Govt Boys High School Tahlian

25/05/2026

🏆 قابلِ فخر کامیابی 🏆
گورنمنٹ ہائی سکول ٹاہلیان کے ہونہار اور باصلاحیت طالبعلم عبد الوہاب راشد نے تحصیل لیول (تحصیل پلندری) کے تقریری مقابلہ میں شاندار کارکردگی کا مظاہرہ کرتے ہوئے پہلی پوزیشن حاصل کر لی اور ضلعی سطح کے مقابلوں کے لیے کوالیفائی کر لیا۔
عبد الوہاب راشد کی یہ نمایاں کامیابی اُن کی محنت، اعتماد اور اساتذہ کرام کی بہترین رہنمائی کا منہ بولتا ثبوت ہے۔ اس کامیابی نے نہ صرف سکول بلکہ پورے علاقے کا نام روشن کیا ہے۔
ادارہ ہذا اپنے قابل طالبعلم، اساتذہ کرام اور والدین کو دلی مبارکباد پیش کرتا ہے اور ضلعی سطح پر مزید کامیابیوں کے لیے نیک تمناؤں کا اظہار کرتا ہے۔
🌹 اللہ تعالیٰ مزید ترقیوں اور کامیابیوں سے نوازے۔ آمین

07/05/2026

گورنمنٹ بوائز ہائی اسکول ٹاھلیان کے اساتذہ کرام کی جانب سے قائم کردہ فلاحی ٹرسٹ "علم الفلاح" کا ایک قابلِ ستائش اقدام 🌟
علم الفلاح ٹرسٹ کی وساطت سے گورنمنٹ بوائز ہائی اسکول ٹاھلیان کے یتیم، نادار اور مستحق طلبہ میں کتابیں، کاپیاں اور دیگر تعلیمی سامان تقسیم کیا گیا۔ اس نیک کام پر تقریباً 35 سے 40 ہزار روپے کے اخراجات آئے، جو اساتذہ کی تعلیم دوستی اور انسانیت سے محبت کا واضح ثبوت ہے۔
مزید برآں، ادارے کے دو نمایاں اور قابلِ فخر طلبہ، عبدالوہاب راشد اور سمیع اللہ شاہد، جنہوں نے اپنی کلاس میں بہترین کارکردگی کا مظاہرہ کیا، کو بھی خصوصی طور پر کتابیں اور کاپیاں فراہم کی گئیں تاکہ ان کی حوصلہ افزائی ہو اور وہ مستقبل میں مزید کامیابیاں حاصل کریں۔
ہم اساتذہ کرام کی اس عظیم کاوش کو خراجِ تحسین پیش کرتے ہیں اور دعاگو ہیں کہ اللہ تعالیٰ اس خدمت کو قبول فرمائے اور اسے مزید وسعت عطا کرے۔ 🤲
#تعلیم

30/03/2026

گورنمنٹ بوائز ہائی سکول ٹاہلیان میں 28 مارچ بروز ہفتہ سالانہ رزلٹ اور تقسیمِ انعامات کی ایک پروقار تقریب منعقد ہوئی۔
تقریب کے مہمانِ خصوصی انتہائی قابلِ احترام جناب مفتی ارشد یوسف صاحب تھے۔ سٹیج سیکرٹری کے فرائض ادارے کے معلم قاری عبدالباسط صاحب نے بخوبی انجام دیے۔
تقریب کا آغاز تلاوتِ کلامِ پاک سے ہوا جو حسنین گلداد نے پیش کی، جبکہ نعتِ رسولِ مقبول ﷺ ایان فزید اور دیگر طلبہ نے پیش کرنے کی سعادت حاصل کی۔
تقریب میں مختلف طلبہ، جن میں عبدالمعاز، احمد رضا، زیان سفیر، مطیع راشد، حاشر عمران اور عبدالوہاب راشد شامل تھے، نے انگریزی میں تقاریر پیش کیں۔ چھوٹے بچوں نے خوبصورت انداز میں ٹیبلو پیش کر کے حاضرین سے خوب داد وصول کی۔
شکریہ کے کلمات ماسٹر شوکت صاحب نے ادا کیے جبکہ اہلِ علاقہ کی نمائندگی ریٹائرڈ ٹیچر غلام کبیر صاحب نے کی۔ بعد ازاں سالانہ رزلٹ کا اعلان کیا گیا اور نمایاں پوزیشن حاصل کرنے والے طلبہ میں شیلڈز تقسیم کی گئیں۔
صدر معلم نصیر صاحب کی جانب سے نمایاں کارکردگی دکھانے والے طلبہ اور اساتذہ کرام میں خصوصی انعامات بھی تقسیم کیے گئے۔ اس موقع پر عبدالقیوم صاحب کلہ والے، غلام کبیر صاحب، زین اصغر صاحب اور مہمانِ خصوصی مفتی ارشد یوسف صاحب کی جانب سے ادارے کے لیے مالی تعاون بھی پیش کیا گیا۔
آخر میں معزز مہمانوں (مرد و خواتین) کی شرکت پر شکریہ ادا کیا گیا اور ان کے لیے ریفریشمنٹ کا اہتمام کیا گیا۔ پروگرام کا اختتام مولانا لیاقت صاحب کی دعا پر ہوا۔
دعا ہے کہ یہ ادارہ دن دگنی رات چوگنی ترقی کرے اور علاقے کے بچوں کو بہترین تعلیم فراہم کرتا رہے۔ اہلِ علاقہ سے بھی اپیل ہے کہ ادارے کے ساتھ تعاون کریں اور زیادہ سے زیادہ اپنے بچوں کو یہاں داخل کروائیں۔
اللہ تعالیٰ ہم سب کو اس کارِ خیر میں حصہ لینے کی توفیق عطا فرمائے۔ آمین۔

27/03/2026

🌹🌹رزلٹ تقریب🌹🌹
السلام علیکم
محترم والدین
امید ہے آپ خیریت سے ہوں گے 28مارچ بروز ہفتہ بوائز ہائی اسکول ٹاھلیان میں نتائج کا اعلان کیا جائے گا اور بچوں کو رزلٹ کارڈ دیئے جائیں گے۔اور پوزیشن ہولڈر بچوں کو انعامات سے نوازا جائے گا۔والدین اور اہل علاقہ سے گزارش ہے کہ اس پروگرام میں ضرور تشریف لا کر اپنی علم دوستی اور اپنے ادارے سے محبت کا ثبوت دیں ۔
شکریہ

04/03/2026

گورنمنٹ بوائز ہائی اسکول ٹاہلیاں میں تعلیمی سال 2026ء کے لیے پلے گروپ تا دہم داخلے بالکل فری جاری ہیں۔
یہ ادارہ معیاری تعلیم اور بہترماحول فراہم کرتا ہے۔ یہاں ایم فل، ایم ایس سی، ایم اے اور ایم ایڈ کوالیفائیڈ تجربہ کار اساتذہ تدریسی فرائض انجام دے رہے ہیں، جو جدید اور مؤثر اندازِ تعلیم کے ذریعے طلبہ کی ہمہ جہت صلاحیتوں کو نکھارتے ہیں۔
مزید یہ کہ مستحق طلباء کے لیے فری کتابیں اور یونیفارم کی سہولت بھی فراہم کی جا رہی ہے تاکہ کوئی بھی بچہ وسائل کی کمی کی وجہ سے تعلیم سے محروم نہ رہے۔
والدین سے گزارش ہے کہ اس بہترین اور مفت تعلیمی موقع سے فائدہ اٹھاتے ہوئے اپنے بچوں کا بروقت داخلہ یقینی بنائیں۔
آج کا داخلہ، روشن مستقبل کی ضمانت

03/03/2026

گورنمنٹ بوائز ہائی سکول ٹاہلیان میں صاف اور محفوظ پانی کی فراہمی کے لیے سولر واٹر سسٹم کی تنصیب ایک قابلِ تحسین اقدام ہے۔ یہ منصوبہ بوندِ شمس کے تعاون سے پایۂ تکمیل تک پہنچا۔
اس جدید سولر سسٹم کی بدولت طلبہ اور اساتذہ کو صاف پانی میسر آئے گا، جس سے نہ صرف صحت بہتر ہوگی بلکہ تعلیمی ماحول بھی مزید سازگار بنے گا۔ خصوصاً ایسے علاقوں میں جہاں وسائل محدود ہوں، اس طرح کا تعاون امید کی ایک روشن کرن ثابت ہوتا ہے۔
ہم بوندِ شمس کےجملہ ذمہ داران تمام معاونین بالخصوص باسط صاحب اور مظہر آفتاب صاحب جن کی خصوصی توجہ اور نشاندہی سے ممکن ہوا سب کا تہہ دل سے شکریہ ادا کرتے ہیں ، جنہوں نے اس فلاحی کام میں حصہ لیا۔ دعا ہے کہ اللہ تعالیٰ ان کے اس نیک عمل کو قبول فرمائے اور انہیں مزید خدمتِ خلق کی توفیق عطا کرے۔ آمین۔

05/02/2026

گورنمنٹ بوائز ہائی سکول ٹاہلیان میں 5 فروری کو یومِ یکجہتیٔ کشمیر کے موقع پر ایک پُروقار اور بامقصد تقریب کا انعقاد کیا گیا۔ تقریب کا مقصد طلبہ میں مسئلۂ کشمیر کی اہمیت اجاگر کرنا اور کشمیری عوام سے اظہارِ یکجہتی کرنا تھا۔
تقریب کا آغاز تلاوتِ کلامِ پاک سے ہوا، جس کے بعد طلبہ نے ملی نغمے، تقاریر اور نظمیں پیش کیں۔ مقررین نے کشمیری عوام کی قربانیوں، جدوجہدِ آزادی اور ان پر ہونے والے مظالم پر روشنی ڈالی اور اس عزم کا اظہار کیا کہ ہم سب کشمیری بھائیوں کے ساتھ ہر فورم پر کھڑے ہیں۔
اس موقع پر اساتذۂ کرام نے بھی خطاب کرتے ہوئے طلبہ کو مسئلۂ کشمیر کی تاریخی اور سیاسی اہمیت سے آگاہ کیا اور اتحاد، امن اور حقِ خودارادیت کے پیغام کو اجاگر کیا۔ تقریب کے اختتام پر کشمیری شہداء کے لیے دعا کی گئی اور کشمیر کی آزادی کے لیے خصوصی دعائیں مانگی گئیں۔
یہ تقریب طلبہ کے لیے نہ صرف معلوماتی تھی بلکہ ان کے اندر حب الوطنی اور انسانیت کا جذبہ بیدار کرنے کا باعث بھی بنی۔

18/01/2026

اطلاع برائے طلبہ و والدین
تمام طلبہ و والدین کو آگاہ کیا جاتا ہے کہ
اسکول کل بروز سوموار سردیوں کی تعطیلات کے بعد باقاعدہ طور پر دوبارہ کھل رہا ہے۔
تمام طلبہ کو ہدایت کی جاتی ہے کہ وہ مقررہ وقت پر صاف ستھری اور مکمل یونیفارم کے ساتھ اسکول تشریف لائیں۔
اسکول کے تمام قواعد و ضوابط پر سختی سے عمل کرنا لازم ہوگا۔

12/01/2026

12/01/2026

اَلسَلامُ عَلَيْكُم وَرَحْمَةُ اَللهِ وَبَرَكاتُهُ
بمطابق سرکاری نوٹیفکیشن کل سے بورڈ کلاسز اوپن ہوں گی تمام طلبأ مطلع رہیں۔ شکریہ