Government S.M High School Tando Allah Yar

Government S.M High School Tando Allah Yar ايس ايم ھاء اسڪول ٽنڊوالهيار جو قديمي اسڪول آھي جنھن جو باني حاجي صادق ميمڻ آھي.

نائين ڪلاس جي شاگردن جا ساليانا پريڪٽيڪل امتحان سڀاڻي کان ھن شيڊيول مطابق گورنمينٽ (ن) ايس ايم ھائي اسڪول ۾ ورتا ويندا. ...
18/03/2025

نائين ڪلاس جي شاگردن جا ساليانا پريڪٽيڪل امتحان سڀاڻي کان ھن شيڊيول مطابق گورنمينٽ (ن) ايس ايم ھائي اسڪول ۾ ورتا ويندا.
جڏھن ته ڏھين ڪلاس جا پريڪٽيڪل بورڊ امتحانن کان پوء ورتا ويندا.

تعليم وارا ئي زنده آهن باقي سڀ مرده! . .تعليم ٻار جو بنيادي ۽ آئيني حق آهي، پاڻ کي ڀلي ٿوري تڪليف ڏيو پر پنھنجي ٻارن کي...
11/08/2024

تعليم وارا ئي زنده آهن باقي سڀ مرده!

.

.

تعليم ٻار جو بنيادي ۽ آئيني حق آهي، پاڻ کي ڀلي ٿوري تڪليف ڏيو پر پنھنجي ٻارن کي تعليم ضرور ڏيو.

پنهنجي پنجون درجو پاس ٻار کي گورنمينٽ ايس ايم ھاء اسڪول ٽنڊوالهيار ۾ داخل ڪرايو جتي قابل استاد ۽ ماهر ائڊمنسٽريشن جي وقف ٿيل ٽيم هڪ اعلي معيار جي تعليم مھيا ڪرڻ لاءِ پر عزم آهي.
جنهن جو مقصد علمي خوبي، تخليقيت، ۽ ڪردار جي ترقي کي فروغ ڏيڻ آهي.



.

اوهان جو يقين ۽ اسان جي محنت،
توهان جي ٻار جي خوشحال مستقبل جي ضمانت آهن.

ميھار خاصخيلي
انچارج ھيڊ ماستر
گورنمينٽ ايس ايم ھاء اسڪول ٽنڊوالهيار.



سينئر اُستاد محترم عبدالجبار مستوئي صاحب گورنمينٽ سنڌ ماڊل هاءِ اسڪول ٽنڊوالهيار ۾ 33 سال علمي خدمتون سرانجام ڏئي 27 مئي...
28/05/2024

سينئر اُستاد محترم عبدالجبار مستوئي صاحب گورنمينٽ سنڌ ماڊل هاءِ اسڪول ٽنڊوالهيار ۾ 33 سال علمي خدمتون سرانجام ڏئي 27 مئي 2024 تي تعليم کاتي مان ريٽائر ٿيا.

تحرير:- حنيف جروار

جڏھن کان ٿيام ساڃان سپرين سين
تڏھن کان تر جيترو ويل ۾ وسريام
اندر روح رھيام ، سڄڻ اوطاقون ڪري.
شاھ ڀٽائي رح

اسان جي سونهاري سنڌ هميشه قربدار ۽ محبتي ماڻهن جي وسندي رھي آھي. جتي مهمان نوازي ، ڀائپي ، دوستي هڪ وفادار فعل طور نڀائي ويندي آهي. اهڙين ئي مڻيادار خوبين ڀرئي شخصيت عبدالجبار مستوئي صاحب جن جي آهي.
پڪ سان اھا رات ڀاڳ واري هوندي. جڏھن چنڊ پنهنجي جوڀن جواني سان اُهو اڱڻ روشناس ڪيو ھوندو ۽ آسمان جي تارن بہ جڳمڳائڻ شروع ڪيو ھوندو؟
اھا سڀاڳي رات 28 مئي 1964ع تي ضلعي ٽنڊوالهيار جي جھنڊو مري تعلقي جي پراڻي قدرتي وهڪري ساڱري جي ڪنڌي تي هڪ ننڍي ڳوٺ صوڀو خان مستوئي ۾ حاجي غلام محمد مستوئي صاحب جي گهر ۾ هڪ خوبصورت ٻالڪ مفتي خليفا عبدالجبار مستوئي طاهري صاحب جن جو جنم ٿيو. هن پرائمريءَ تعليم ۽ ناظره قرآن پاڪ پنهنجي اباڻي ڳوٺ مان پڙهي ، مڊل جي تعليم جھنڊو مري ۽ پيارو لنڊ مان ڪشالا ڪٽي حاصل ڪيائين. وڌيڪ تعليم لاء مفتي عبدالجبار مستوئي صاحب کي نائين ڪلاس لاء هاءِ اسڪول هالا پراڻا ۾ داخل ڪيو ويو. ڏهون ڪلاس وري نور محمد هاءِ اسڪول حيدرآباد ۾ 1979ع ڌاري پاس ڪيائين.
انٽر جي تعليم ڊگري ڪاليج ٽنڊومحمدخان مان حاصل ڪيائين.
روحاني ۽ شرعي علم جي شروعات 1982ع ۾ طاهراباد شريف ۽ طريقه عاليه نقش بندي جي سالار حضرت سهڻا سائين نورالله مرقدھ جي هٿ تي بعيت ڪَئي ۽ ديني علم شروع ڪيو.
درس نظامي ، دستار فضيلت جامع غفاريہ الله آباد شريف ڪنڊيارو , شهادت العاليہ B.A تنظيم المدارس پاڪستان پوري مُلڪ ۾ پهرين پوزيشن حاصل ڪيائين. M.A (اسلامڪ ڪلچر - عربڪ) جي ڊگريءَ ٽنڊومحمدخان ڊگريءَ ڪاليج مان حاصل ڪيائين. O.T.C جي ڊگريءَ ايليمينٽري ڪاليج حيدرآباد مان حاصل ڪيائين .
مستوئي صاحب علمي ۽ سماجي زندگي جو هڪ نہ وسرندڙ هيرو آهن. وسيع مطالعي ، وسيع فڪر ۽ وسيع مسترب وارا صوفي آهن. تصوف جي ڪتابن جو ڪافي علم ۽ وٽس ڄاڻ اٿس. سائين جن جي زبان سلوڻي ۽ مٺي ، هلڪي ۽ دل پزير آهي. سندس شاگردن ۽ صحبتن جو وڏو حلقو موجود آهي.
مفتي خليفا عبدالجبار مستوئي طاهري صاحب جن سرڪاري ملازم بطور B.P.S 9 O،T سترهن آڪٽوبر 1989 هاءِ اسڪول چُکي کان شروع ٿي. درس و تدريس جاري رکيائين ان کان پوءِ پراونشلائزڊ هاءِ اسڪول ٽنڊوالهيار ۾ رهيا. اتان 1991-10-22 تي اتان بدلي ٿي سِنڌ ماڊل هاءِ اسڪول ٽنڊوالهيار ۾ پير پاتائين.
محترم عبدالجبار مستوئي صاحب جن جي شادي خانه آبادي 1991ع ۾ ٿي جنهن مان ٻه پُٽ. ۽ ٻن نياڻين جو اولاد آهي.
مفتي خليفا محترم عبدالجبار مستوئي طاهري صاحب جن غريبن جي بچن جي تعليمي ، اخلاقي ، سماجي ۽ ديني خدمت لاء تعليم کاتي ۾ گهڙيو. ريٽائرمنٽ تائين انهي ساڳئي جوش جذبي ، لگن ۽ جاکوڙ سان علمي خدمت ڪندي 27 مئي تي رٽائرڊ ٿي رھيا آھن. هزارين شاگرد سندس شاگردي ۾ تعليم ۽ صحبت مان فيضياب ٿيا آهن.
سائين جن جو لفظن جو انتخاب نهايت حسين ۽ اندازي بيان دلڪش ۽ دل کي ڇهيندڙ آهي. سندس زبان اُستادانا ۽ پختگي سان ڀرپور نظر اچي ٿي. جيڪا شاگردن ۾ ڪشش ۽ دل چسپي پيدا ڪري ٿي.
مفتي صاحب خليفا عبدالجبار مستوئي طاهري جن جو اندازي بيان ٿڪائيندڙ ۽ منجهائيندڙ نہ آهي. پر وندرائيندڙ ۽ روح افزا اهي. پاڻ سنڌي کان سواء عربي ، فارسي ، اردو تي بہ عبور رکن ٿا.
ديني ۽ علمي ڪڇھري ۾ مستوئي صاحب هوندو ته اُھا ڪڇھري بنھ پئي ٻهڪندي. مطلب تہ مستوئي صاحب نهايت شگفته مزاج بزرگ هستي آهن. حاضر جواب ڳالھ ۾ اصل نہ گسندا ، سچ پچ ته مستوئي صاحب پنهنجيءَ انفرادي حيثيت سان وڏين خوبين جا مالڪ آھن.
رب ڪريم کيس اڃان وڏي حياتي عطا فرمائي. آمين.

ُستاد_محترم_غلام_محمد_نانگور_صاحب گورنمينٽ سنڌ ماڊل هاءِ اسڪول ٽنڊوالهيار تعليم کاتي مان گورنمينٽ جي ملازمت پوري ڪري 06...
24/05/2024

ُستاد_محترم_غلام_محمد_نانگور_صاحب
گورنمينٽ سنڌ ماڊل هاءِ اسڪول ٽنڊوالهيار
تعليم کاتي مان گورنمينٽ جي ملازمت پوري ڪري 06 مئي 2024 تي ريٽائر ٿيا-
تحرير:- حنيف جروار
سنڌ ڌرتيءَ جي ضلعي ٽنڊوالهيار جي زرخيز مٽي مان سوين اهڙن هيرن جنم ورتو آهي. اھا خوشبودار مٽي هميشه کان وٺي قربدار ۽ محبتي ماڻهن جي رهي آهي. هتي جا رهواسي مهمان نواز ، پرخلوص ، وفادار ، سخي ، ۽ دلير رهندا پيا اچن. اهڙن مڻيادار خوبين ڀريل شخصيتن مان هڪ شخصيت محترم محمد ابراهيم ناگور صاحب جن جي بہ آهي. پاڻ ڳوٺ جا هڪ نيڪ مرد هئا. سندس اڳواڻي ۾ ڳوٺ ۽ ڳوٺ کانسواء ھر هنڌ هاڪ هوندي هئي. سندس فيصلا انصاف ۽ ايمانداري سان بجا آڻيندا هئا. اُٿي ويٺي ڳوٺ کان سواء راڄ جي ٻين برادرين ۾ بہ وڏي پيماني تي ھوندي هوس.
اھڙي سدابهار شخصيت جي مالڪ رئيس محمد ابراهيم ناگور جي گهر ۾ 8 مئي 1964ع تي هڪ پُٽ جي پيدائش ٿي. جنهن جو نالو هوڏ ۽ ڪوڏ مان غلام محمد رکيو ويو. سندس ڳوٺ جو نالو حاجي بچل ناگور پيارو لنڊ ٽنڊوالهيار آهي.
ننڍڙي غلام محمد کي پرائمريءَ تعليم لاء گورنمينٽ پرائمريءَ اسڪﻮﻝ پيارو لنڊ ۾ ڇڏيو ويو. اها تعليم پوري ڪري وڌيڪ مڊل جي تعليم بہ اتان ئي حاصل ڪيائين تعليم جو سلسلو هلندڙ هو ته اوچتو سندس والد صاحب ھن فاني دُنيا مان لاڏاڻو ڪري ويو انھي وقت غلام محمد جي ڄمار يارنهن سال هئي. پوءِ سندس مامي جي سار سنڀال ۾ رھيو.
غلام محمد صاحب ميٽرڪ جي تعليم لاء 1982 ڌاري گورنمينٽ هاءِ اسڪول سلطان آباد ۾ پرائڻ لاءِ پهتو اتي سندس جي نہ لڳو. پوءِ ميونسپل هاءِ اسڪول حسین آباد حيدرآباد ۾ رهيو. انٽر جي تعليم سنڌ ماڊل ڪاليج ٽنڊوالهيار مان حاصل ڪيائين.
ناگور صاحب کي اڃان وڌيڪ تعليم لاء سنڌ يونيورسٽي ڄامشورو ۾ وڃڻو ﭘﻴﻮ. جتان هن B.A ۽ M.A جون ڊگريون حاصل ڪيائين. ان کان پوءِ B.Ed جي ڊگريءَ علامه اقبال اوپن يونيورسٽي اسلام آباد مان ورتائين. سائين غلام محمد جي شادي 1994 ۾ ٿي جنهن مان 3 پٽ 1 نياڻي جو اولاد ٿيو.
ناگور صاحب کي 1995ع ڌاري گورنمينٽ جي نوڪري ۾ پير پاتو . پاڻ L.T جي عهدي تي گورنمينٽ سنڌ ماڊل هاءِ اسڪول ٽنڊوالهيار ۾ 20 مئي 1994 تي جوائن ڪري
درس و تدريس کي لڳي ويا. سائين غلام محمد ناگور صاحب ادبي ، سماجي ، سياسي خدمتون بہ سرانجام ڏنيون آهن. پاڻ نثر ۽ نظم ۾ ڪافي ڪجھ لکيو بہ اٿن. هن جو گھڻو وقت قوم پرست سياست ۾ بہ رھيو آھي. پاڻ 1980 کان وٺي اڄ تائين ادبي پروگرامن ۾ شرڪت ڪندا پيا اچن. پاڻ ادبي سنگت جي مختلف عهدن تي بہ رهيا آهن. محترم غلام محمد ناگور صاحب جي والد صاحب جي وڇڙي وڃڻ کان پوءِ ڳوٺ جي چڱ مڙسي جي پڳ بہ ٻڌرائي وئي. هن پنهنجي برادري جا ڪيترائي فيصلا ايمانداري ۽ انصاف سان ڪندا پيا اچن.
محترم غلام محمد صاحب تقريبن 30 سال کن گورنمينٽ سنڌ ماڊل هاءِ اسڪول ٽنڊوالهيار ۾ پنهنجو علمي خدمتون سرانجام ڏنيون آهن. اسڪول ۾ سندس سبجيڪٽ ھميشہ سنڌي رھيو آھي. سندس موجودگي ۾ هن اداري مان ڪيترائي شاگرد تعليم حاصل ڪري اڄ وڏن عهدن تي فائز آهن. اها سڀ اُستاد صاحبان جي محنت ۽ لگن جو سلو آهي.
اڄ سائين جن پنهنجي گورنمينٽ سروس پوري ڪري تعليم کاتي مان ريٽائرڊ ٿي رھيا آھن. کيس ڪيل علمي ادبي سماجي خدمتن جي عيوض خارج تحسين پيش ڪيون ٿا.
آخر ۾ سائين جن جي لاء دعاڳو آهيون. تہ سائين وڏي ڄمار ماڻي ۽ ھميشہ خوش آباد هجي .

گورنمينٽ ايس ايم ھاء اسڪول ٽنڊوالهيار جي نائين ۽ ڏھين ڪلاس جي شاگردن کي اطلاع ٿو ڏجي تہ پريڪٽيڪل امتحان سومر 20 مئي 2024...
18/05/2024

گورنمينٽ ايس ايم ھاء اسڪول ٽنڊوالهيار جي نائين ۽ ڏھين ڪلاس جي شاگردن کي اطلاع ٿو ڏجي تہ پريڪٽيڪل امتحان سومر 20 مئي 2024 کان ٿي رھيا آھن.
براءِ مهرباني پنھنجي حاضري کي يقيني بنائين انھي سان گڏوگڏ اسڪول ۾ بڪ بئنڪ بہ قائم ڪيل آھي سڀ شاگرد پنھنجا پراڻا ڪتاب اسڪول ۾ جمع ڪرائن.
بحڪم ھيڊ ماستر
ايس ايم ھاء اسڪول

-انشاالله تي اسڪول ۾ ٿيندي.
04/05/2024

-

انشاالله تي اسڪول ۾ ٿيندي.

.ايس ايم ھاء اسڪول جو نامور استاد. .ڳوٺ محمد علي پرھياڙ جو سکيو ستابو زميندار چاچا حاجي سائين بخش مرحوم جي فرزندن مان ٻي...
09/03/2024

.
ايس ايم ھاء اسڪول جو نامور استاد.

.

ڳوٺ محمد علي پرھياڙ جو سکيو ستابو زميندار چاچا حاجي سائين بخش مرحوم جي فرزندن مان ٻيو نمبر فرزند سائين غلام رسول پرهياڙ هڪ بهترين استاد، راڄائتو ۽ سمجهداري سان بهتر فيصلا ڪن هر ڪنهن سان سٺي عليڪ سليڪ رکندڙ محبتي ۽ محنتي انسان هو. پاڻ گهڻ گڻائتي شخصيت هئا. بحيثيت استاد سندن ڪئريئر بهتر رهيو. سياسي سماجي حوالي سندن بهتر ڪردار اصولي فيصلن ڪري معاشري ۾ نه رڳو سندن ذاتي ڪردار کي مڃتا ملي پر ڳوٺ وارن لاء بهتر فيصلا ٿي سگهيا جنهن ڪري ڳوٺ جا ڪافي مسئلا بروقت حل ٿيا.

غلام رسول ولد حاجي سائين بخش پرھياڙ
جي سن پيدائش 30جون 1958 لکيل آهي جيڪا اسڪول جي جنرل رجسٽر جي داخلا موجب آھي.

سندس پرائمري تعليم ڳوٺ جي اسڪول ۾ ٿي وڌيڪ پڙھائي لاء اسلاميه ھاء اسڪول مسڻ وڏي ۾ داخل ٿيا ڇھين درجي کان نائين درجي تائين مسڻ وڏي جي اسڪول جي ھاسٽل ۾ رھيا پوء اسڪول نيشنلائيزڊ ٿيڻ کانپوءِ نائون ۽ ڏھون ايس ايم ھاء اسڪول ٽنڊو الهيار مان پاس ڪيائون.

ان زماني ۾ کين مئٽرڪ سائنس ۾ سيڪنڊ ڊويزن ملي جيڪا سندن مائٽن ۽ استادن لاء خوش آئند ھئي سندن ھاء اسڪول ۾ پڙھڻ دوران سائين محمد خان شيخ سندن آئيڊيل استاد ھوندا ھئا باقي بہ سائين اسرار احمد آرائين ، سائين قادر بخش گهراڻو ۽ ٻيا سندن سٺن استادن ۾ شامل ھئا.

ان دور ۾ ٽنڊو الهيار ۾ ڪوبہ انٽرميڊئيٽ ڪاليج ڪونہ ھو انڪري پڙھائي لاء سعيدپور ڪاليج ۾ داخلا ورتي جتي يارنھون ۽ ٻارنھون پري ميڊيڪل ۾ سٺن نمبرن سان پاس ڪيائون.
پر کين ميڊيڪل ڪاليج ۾ داخلا نہ ملي سگھي ٿورن نمبرن تان رھجي ويا پوء 1980ع ۾ مير غلام عليءَ ٽالپر ڪاليج ٽنڊو محمدخان ۾ بي ايس سي ۾ داخل ٿيا ۽ سٺن نمبرن سان پاس ٿيا، ٻيھر انٽر انجنيئرنگ پاس ڪري ان کان پوء مھراڻ انجنيئرنگ يونيورسٽي نوابشاهه ۾ بي اي اليڪٽريڪل ۾ سندن داخلا ٿي پر ڪجھ مجبورين جي ڪري پڙھائي جاري ڪونہ رکي سگھيا.

تعليم کاتي ۾ بطور سائنس ٽيچر 17 مارچ 1986ع تي ڀرتي ٿيا سندس مقرري ايس ايم ھاء اسڪول ٽنڊو الهيار ۾ ٿي بعد سائين بي ايڊ جي ٽريننگ حاصل ڪرڻ کانپوءِ کين ڪجھ عرصي لاء گورنمينٽ هاء اسڪول بڪيرا شريف ۾ رکيو ويو هو. بعد ۾ وري ايس ايم هاء اسڪول ۾ مقرر ٿيا. جتي رٽائرمينٽ تائين رھيا رٽائرمينٽ جي تاريخ 30 جون 2018. سندس شاگردن جو وڏو تعداد اڄ بہ مختلف ادارن ۾ ڪم ڪري رهيو آهي ۽ کين دعائن ۾ ياد ڪندا آھن.

سائين غلام رسول جي محنتن سان سندن ڀائر ن ۾ ڊاڪٽر محمد ابراهيم پرهياڙ ايم بي بي ايس ڪري ڊاڪٽر بڻيو ۽ اڄڪلھ ڊسٽرڪٽ هيلٿ آفيسر ٽنڊو الهيار طور خدمتون سرانجام ڏيئي رهيو آهي. جڏهن ته ٻيو ڀاء غلام علي خان پرهياڙ پوليس انسپيڪٽر طور پوليس کاتي مان رٽائرڊ ٿيو آهي.
سندس اولاد ۾ ٻه پٽ گل حسن ۽ غلام سرور تعليم کاتي ۾ استاد ۽ غلام مرتضي ايجوڪيشن آفيس ۾ ڪلارڪ آھي سائين بخش سندن ٽيون فرزند مولوي دستاربند آھي ۽ ننڍو غلام قادر بي اي سول انجنيئر آهي جيڪو بحريه ٽائون ڪراچي ۾ برسر روزگار آھي.

سائين غلام رسول پرهياڙ جي 14 فيبروري 2021 ع تي وفات ٿي.

Address

Station Road Tando Allah Yar
Tando Allahyar
70010

Opening Hours

Monday 08:00 - 14:00
Tuesday 08:00 - 14:00
Wednesday 08:00 - 14:00
Thursday 08:00 - 14:00
Friday 08:00 - 12:30
Saturday 08:00 - 14:00

Telephone

+923023104402

Website

Alerts

Be the first to know and let us send you an email when Government S.M High School Tando Allah Yar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category