01/07/2026
گورنمنٹ ہائی سکول بلال آباد کے طلبہ کی سکاؤٹنگ کیمپ میں بھرپور شرکت
گورنمنٹ ہائی سکول بلال آباد کے 15 طلبہ ان دنوں گھوڑا گلی، مری میں منعقدہ سکاؤٹنگ کیمپ میں بھرپور انداز سے شرکت کر رہے ہیں۔ اس تربیتی کیمپ میں ضلع تلہ گنگ سے تقریباً 100 طلبہ شریک ہیں، جہاں انہیں سکاؤٹنگ کی عملی تربیت، نظم و ضبط، قیادت، خود انحصاری، ٹیم ورک اور خدمتِ خلق جیسے اہم اوصاف سے روشناس کرایا جا رہا ہے۔
گورنمنٹ ہائی سکول بلال آباد کے طلبہ اس کیمپ میں محترم محمد داؤد صاحب اور محترم محمد اقبال صاحب کی زیرِ نگرانی شرکت کر رہے ہیں، جو طلبہ کی بہترین رہنمائی اور تربیت میں مصروف ہیں۔ امید ہے کہ یہ تربیتی کیمپ طلبہ کی شخصیت سازی، قائدانہ صلاحیتوں کے فروغ اور قومی خدمت کے جذبے کو مزید مضبوط بنانے میں اہم کردار ادا کرے گا۔
اللہ تعالیٰ تمام شرکاء کو کامیابی عطا فرمائے اور اس تربیت کو ان کے لیے مفید اور بابرکت بنائے۔
