جانے والی طبی سہولیات، ادویات کی دستیابی، ڈاکٹرز، نرسنگ سٹاف اور دیگر طبی عملے کی حاضری کا تفصیلی جائزہ لیا۔ انہوں نے مختلف شعبہ جات میں موجود مریضوں اور ان کے لواحقین سے ملاقاتیں کیں، ان کی خیریت دریافت کی اور علاج معالجے سے متعلق درپیش مسائل اور شکایات بھی سنیں۔
دورے کے دوران بعض مریضوں نے ادویات اور دیگر سہولیات سے متعلق مسائل کی نشاندہی کی، جس پر ڈپٹی کمشنر نے متعلقہ حکام کو فوری اقدامات اٹھانے کی ہدایات جاری کرتے ہوئے کہا کہ عوام کو صحت کی بنیادی سہولیات کی فراہمی حکومت کی اولین ترجیحات میں شامل ہے اور اس سلسلے میں کسی قسم کی غفلت یا کوتاہی برداشت نہیں کی جائے گی۔
ڈپٹی کمشنر جمشید خان نے ہسپتال انتظامیہ کو ہدایت کی کہ مریضوں کے ساتھ خوش اخلاقی کو یقینی بنایا جائے اور علاج معالجے کے عمل میں شفافیت اور بہتری لائی جائے۔ انہوں نے کہا کہ ہسپتال میں ادویات کی بلا تعطل فراہمی، صفائی ستھرائی کے مؤثر انتظامات اور طبی عملے کی مستقل حاضری ہر صورت یقینی بنائی جائے تاکہ شہریوں کو علاج کے دوران کسی قسم کی دشواری یا پریشانی کا سامنا نہ کرنا پڑے۔انہوں نے مزید کہا کہ وزیراعلیٰ خیبرپختونخوا کی خصوصی ہدایات کے مطابق سرکاری ہسپتالوں میں طبی سہولیات کے معیار کو بہتر بنانے کے لیے عملی اقدامات جاری ہیں، اور ضلعی انتظامیہ اس حوالے سے مسلسل نگرانی کر رہی ہے تاکہ عوام کو ریلیف فراہم کیا جا سکے۔دورے کے اختتام پر ڈپٹی کمشنر نے ہسپتال انتظامیہ کو تمام امور مزید بہتر بنانے اور عوامی خدمت کے جذبے کے تحت فرائض انجام دینے کی ہدایت کی۔

کچے کے ڈاکو کا 11 سالہ معصوم بچی کا اغوا اور دو ماہ سے ریاستی ناکامی انتہائی شرمناک ہے۔ حکومت اور متعلقہ ادارے مکمل طور پر بےحس، ناکام اور بےاختیار نظر آ رہے ہیں۔ ڈاکو دندناتے پھر رہے ہیں اور ریاست صرف بیانات تک محدود ہے۔ یہ مجرمانہ غفلت نہیں تو اور کیا ہے؟
ہم پرزور مطالبہ کرتے ہیں کہ فوری طور پر بھرپور آپریشن کیا جائے، بچی کو بحفاظت بازیاب کرایا جائے اور اس پورے نیٹ ورک کو نشانِ عبرت بنایا جائے۔ اب مزید خاموشی اور تاخیر ناقابلِ برداشت ہے۔

ایم پی اے آصف محسود کے خلاف ترنول امن جرگہ کے بعد دجالی میڈیا کی جانب سے انتقامی مہم چلائی جا رہی ہے۔ تاہم حق کی آواز کو دبایا نہیں جا سکتا۔ آصف محسود ہمیشہ امن، اتحاد اور عوامی حقوق کے علمبردار رہے ہیں، اسی لیے مخالفین پروپیگنڈے کے ذریعے عوام کو گمراہ کرنے کی کوشش کر رہے ہیں۔

ایم پی اے آصف محسود کی آواز خیبرپختونخوا اور جنوبی وزیرستان کے غیور عوام کی آواز ہے۔ آڈیو میں ان کی آواز شامل ہی نہیں، لیکن جانبدار میڈیا سستی شہرت اور جھوٹے بیانیے کے لیے بکاؤ ہتھکنڈوں پر اتر آیا ہے۔ عوام اب باشعور ہو چکے ہیں
یہ کارروائی صرف ایم پی آصف محسود کے خلاف نہیں بلکہ خیبر پختونخوا اور جنوبی وزیرستان کے ہر اس فرد کے خلاف ہے جو اپنے حقوق کی بات کرتا ہے۔ عوامی نمائندوں کو متنازع بنا کر آپ عوام کی جدوجہد کو کمزور نہیں کر سکتے۔ ہم ہر اس آواز کے ساتھ ہیں جو حق اور انصاف کے لیے اٹھے۔
حقائق کو چھپانے اور سچ کو دبانے کے لیے جتنا مرضی پروپیگنڈا کر لیں، جیت ہمیشہ سچ کی ہوتی ہے۔ ٔجنوبی وزیرستان کے عوام اپنے حقوق اور عزت پر کوئی سمجھوتہ نہیں کریں گے۔ آصف محسود کا قصور صرف یہ ہے کہ وہ عوام کا سچا ترجمان ہے۔

لکی مروت: تھانہ غزنی خیل کی حدود میں گل باز دھقان کے ساتھ روڈ کے کنارے سےنامعلوم نوجوان کی لاش برآمد جن کو فائرنگ کرکے شہید کیا گیا ،ابتدائی معلومات

ٹانک میں ایک اور افسوسناک واقعہ;
واقعے کے مطابق ٹانک کے علاقے وزیر آباد کے قریب نامعلوم مسلح افراد کی فائرنگ کے نتیجے میں صلاح الدین ولد شراب الدین، قوم بیٹنی، سکنہ منزئی جاں بحق ہو گئے۔