GHS NO 1 Talagang

عنایت اللہ صاحب کی ریٹائرمنٹ پر الوداعی پارٹی کی چند تصویری جھلکیاں۔

دو خوبصورت ستارے، جو برسوں سے اپنی روشنی بکھیرتے رہےمحترم فاروق علی صاحب اور محترم عنایت اللہ صاحب
انتہائی مخلص، ہر دل عزیز اور شفیق شخصیات محترم فاروق علی صاحب اور محترم عنایت اللہ صاحب آج اپنی طویل اور قابلِ فخر تدریسی خدمات مکمل کرکے گورنمنٹ ہائی سکول نمبر 1 تلہ گنگ سے رخصت ہوگئے۔
آپ دونوں حضرات نے اپنی زندگیاں علم، ادب اور کردار سازی کے لیے وقف کیے رکھیں۔ آپ کے اخلاق، خلوص، محبت اور شفقت نے نہ صرف شاگردوں بلکہ ساتھی اساتذہ کے دل بھی جیت لیے۔
کچھ پرانی، قیمتی اور خوبصورت باتیں صرف فاروق علی صاحب سے ہی منسوب تھیں، جنہیں ہم کبھی فراموش نہیں کر سکیں گے۔ خصوصاً پرانے اساتذہ کے خوبصورت واقعات، یادیں اور باتیں آپ کے پاس ایک قیمتی خزانے کی مانند تھیں، جنہیں آپ موقع و محل کے مطابق نہایت خوبصورت اور دلنشین انداز میں بیان کرتے تھے۔ کمال کا حافظہ ڈھیروں خوبصورت باتیں آپ کو یاد تھیں ۔آپ کی گفتگو میں اپنائیت، محبت اور خلوص جھلکتا تھا، جو ہر سننے والے کے دل کو چھو جاتا تھا۔
محترم عنایت اللہ صاحب بھی نہایت خوبصورت شخصیت کے مالک انسان ہیں۔ آپ کی شرافت، ملنساری، عاجزی اور شفقت ہمیشہ یاد رکھی جائے گی۔ آپ نے اپنی 37 سالہ شاندار سروس کے دوران ہزاروں شاگردوں کی علمی و اخلاقی تربیت کی اور اپنے کردار سے ہر دل میں عزت و محبت پیدا کی۔آپ دونوں حضرات صرف بہترین اساتذہ ہی نہیں بلکہ عظیم انسان بھی ہیں، جنہوں نے اپنے علم، کردار اور محبت سے بے شمار دلوں کو روشن کیا۔دو خوبصورت ستارے جو برسوں سے اپنی روشنی بکھیرتے رہے، دونوں کے اپنے اپنے اُفق تھے، اپنی اپنی چمک تھی، اور دونوں کی روشنی نے ہمیشہ اس ادارے اور اس سے وابستہ دلوں کو منور کیے رکھا۔آپ دونوں کی خدمات ہمارے ادارے کا ایک روشن باب ہیں، جنہیں ہمیشہ سنہری الفاظ میں یاد رکھا جائے گا۔اللہ تعالیٰ آپ دونوں کو صحتِ کاملہ، خوشیوں بھری زندگی اور عمرِ دراز عطا فرمائے۔ آمین
آپ دونوں ہمیشہ ہمارے دلوں میں زندہ رہیں گے۔
Asim Rashid Malik

گورنمنٹ ہائی سکول نمبر 1 تلہ گنگ کی شاندار اور دیرینہ روایات کو برقرار رکھتے ہوئے، طلبہ اور اساتذہ میں نظم و ضبط، تعلیمی لگن اور صحت مند مقابلے کا رجحان پیدا کرنے کے لیے ایک پروقار تقریب کا انعقاد کیا گیا، جس میں ماہانہ بنیادوں پر دیے جانے والے "اسٹار آف دی منتھ" اور "ٹیچر آف دی منتھ" اعزازات کا اعلان کیا گیا۔
​اس اقدام کا بنیادی مقصد سکول میں ایک منظم تعلیمی ماحول قائم کرنا اور طلبہ کے مابین تعلیمی و تدریسی سرگرمیوں میں آگے بڑھنے کا جذبہ پیدا کرنا ہے، تاکہ مستقبل میں بہترین نتائج حاصل کیے جا سکیں۔
​مئی 2026ء کے لیے منتخب ہونے والے طلبہ اور اساتذہ کی تفصیلات درج ذیل ہیں:
​🌟 طلبہ کے لیے "اسٹار آف دی منتھ" (مئی 2026)
​جماعت ششم، ہفتم، ہشتم، نہم اور دہم سے ان طلبہ کا انتخاب کڑے معیار پر پورا اترنے کے بعد کیا گیا ہے۔ انتخاب کے لیے درج ذیل پہلوؤں کو مدنظر رکھا گیا:
✅​بہترین اور سو فیصد حاضری
✅​روزانہ کی بنیاد پر ہوم ورک کی باقاعدگی
✅​خوشخطی (بہترین ہینڈ رائٹنگ)
✅ پینٹنگ کے مقابلوں میں نمایاں کارکردگی
✅​صاف ستھرا اسکول یونیفارم
✅ مثالی نظم و ضبط(ڈسپلن)
✅ ریگولر کلاس ورک
ان نمایاں پوزیشن حاصل کرنے والے بچوں کو اسٹیج پر بلا کر ان کی بھرپور حوصلہ افزائی کی گئی اور پرنسپل عاصم رشید ملک صاحب کی جانب سے ان کی شاندار کارکردگی کے اعتراف میں فری اسٹیشنری بطور انعام دی گئی۔
​👨‍🏫 اساتذہ کے لیے "ٹیچر آف دی منتھ" ایوارڈ
​تدریسی عمل کو مزید مؤثر بنانے اور اساتذہ کی شبانہ روز محنت کو سراہنے کے لیے ادارہ ہذا کے دو مختلف ونگز سے بہترین کارکردگی کا مظاہرہ کرنے والے اساتذہ کو اس اعزاز سے نوازا گیا:
​ایلیمنٹری ونگ سے ایک ٹیچر کو بہترین کارکردگی کی بنیاد پر ( میدان سائرہ شاہین) اور ​سیکنڈری ونگ سے ایک ٹیچر کو بہترین کارکردگی کی بنیاد پر ( ممتاز حیدر)ان اساتذہ کی محنت اور لگن کو خراجِ تحسین پیش کرنے کے لیے پرنسپل صاحب کی جانب سے ایک خصوصی ٹی پارٹی کا اہتمام کیا گیا۔
"ادارے میں مختلف کیٹیگریز کے یہ مقابلے ہر ماہ باقاعدگی سے منعقد کیے جاتے ہیں۔ اس کا مقصد طلبہ کے درمیان تعلیم سے گہری وابستگی اور تعلیمی میدان میں ایک دوسرے سے آگے بڑھنے کی صحت مند فضا قائم کرنا ہے، تاکہ گورنمنٹ ہائی سکول نمبر 1 تلہ گنگ کا نام روشن رہے اور طلبہ ملک و قوم کا سرمایہ بن سکیں۔

گورنمنٹ ہائی سکول نمبر 1 تلہ گنگ کی سابقہ ڈویژنل ونر ہاکی ٹیم کا سربراہ ادارہ ملک غلام اصغر مرحوم اور ہاکی منیجر ملک سلیم اقبال مرحوم کے ہمراہ۔
استاد محترم عبد القیوم صاحب، ملک جعفر صاحب اور عابد ربانی (کوچ) بھی موجود ہیں۔
پلیئر ز
محمد عمران
محمد عامر
امتیاز حسین
ناصر مندیال
محمد نوید
ملک باسط
وغیرہ

Report (Talagang)
TALAGNAG Times
Ch. Ghulam Rabbani sb

Report (Talagang)
Qaiser Jeffery