Quality Education

کامیاب کلاس روم کے پوشیدہ راز
کلاس روم صرف چار دیواری اور چند میز کرسیوں کا نام نہیں؛ یہ خوابوں کی آبیاری کی جگہ ہے۔ یہاں مستقبل سانس لیتا ہے، اور ذہنوں کی زمین میں امید کے بیج بوئے جاتے ہیں۔ مگر ہر کلاس روم کامیاب نہیں ہوتا۔ کچھ کمروں میں شور ہوتا ہے مگر سیکھنا نہیں، اور کچھ کمروں میں خاموشی ہوتی ہے مگر شعور جاگ رہا ہوتا ہے۔ سوال یہ ہے کہ کامیاب کلاس روم کے وہ کون سے پوشیدہ راز ہیں جو اسے محض تدریسی مقام سے فکری آشیانہ بنا دیتے ہیں؟

حوالہ جاتی و تحقیقی زاویہ
تعلیمی تحقیق اس بات پر متفق ہے کہ کامیاب کلاس روم کی بنیاد تین ستونوں پر قائم ہوتی ہے: تعلق (Relationship)، نظم (Structure)، اور مقصد (Purpose)۔ ماہرین کے مطابق جب استاد اور طالبِ علم کے درمیان اعتماد اور احترام کا رشتہ قائم ہو جائے تو سیکھنے کا عمل فطری ہو جاتا ہے۔ جان ہیٹی (John Hattie) کی تحقیق بھی یہی ظاہر کرتی ہے کہ استاد کا مثبت اثر اور واضح توقعات طالبِ علم کی کارکردگی میں نمایاں بہتری لاتے ہیں۔
پوشیدہ رازوں میں ایک اہم راز "محفوظ فضا" ہے۔ جب طالبِ علم کو یقین ہو کہ اس کی رائے سنی جائے گی، اس کی غلطی پر تضحیک نہیں ہوگی، اور اس کی کوشش کی قدر کی جائے گی، تو وہ دل کھول کر سیکھتا ہے۔ اسی طرح واضح اہداف اور منظم سبق بھی کامیابی کی ضمانت بنتے ہیں۔ بے سمت تدریس ذہن کو منتشر کرتی ہے، جبکہ منظم رہنمائی ذہن کو مرکوز کرتی ہے۔

فعال شرکت کا اصول
کامیاب کلاس روم وہ ہے جہاں استاد واحد مقرر نہیں بلکہ رہنما ہوتا ہے۔ سوال و جواب، گروہی سرگرمیاں، اور عملی مثالیں سیکھنے کو زندہ رکھتی ہیں۔ جب طالبِ علم سیکھنے کے عمل میں شریک ہو جائے تو علم محض سنا ہوا نہیں رہتا، بلکہ جیا ہوا تجربہ بن جاتا ہے۔
استاد کی شخصیت کا کردار
ایک اور پوشیدہ راز استاد کا جذبہ ہے۔ جو استاد خود سیکھنے کا شوق رکھتا ہو، جو اپنی تیاری مکمل رکھتا ہو، اور جو اپنے مضمون سے محبت کرتا ہو - وہی محبت طلبہ میں بھی منتقل کر دیتا ہے۔ کلاس روم کا ماحول اکثر استاد کے لہجے اور رویّے کا عکس ہوتا ہے۔

سبق آموز پیغام
کامیاب کلاس روم کسی جادو کا نتیجہ نہیں بلکہ مسلسل محنت، خلوص اور شعوری منصوبہ بندی کا ثمر ہے۔ اگر ہم تعلق کو مضبوط کریں، نظم کو واضح رکھیں، اور مقصد کو سامنے رکھیں تو ہر کلاس روم کامیاب ہو سکتا ہے۔ کیونکہ اصل راز عمارت میں نہیں، رویّوں میں پوشیدہ ہوتا ہے -اور جب رویّے درست ہو جائیں تو سیکھنا خود بخود ایک خوشگوار سفر بن جاتا ہے۔

تحریر: حامد گل حامد

ہم آنے والے SSTs ٹیسٹ کے سلسلے میں معزز ادارے KPPSC سے نہایت ادب اور احترام کے ساتھ یہ گزارش کرتے ہیں کہ امیدواروں کو OMR شیٹ کی کاربن کاپی بھی فراہم کی جائے۔ KPPSC ایک باوقار، معتبر اور میرٹ پر یقین رکھنے والا ادارہ ہے جس نے ہمیشہ شفافیت، دیانتداری اور انصاف کے اصولوں کو مقدم رکھا ہے۔ یہی وجہ ہے کہ عوام اور امیدواروں کا اس ادارے پر بھرپور اعتماد قائم ہے۔
ہم سمجھتے ہیں کہ اگر OMR شیٹ کی کاربن کاپی امیدواروں کو دی جائے تو اس سے نہ صرف امتحانی عمل مزید شفاف ہوگا بلکہ امیدوار اپنے جوابات کی خود تصدیق بھی کر سکیں گے۔ اس اقدام سے کسی بھی قسم کی غلط فہمی، ابہام یا شکوک و شبہات کی گنجائش باقی نہیں رہے گی اور میرٹ کی بالادستی مزید واضح ہو جائے گی۔
یہ ایک چھوٹا سا مگر مؤثر قدم ہوگا جو KPPSC کی شفاف پالیسیوں اور میرٹ پر مبنی نظام کو مزید مضبوط کرے گا۔ ہمیں یقین ہے کہ KPPSC ہمیشہ کی طرح اس مثبت تجویز پر غور کرے گا تاکہ امتحانی نظام میں اعتماد، شفافیت اور معیار کو مزید بہتر بنایا جا سکے۔
Khyber Pakhtunkhwa Public Service Commission

حامد میر کہتے ہیں کہ ایک دفعہ نواب اکبر بگٹی کے بیٹے طلال بگٹی اپنی قیمتی گاڑی لے کر بلوچستان کے ایک چھوٹے سے شہر کی ورکشاپ پر پہنچے۔ وہ ورکشاپ بظاہر عام سی تھی، مٹی سے اٹی ہوئی، پرانے اوزار، اور ایک سادہ سا مکینک جو برسوں سے ایمانداری سے محنت کر کے اپنا گھر چلا رہا تھا۔
طلال بگٹی نے گاڑی مکینک کے سامنے کھڑی کی اور کہا: “گاڑی چیک کرو، ابھی ٹھیک کرنی ہے۔”
مکینک نے گاڑی کا بونٹ کھولا، غور سے دیکھا، پھر احترام سے بولا: “کام کافی زیادہ ہے صاحب، آج میرے پاس ٹائم نہیں، کل آ جائیں تو بہتر ہوگا۔”
یہ سن کر طلال بگٹی کا لہجہ بدل گیا۔ انہیں یہ بات ناگوار گزری کہ کوئی عام مکینک انہیں “کل آنے” کا کہہ دے۔ غصے میں آ کر انہوں نے مکینک کو برا بھلا کہا، اور پھر بات ہاتھا پائی تک جا پہنچی۔ روایت کے مطابق طلال بگٹی نے مکینک کو دو تین تھپڑ مار دیے۔
ورکشاپ میں موجود لوگ فوراً بیچ بچاؤ کے لیے آگے بڑھے۔ کسی نے مکینک کو پیچھے کیا، کسی نے طلال بگٹی کو روکا۔ ماحول کشیدہ ہو گیا۔ مکینک خاموش تھا، آنکھوں میں آنسو تھے مگر زبان بند تھی۔ طلال بگٹی غصے میں گاڑی اسٹارٹ کر کے وہاں سے چلے گئے۔
لوگوں نے مکینک سے کہا: “بھائی، یہ بڑے لوگ ہیں، ان سے الجھنا ٹھیک نہیں۔” مکینک نے صرف اتنا کہا: “میں نے کوئی بدتمیزی نہیں کی تھی، بس سچ کہا تھا۔”
یہ بات شہر میں پھیل گئی۔ شام تک یہ خبر کسی نہ کسی ذریعے سے نواب اکبر بگٹی تک پہنچ گئی۔
نواب اکبر بگٹی کا شمار بلوچستان کے باوقار، اصول پسند اور سخت مزاج سرداروں میں ہوتا تھا۔ جب انہوں نے سنا کہ ان کے بیٹے نے ایک غریب مکینک پر ہاتھ اٹھایا ہے تو وہ خاموش ہو گئے۔ کچھ دیر سوچتے رہے، پھر مختصر سا حکم دیا: “کل صبح اس مکینک کو میرے پاس لایا جائے۔”
اگلے دن صبح مکینک کے گھر سرکاری گاڑی پہنچی۔ وہ گھبرا گیا۔ اس کی بیوی نے روتے ہوئے کہا: “میں نے کہا تھا نا، بڑے لوگوں سے الجھنے کا انجام برا ہوتا ہے۔”
مکینک نے کپکپاتے ہاتھوں سے چپل پہنی اور گاڑی میں بیٹھ گیا۔ اس کے ذہن میں ہزار خدشات تھے:
“پتہ نہیں اب کیا ہوگا؟ کہیں جیل نہ ہو جائے؟ یا مزید ذلت؟”
جب وہ نواب اکبر بگٹی کے ڈیرے پر پہنچا تو ماحول بالکل مختلف تھا۔ نظم و ضبط، خاموشی اور وقار ہر طرف نظر آ رہا تھا۔ اسے اندر لے جایا گیا۔
نواب اکبر بگٹی کرسی پر بیٹھے تھے۔ سفید داڑھی، گہری آنکھیں اور رعب دار شخصیت۔ مکینک نے ڈرتے ہوئے سلام کیا۔
نواب اکبر بگٹی نے نہایت سنجیدہ آواز میں پوچھا: “کیا کل میرے بیٹے نے تمہیں مارا تھا؟”
مکینک نے نظریں جھکا کر کہا: “جی سردار صاحب… مگر میری کوئی غلطی نہیں تھی۔”
نواب اکبر بگٹی نے ایک لمحے کے لیے آنکھیں بند کیں، پھر محافظ کو آواز دی: “طلال کو بلاؤ۔”
کچھ ہی دیر میں طلال بگٹی حاضر ہو گئے۔ ان کے چہرے پر اعتماد تھا، شاید یہ سمجھ رہے تھے کہ معاملہ ان کے حق میں ہوگا۔
نواب اکبر بگٹی نے سخت لہجے میں پوچھا: “کیا تم نے اس مکینک پر ہاتھ اٹھایا تھا؟”
طلال بگٹی نے کہا: “جی، اس نے بدتمیزی کی تھی، گاڑی ٹھیک کرنے سے انکار کر دیا تھا۔”
نواب اکبر بگٹی نے میز پر ہاتھ مارا: “کیا کسی کا انکار کرنا بدتمیزی ہے؟
کیا تمہارا نام بگٹی ہونا تمہیں یہ حق دیتا ہے کہ تم کسی غریب پر ہاتھ اٹھاؤ؟”
طلال بگٹی خاموش ہو گئے۔
نواب اکبر بگٹی نے محافظ کو حکم دیا: “اس مکینک کے سامنے کھڑے ہو جاؤ۔”
پھر انہوں نے مکینک کی طرف دیکھ کر کہا: “بیٹا، کل تمہیں جتنے تھپڑ لگے تھے، آج وہی تھپڑ واپس لو۔”
مکینک کانپ گیا: “نہیں سردار صاحب، میں یہ نہیں کر سکتا۔ وہ آپ کے بیٹے ہیں۔”
نواب اکبر بگٹی کی آواز مزید سخت ہو گئی: “یہ میرا بیٹا نہیں، یہ ایک ظالم ہے۔ اور ظلم کے سامنے خاموش رہنا بھی گناہ ہے۔”
لوگوں کے مطابق مکینک کے ہاتھ کانپ رہے تھے، آنکھوں میں آنسو تھے۔ اس نے ہچکچاتے ہوئے ایک ہلکا سا تھپڑ مارا۔
نواب اکبر بگٹی نے کہا: “جتنے لگے تھے، اتنے پورے کرو۔”
مکینک نے بمشکل گنتی پوری کی۔ ہر تھپڑ طلال بگٹی کے لیے نہیں، بلکہ غرور کے منہ پر تھا۔
اس کے بعد نواب اکبر بگٹی نے مکینک کو قریب بلایا، اس کے سر پر ہاتھ رکھا اور کہا: “بیٹا، عزت نام یا طاقت سے نہیں، انصاف سے ملتی ہے۔
آج اگر میرا بیٹا غلط ہے تو وہ عام آدمی سے بھی کمتر ہے۔”
پھر انہوں نے مکینک کو کچھ رقم دی اور کہا: “یہ تمہاری تذلیل کا نہیں، تمہاری عزت کا معاوضہ ہے۔ اور یاد رکھو، سچ بولنے والا کبھی چھوٹا نہیں ہوتا۔”
مکینک روتا ہوا وہاں سے نکلا، مگر آج اس کے آنسو کمزوری کے نہیں، عزت کے تھے۔
یہ کہانی ہمیں یہ سبق دیتی ہے کہ اصل سرداری طاقت میں نہیں، انصاف میں ہوتی ہے۔
اور جو باپ اپنے بیٹے کو بھی قانون کے برابر کھڑا کر دے، وہی دراصل قوم کا رہنما کہلانے کے قابل ہوتے ہیں 😳

فالوؤ اور شیئر کیجئے 👍

BLACK DAY FOR SWAT

*17 مارچ 2025 کا PSRA نوٹیفکیشن*
*کوئی بھی پرائیویٹ سکول ماہانہ ٹیوشن فیس کے علاوہ داخلہ فیس ، سالانہ فیس یا کوئی نام دے کر کسی قسم کا فنڈ یا کوئی نیا نام دے کر محصول نہیں لے سکتا ہے*
*ایسا کرنے پر KP PSRA کے جاری کردہ نوٹیفکیشن اور پشاور ہائی کورٹ کے فیصلے کی خلاف ورزی کرنے کے جرم میں توہین عدالت تصور کی جاۓ گی*👍🏾

ہم ڈاکٹر جمیل احمد خان یوسفزئ صاحب کو ایس ایس ٹی پوسٹ کو پروموٹ ہونے پر دل کی ا تھاہ گہرائیوں سے مبارکباد پیش کرتے ہیں اور ان کی صحت ، مزید کامیابیوں اور خوشیوں کے لیۓ ہمیشہ دعاگوں رہینگے۔
منجانب۔جملہ سٹاپ GHSS خوازہ خیلہ سوات